EZRÂ 9:3 - Mara Bible RV (BSI)

³ Cha thâtih cha ei theipa nahta, ei viahkao nata ei poh hrie nata, ei sâ nata ei kâhhmi phia na ta, a pachâna pahno leipa ta a tyuh na ta.

EZRÂ 9:3 ပူးပေါင်းရင်းမြစ်များ

2 SAMUELA 1:11

Dâvi cha a chysiazy hrie ta, a hnohta a ypa chyhsa zydua chhao ta ano taopa hawhta tao chyu hra ei ta.

2 ABEIZY 18:37

Chatawhcha Hikia sawchapawpa abei o hyutuhpa Eliakima, chârohtuhpa Sebanâ nata Asâpha sawchapawpa thâtih rohtuhpa Zôah zy cha ama chysiazy hriepa ta Hezekia lâ vawh ei ta, Râbâsake bie reipazy cha kei chho ei ta.

NEHEMIAH 1:4

Cha biezy cha ei thei nahta, thlai a tyuh na ta, cha na ta, noh hluhpi mâchhiesa na ta, avâ Khazohpa hmiakô liata kâhvileipa ta thlahchhâ na ta.

NEHEMIAH 13:25

Âmo cha ra ei na ta, chhiesapa ei na ta, thokhazy cha tu ei na ta, ama sâzy phia na ta. Khazohpa moh ta bie pataihsa ei na ta, ama hnohta, “Nama sawchanôzy cha ama sawchapawzy nama pie awpa châ leipa ta, nama sawchapawzy châta tlyma, nâmo châta tlyma, ama sawchanôzy nama hnei awpa châ vei.

ZAWBÂ 1:20

Chatawhcha Zawbâ cha thyu ta, a viahkao pasipa cha hrie ta, a luh a ngyu ta, alei liata pao ta, Khazohpa cha hetana heta â chhy:

HLAZY 119:53

Na ryhpa a heihsaituhpa moleipazy vâta, Ei hie thata a hâh tyh.

HLAZY 143:4

Chavâta ei thlahpa kei liata panao ta, Ei palôh kei liata ngiarohna ta a bie.

HLAZY 66:3

Khazohpa hnohta, “Na hmotaopazy noâh a chhih ta, Na hmotaotheina a rônah kaw dia! Chavâta na chariahpazy a bôhpa ta nâ lâ amâ vy.

ISAI 15:2

Dibô cha achhyna o lâ pangaipa ta, Cha awpa ta a su sâhpazy lâ khy ta; Môabâ ta Nebô nata Medebâ khihpizy a chakhei ei. Luh zydua pôlô khai ha ta, Kâhhmi zydua a tlyh khai haw.

ZEREMIAH 36:24

Châhrasala cha bie zydua a theipa abei tlyma, a chakaotuhpazy tlyma, ahy hmahta chi leipa ei ta, ama chysiazy hrie hra veih ei.

ZEREMIAH 7:29

“Hy Zerusale y, na sâ a ngyupa ta thy la, Awphy tlâh lakizy liata chaphôhtu teh; Abeipa hie a pahâhtuhpa chhâ moleipa he, Abeipa ta dytha ta a siesai haw.”

EZEKIA 3:15

Seichâna liata a ypazy pahrâna Khebâ chavah kiah liata Telâbi kei tlô na ta. Ama pahrâna su liata noh sari a tyuh na ta. Cha liata hmo ei hmôpazy ta thata na pahlaw ta.

EZEKIA 7:18

Latho poh a bu aw ei ta, chichhihna ta a khu aw ei. Ama zydua hmiachhiepa ta y aw ei ta, ama luh zydua a pôlô khai aw.

DÂNIAH 4:19

Dâniah, Beltesâza ama tahpa cha, buakha chhôh chihuhpa ta vaw y ta, a pachâpazy ta patypamâ ta. Abei ta a chhy ta, a hnohta, “Beltesâza y, mâsapa tlyma, a chhopasiana tlyma ta cha patypamâ khah se,” tah ta. Beltesâza ta a chhy ta, a hnohta, “Ei zibeipa, na mâsapa he châ haotuhpazy châta châ sala, a chhopasiana he na chariahpazy châta châ mawh sy!

DÂNIAH 8:27

Kei, Dâniah cha thachhâpa ta y na ta, noh khazie tlyma pasapa ta a zia na ta. Chatawhcha thyu na ta, abei rai cha hria heih na ta, châhrasala aluahna ta ei thlah thata na pazo ta, a yzie rai pahno leipa na ta.

THEIHTHAINA 21:5

Theihthaipazy cha luh pôlôpa ta ama sâ amâ ngyu awpa châ leipa ta, ama kâhhmi kâ lâ ama tai awpa châ hra leipa ta, ama pôhpa ama â awpa châ vei.

MIKÂ 1:16

Na sâ a ngyupa ta na luh a papôlô teh; Na saw mopakiapazy cha, Seichâna lâ ama cha siesai awpa vâta, Vâkhieh hawhta na luh a papôlô teh.

ZAWSUA 7:6

Zawsua cha a chysiazy hrie ta, ano nata Izarei machâzy cha, Abeipa Byh hmiakô liata zâlâ taih â khu lâta alei liata pao ei ta, ama luh liata buchâh mia ei ta.