EZRÂ 8:28 - Mara Bible RV (BSI)

²⁸ Ama hnohta, “Abeipa châta pathaihpa châ ei chi ta, hmobaohzy chhao pathaih ei ta, tâkâ nata ngôh zy he Abeipa, châ pathlatuhpazy Khazohpa châta lôhthai thyuna sôh sai a châ.

EZRÂ 8:28 ပူးပေါင်းရင်းမြစ်များ

1 THÂTIHZYRONA 23:28

Ama maophaohna cha Abeipa o chakaona raihria liata Arawna sawchapawzy bao awpa châ ta, tlyhmiazy nata chhôhpadâhpazy mohôh ei ta, hmo pathaihpa zydua pasi tyh ei ta, Khazohpa o liata chakaona rai hropazy ama hria tyh.

1 THÂTIHZYRONA 26:20

Livai pathla Ahiza cha Khazohpa sôh sopakhyna o nata hmo pathaihpa sopakhyna o vaituhpa a châ.

2 THÂTIHZYRONA 24:14

Rai ama patlô nahta, sôh laibâhpa zydua cha abei nata Zehôdâ lâ vaw cheih ei ta. Cha sôh cha hmâpa ta Abeipa o liata chakaona châta nata raopa hlâna châta beihphiahzy tao ei ta, ropahâhpa beihkohzy nata ngôh nata tâkâ hmobaohzy chhao ama tao. Chatanachata Zehôdâ hro chhôh zydua cha, Abeipa o liata raopa hlânazy a daihtita liata ama hlâ lymâ.

EZRÂ 8:27

dari 1,000 chyu a hripa ngôh biebuh 20, ngôh tlu ta a sôhpa dawh pathliepa a ngia ngaitapa hmobaoh miano ama ku liata hlâ na ta.

PUASAINA 35:29

Chatanachata Izarei saw zydua, a chanô chapaw ta, ama palôh liata pie khohna a hneipa maihta, Abeipa ta tao awpa ta Mawsi ku liata bie a piepa zydua tao nawpa ta lôhthai thyuna vaw cheih ei ta.

ISAI 52:11

Pua teh u, pua teh u, Sei ta namâ tâhna su tawhta pua u la, Hmo pathaih leipa rai hria khah u. Nâmo, Abeipa hmobaoh a chabatuhpazy saih u, Babylaw tawhta pua u la, a pathai teh u.

MALUHREINA 7:13

A hmohlâpa cha supathaihpa sekel reizie ta reipa ta, niepa hlâna châta sathaw pahlaopa viahdie dipa ta pabiepa tâkâ beikoh sekel 130 a hripa miakha nata tâkâ biebuh sekel sysari a hripa miakha;

RYHPACHANEINA 33:8

Livai châta byhnâ awna: “Livai hnohta na Thumi pie la, Na mopathaihpa hnohta na Uri pie mah y. Ano cha Mâsâ liata pasia chi ta, Meribâ tizy liata na pahao.