EZRÂ 9:1 - Mara Bible RV (BSI)

¹ Cha hmozy taopa a châ khai nahta, beimachâzy kei lâ a vy ei ta, ei hnohta, “Izarei sawzy nata theihthaipazy nata Livai pathlazy ta he râh liata a vaw pahrâpa phopizy tawhta a panano leipa ei ta, Kâna mo, Hiti mo, Perizi mo, Zebu mo, Amawna mo, Môabâ mo, Izi mo nata Amawri mo hmotaopa pasichhihpazy ama tao hra.

EZRÂ 9:1 ပူးပေါင်းရင်းမြစ်များ

ÂTHAONA 15:16

Amawri mo moleina kih a tlô mâh leipa vâta, chhâ palihna liata, he su liana heta ama vaw kua aw,” tah ta.

1 ABEIZY 11:1

Sawlawmaw ta Phiraoh sawchanô thota, chihropa chanô hluhpi, Môabâ zuahzy, Amawna zuahzy, Edômâ zuahzy, Sidaw zuahzy, Hiti zuahzy khoh ta.

2 THÂTIHZYRONA 33:2

Abeipa ta Izarei phopi hmiakô tawhta a papua hapa phopizy hmotaopa pasichhihpazy taopa ta, Abeipa mohmô liata hmo pha leipa tao ta.

2 THÂTIHZYRONA 8:7

Izarei saw a châ leipa, Hiti mo, Amawri mo, Perizi mo, Zebu mo,

EZRÂ 10:2

Elâmi pathla Zehie sawchapawpa Sekaniah ta Ezrâ hnohta, “Eima Kha­zohpa châta ngâ a chhih khao leipa pi ta, he râh liata chihropa chanôzy lapinô ta vaw hnei pi ta, cha hawhta a châpa chhao ta, Izarei châta hnabeiseihna a y chy.

EZRÂ 10:8

Ahy rai chhituhpazy nata machâzy biepiepa hawhta, noh thôh chhôh ta a vaw tlô leipa cha, a hmohneipa zydua patu khaipa châ aw ta, ano chhao seichâna tawhta a vaw kuapazy py tawhta papuapa a châ aw tahpa bie papuapa a châ.

NEHEMIAH 13:23

Cha nohzy liata, Asadô chanôzy, Amawna chanôzy nata Môabâ cha­nôzy lapinô ta a hneipa Zu chyhsazy hmô na ta.

NEHEMIAH 4:3

A kiapâh liata Amawna chyhsa Tôbia y ta, ano ta, “Khâpa thokhy cha ma zua ama padua thei hra bao aw tly? Changie ta hmah kiah sala, alô thokhy ama taopa cha a pacho thlâh bao aw na,” tah ta.

NEHEMIAH 4:7

Zerusale thokhy taopathina raihria cha a hmasie lymâ ta, a raonazy pamai pathaopa a châ tahpa Sanbâlâ, Tôbia, Arabia mo, Amawna mo nata Asadô mozy ta ama thei nahta, ama hiehâh ngaita ta.

NEHEMIAH 9:2

Izarei chipathlazy cha chihropazy tawhta a panano ei ta, a duah ei ta, âmo moleinazy nata ama pathlatuhpazy paraonazy palâhâhpa ta reihpha cheih ei ta.

HLAZY 106:35

Râh hropazy nata a pahlao ei ta, Ama hmotaozie hâ amâ la.

PUASAINA 13:5

Abeipa ta nâmo cha pie awpa ta châ pathlatuhpazy hnohta bie â vaw taihpa Kâna mo, Hiti mo, Amawri mo, Hivi mo nata Zebu mozy pahrâna râh, sâhpiti nata kheihti lona râh a cha tlôkhei ti ei ta, he thla liana heta, he chakaona he nama hmâ tyh awpa a châ.

PUASAINA 23:23

“Ei vâlyuhchâpa na hmia lâta sie aw ta, Amawri mo, Hiti mo, Perizi mo, Kâna mo, Hivi mo nata Zebu mozy yna lâ châ chhi aw ta, âmo cha ei pahleipadia aw ei.

PUASAINA 33:16

Kei nata na phopi he, na mo dypa ta eima y tahpa kheihta chyhsa ta ama pahno thei aw? Miah ypâ chi ta, eima hnohta na siena liana chata vei ma, kei nata na phopi he alei chô liata phopi hropa zydua nata eimâ nanona cha â lâ aw vei?” tah ta.

ISAI 52:11

Pua teh u, pua teh u, Sei ta namâ tâhna su tawhta pua u la, Hmo pathaih leipa rai hria khah u. Nâmo, Abeipa hmobaoh a chabatuhpazy saih u, Babylaw tawhta pua u la, a pathai teh u.

ZEREMIAH 26:10

Zudâh beimachâzy ta cha thâtih cha ama thei nahta, abei o tawhta Abeipa o lâ khy ei ta, Abeipa o lâ angiana Chhikao Thiehpa liata a tyuh ei ta.

ZEREMIAH 26:16

Chatawhcha beimachâzy nata zawpi zydua ta theihthaipazy nata hrohsopazy hnohta, “He chyhsa he thi awpa ta a thâtih pachia tlâh châ vei, Abeipa eima Khazohpa moh ta eima hnohta bie a reihpa tlao a châ hih,” tah ei ta.

THEIHTHAINA 18:3

Nama vaw pahrâna Izi râh liata ama taozie hawhna khata nama tao awpa châ leipa ta, ei cha tlôkhei awpa su Kâna râh liata ama taozie hawhta nama tao awpa châ hra vei. Ama bieraopazy nama zyh awpa châ vei.

MALAKHAI 2:11

Zudâh ta ngâchhihna pahlei ha ta, Izarei nata Zerusale liata hmo pasichhihpazy taopa a châ. Zudâh ta chihropa khazoh sawchanôzy lapinô ta hnei ta, Abeipa ta a pasô ngaitapa a supathaihpa cha a papuapalei haw.

MALUHREINA 23:9

Lôkâhpa khi tawhta Izarei cha hmô na ta, Tlâh laki tawhta ano cha ei sai; Moh tua, ano dei ta a ypa phopi châ ta, Phopi hropazy hawhta â pachâ leipa phopi a cha!

MALUHREINA 25:6

Ahmaohna poh o chhikao liata ama cha hai nota, Izarei chyhsa pakha ta Midia chanô pakha Mawsi mohmô nata Izarei zawpi mohmô liata a o lâ a vaw chhi ta.

RYHPACHANEINA 18:9

“Abeipa nama Khazohpa ta râh a cha piepa ei nama tlô tita, cha râh liata phopizy taozie pasichhihpazy nama tao awpa châ vei.

RYHPACHANEINA 23:8

Chhâ thôhna tawhta cha, ama pathlazy Abeipa pakhypi liata amâ hlao thei aw.

RYHPACHANEINA 7:1

“Abeipa nama Khazohpa ta hnei awpa ta nama pangaipa râh a cha tlôkhei ti ei ta, phopi hluhpi, Hiti mo, Kikâsi mo, Amawri mo, Kâna mo, Perizi mo, Hivi mo nata Zebu mozy, nâmo hlâta maluh hluh viapa nata thatlô viapa phopi mia saripazy nama hmiakô tawhta a papua aw ei.

ZAWSUA 23:12

Hnôh lâ a heihpa ta, phopi laibâhpa nama hry liata a pahrâpazy a zaokhipa ta, a hnei pahlao u la, nama o cha kiah ei sala, ama o nama kiah khiahta cha,