EZRÂ 9:4 - Mara Bible RV (BSI)

⁴ Cha hawhta a pachâna pahno leipa ta zâlâ atheihna hlâ daihti taihta ei tyuh thlâh nota, seichâna tawhta a vaw kuapazy paraona vâta Izarei Khazohpa bie ta a chalyupazy ei kiapâh liata a vaw hmaoh ei ta.

EZRÂ 9:4 ပူးပေါင်းရင်းမြစ်များ

2 THÂTIHZYRONA 34:27

he su nata a chhôh liata a pahrâpazy kyh liata Abeipa biezy na thei nahta, na palôh panaipa ta, Khazohpa hmiakô liata a panawh chi ta. Ei hmiakô liata a panawhpa ta, na chysiazy hrie chi ta, ei hmiakô liata na chapa vâta, kei chhao ta ei cha thei haw, Abeipa ta a tah.

EZRÂ 10:3

Chavâta ei zibeipa nata eima Khazohpa biepiepa ta a chalyupazy ryhraokheipa hawhta, Izarei sawzy ta chihropa zuah lapinô ta ama hneipa zydua nata ama sawzy papua khai awpa ta, eima Khazohpa liata bie hraih ei suh u. Cha hawhta eima tao tita deikua cha, Ryhpa hawhta taopa châ mawh sy.

EZRÂ 10:9

Zudâh nata Benzami mo zydua noh thôh chhôh ta Zerusale liata a hmaohpakhy ei ta. Thla chakina, noh kihna noh ta amâ hmaohpakhy. Zawpi zydua cha Khazohpa o tlyhmia kawhpa liata a tyuh ei ta, cha biezy vâta nata vâsua ru ngaitapa vâta thata a chalyu ei ta.

HLAZY 119:136

Na ryhpa bie ama zyh leipa vâta, Ei mozy tawhta mothlih chavah a loh tyh.

PUASAINA 29:39

Mietakutaw pô kha my ta hlâ aw chi ta, mietakutaw hropa zâlâ ta na hlâ tyh aw.

PUASAINA 29:41

Mietakutaw hropa cha zâlâ ta hlâ aw chi ta, my ta niepa hlâna taozie hawhta nata dopa hlâna taozie hawhta tao aw chi ta, cha cha Abeipa lâta mei ta hmohlâpa ropahâhpa a châ aw.

ISAI 66:2

He hmo zydua he keima ku ta tao ta, Chatanachata he hmo zydua he a vaw ypa a châ,” Abeipa ta a tah. “A panawhpa ta a palôh liata a ngiapachhi ta, Ei bie liata a chalyupa chyhsa lâta ei mo ei padeih aw,” Abeipa ta a tah.

ISAI 66:5

Nâmo, a bie liata a chalyu tyhpazy saih u, Abeipa bie he thei teh u: “Châ hao ei ta, Ei moh vâta châ papuatuhpa nama unawhzy ta, ‘Namâ lyna eima hmô thei nawpa ta, Abeipa cha parônahsapa ta y mawh sy,’ ama tah; Châhrasala âmo chaipa cha, Nozapa ta paysapa tlao ama châ aw.

EZEKIA 9:4

Abeipa ta a hnohta, “Zerusale khihpi chahryh la, khihpi chhôh liata hmo pasichhihpa taopazy vâta a hrôpa nata a rôhpazy chyhsazy khi liata ngiana tao mah y,” tah ta.

DÂNIAH 10:2

Cha nohzy liata, kei, Dâniah cha hâta ei thôh chhôh mâchhiesapa ta y na ta.

DÂNIAH 9:21

thlahchhâna bie ei rei hai no tlai ta, aluahna hmiatuapa liata ei hmôpa chyhsa, Kabriel kha ta, zâlâ atheihna hlâ daihti liata a chatliepa ta kei lâ a zâ zaw ta.

MALUHREINA 25:6

Ahmaohna poh o chhikao liata ama cha hai nota, Izarei chyhsa pakha ta Midia chanô pakha Mawsi mohmô nata Izarei zawpi mohmô liata a o lâ a vaw chhi ta.

HMOTAOPAZY 3:1

Pity nata Zawhâna cha noh kia râhsâ ta thlahchhâ daihti nota Achhyna o lâ khy ei ta.