EZRÂ 9:11 - Mara Bible RV (BSI)

¹¹ châ chakaotuhpa hrohsopazy hmâpa ta, ‘Hnei awpa ta namâ ngia awpa râh cha, a râh liata a pahrâpa phopizy pathaih leina ta a puapa râh châ ta, râh âthaona tawhta achhâna taihta ama pasichhihna nata puana ta a biepa a châ.

EZRÂ 9:11 ပူးပေါင်းရင်းမြစ်များ

2 ABEIZY 21:16

Cha dei châ vei, Manase cha mosiapa thisaih thata palo ta, Zerusale doh nata hâ cha thisaih ta a pabie haw. Cha cha Zudâh pamoleisapa ta, Abeipa mohmô liata hmo pha lei ngaitapa ama taopa thota a taopa moleina a châ.

2 THÂTIHZYRONA 33:2

Abeipa ta Izarei phopi hmiakô tawhta a papua hapa phopizy hmotaopa pasichhihpazy taopa ta, Abeipa mohmô liata hmo pha leipa tao ta.

EZRÂ 6:21

Atheihna sa cha seichâna tawhta a vaw kuapa Izarei sawzy ta nie ei ta, Izarei râh liata a vaw pahrâpa phopizy pathaih leina tawhta a pananopa ta Abeipa Izarei Khazohpa a chhy awpa ta âmo a pazaopa maihta nie hra ei ta.

EZRÂ 9:1

Cha hmozy taopa a châ khai nahta, beimachâzy kei lâ a vy ei ta, ei hnohta, “Izarei sawzy nata theihthaipazy nata Livai pathlazy ta he râh liata a vaw pahrâpa phopizy tawhta a panano leipa ei ta, Kâna mo, Hiti mo, Perizi mo, Zebu mo, Amawna mo, Môabâ mo, Izi mo nata Amawri mo hmotaopa pasichhihpazy ama tao hra.

EZRÂ 9:10

“Hy eima Khazohpa, khâpa eima reih khao aw? Na biepiepazy a heihsai pi ta,

ZEREMIAH 26:5

ama bie nathlie awpa ta nâmo lâta ei vaw tua chanei ngâ thlâh hapa nâ chakaotuhpa hrohsopazy bie nama nathlie leipa khiahta cha,

2 KAWRINI 7:1

Kyhpachâ ngaitapa saih u, cha bietaizy cha eima hneipa vâta, pôhpa nata thlahpa a papuapaleipa zydua tawhta a pathai sih la, Khazohpa chipa ta pathaih pakipa ta y suh u.

RYHPACHANEINA 12:31

Abeipa na Khazohpa cha âmo taozie hawhta namâ chhy awpa châ vei. Ama khazohzy amâ chhyzie liata, Abeipa ta â haopa hmo pasichhihpa to tao ei ta, ama sawchapawzy nata ama sawchanôzy taih mei liata raopa ta ama khazohzy lâta ama hlâ tyh.

RYHPACHANEINA 18:12

Cha hmozy a taopa cha Abeipa pachâ ta pasichhihpa châ ta, cha hmo pasichhihpazy vâna chata Abeipa nama Khazohpa ta nama hmiakô tawhta a papua ha ei.