EZRÂ 9:12 - Mara Bible RV (BSI)

¹² Chavâta nama sawchanôzy ama sawchapawzy pahneisa leipa u la, ama sawchanôzy nama sawcha­pawzy pahneisa hra leipa u la, âmo nata adyryhna nata ama byhnâ awna zy tlua khuh vy. Chatanachata thatlôpa ta y aw ei chi ta, râh phana nie aw ei chi ta, râh cha nama sawzy châta chhâzaw ta ama to awpa ryu ta nama paryu thei aw,’ tahpa biepiepazy eimâ heihsai haw.

EZRÂ 9:12 ပူးပေါင်းရင်းမြစ်များ

1 THÂTIHZYRONA 28:8

Chavâta tahmâ Abeipa phopi Izarei saw zydua mohmô liata nata eima Khazohpa theina liana heta, Abeipa nama Khazohpa biepiepa zydua he zyh ta, pachâ awpa ta ei cha pasyu ei. Chatanachata he râh phapa he hnei aw ei chi ta, châ vaw pazi awpa nama pathlazy ta chhâzaw ta ama hnei awpa ryuto râh châta nama paryu pachhuah lymâ aw.

2 THÂTIHZYRONA 19:2

Hânani sawchapawpa hrohsopa Zehu cha ano dy awpa ta pua ta. Bei Zehôsaphâ hnohta, “Moleipa a châhkhei aw chi ta ma, Abeipa a haotuhpazy kyh na pachâ aw? Chavâta na chô liata Abeipa pathiiana a vaw tlô haw.

EZRÂ 9:2

Ama sawchanôzy cha âmo nata ama sawchapawzy ta lapinô ta hnei ei ta, chatanachata chi pathaihpa cha, cha râh liata phopi hropazy chi nata a pahlaopahlipa ta a y haw. He ngâchhih leina kyh liana heta beimachâzy nata chhituhpazy ama châ pachai,” tahpa ta na chho ei ta.

PUASAINA 23:32

Ama hnohta bie na hraih awpa châ leipa ta, ama khazohzy hnohta bie na hraih awpa châ hra vei.

BIESOZY 13:22

Chyhsa phapa cha a samohzy to awpa taihta ryu siesai ta, Moleipa sôh deikua cha mosiapa châta pachôpa a châ.

BIESOZY 20:7

Mosiapa cha â dona hrokhei lymâ ta, A vaw pazi awpa a pathlazy thlaochhipa ta ama y aw.

ISAI 1:19

A phapa nata reingiahpa ta nama y khiahta cha, Râh phana nie aw ei chi ta;

RYHPACHANEINA 23:6

Ama thlalôh nawpa nata ama hneirôh nawpa ta, nama hro chhôh zydua khati ta hmahta nama pachâkhei awpa ei châ vei.

RYHPACHANEINA 23:7

“Edômâ mo cha nama unawhpa châ ei ta, namâ hao awpa châ vei. Izi mo chhao namâ hao awpa châ vei, nâmo chhao ama râh liata mapaihpa nama châpa kha.

RYHPACHANEINA 7:3

Âmo nata a hnei pahlao awpa châ leipa ta, ama sawchapawzy châta nama sawchanôzy nama pie awpa châ leipa ta, nama sawchapawzy châta ama sawchanôzy nama hia awpa châ vei.