EZRÂ 8:22 - Mara Bible RV (BSI)

²² “Eima Khazohpa ku cha ano a tluatuhpa zydua chô liata phana châta y tyh ta, a pathiiana hmotaotheina deikua cha, ano a heisaituhpa zydua chô liata a y tyh,” tahpa ta abei eima chho hapa vâta, lâpi liata eima chariahzy tawhta miah vaih awpa pheisaih nata arâ pheisaihzy abei lâta hia awpa ei noza kawpa vâta, kâhvileipa ta thlahchhâna cha ei phuahpa a châ.

EZRÂ 8:22 ပူးပေါင်းရင်းမြစ်များ

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

2 THÂTIHZYRONA 15:2

Âsâ dy awpa ta pua ta, a hnohta, “Asâ nata Zudâh nata Benzami pathla zydua saih u, na nathlie teh u: Ano chhâh namâ châh chhôh zydua cha, Abeipa chhao ta nama chhâh a châ ta, ano nama tlua khiahta cha, hmô aw ei chi ta, ano namâ heihsai khiahta cha, ano chhao ta a châ heihsai aw ei.

2 THÂTIHZYRONA 16:9

Abeipa mo cha, ano lâta palôh tlokhuh a paheihpazy thatlôpa ta bao awpa ta, khizaw zydua a tawpâ thlâh ha mâh tâh. Hru kawpa ta hmo tao chi ta, tahmâ tawhta cha, chariah a dyuh awpa khâ na hnei aw,” tah ta.

EZRÂ 7:28

abei nata a ryhraokheituhpazy hmiakô liata nata bei pheisaih hyutuhpazy hmiakô ta ei chô liata ngiachhiena a palâsatuhpa Abeipa, miah pathlatuhpazy Khazohpa cha reithaipa ta y mawh sy. Abeipa ei Khazohpa ku ei chô liata a ypa vâta, ei tha a patlô na ta, na sielâh awpa ta Izarei chhituhpazy ei pahmaoh ei.

EZRÂ 7:6

Ezrâ cha chârohtuhpa châ ta, Abeipa Izarei Khazohpa piepa Mawsi Ryhpa a thai ngaitapa a châ. Abeipa a Khazohpa ku a chô liata a ypa vâta, a hiapa maih abei ta a pie lymâ.

EZRÂ 7:9

Thla khana, noh khana noh ta Babylaw tawhta sie ta, a Khazohpa ku phapa a chô liata y ta, thla pangawhna, noh khana noh ta Zerusale cha tlô ta.

EZRÂ 8:31

Chatawhcha Zerusale lâ sie awpa­ ta, thla khana, noh hrawh hleinona noh ta, Ahavâ chavah tawhta pua pi ta. Eima Khazohpa ku cha eima chô liata y ta, lâpi liata miah a byhpa eima chariahzy ku tawhta miah pachha lymâ ta.

NEHEMIAH 2:9

Chavah Haosâ râhvaotuhpazy kô ei tlô nahta, abei châzy cha pie ei na ta. Na sielâh awpa ta, abei ta pheisaih hyutuhpazy nata arâ pheisaihzy tuah ta.

HLAZY 20:8

Âmo cha a hluah ei ta ama pao, Keimo deikua cha thyu pi ta â ipa ta eima duah.

HLAZY 34:22

Abeipa ta ano a chakaotuhpazy hrona cha chatlai tyh ta, Ano a chhaituhpazy cha ahy hmah thailei pachâsapa châ aw veih ei.

HLAZY 90:11

Ahy ma na hiehâhna hmotaotheizie pahno ta, Chi nâ chhihna nata na pathiiana chichhihzie a pahno tly?

CHAPHÔHTUNA 3:25

Abeipa cha ano a hâtuhpazy châta pha ta, Ano a tluatuhpa hro châta a pha.

RAWMA 8:28

Khazohpa kyh a pachâtuhpa, ano achhuahna hawhta a awpazy châta, Khazohpa ta ato liata ama pha nawpa ta a hriapa tyh ei tahpa eima pahno.

1 KAWRINI 9:15

Châhrasala kei la cha tovyuhzy cha miakha hmahta hmâh va na. Ei chô liata nama tao hra nawpa ta, he biezy he a rohpa châ hra va na. Chyhsa ta ei palaikheina eina lapa awpa hlâta cha, tlao thi sah la ei châta a pha via.

2 KAWRINI 7:14

Ei châ palaikheina ei a hnohta reih tyh na ta, maophyuhpa ta y va na. Nama hnohta bie eima rei tyhpa zydua kha, biedopa a châpa hawhta, Titu hmiakô liata nâmo eima châ palaikheina chhao kha biedopa a châ.

HEBRAI 10:38

Ei chyhsa siapa cha, Ngiapâna ta a hroh aw; Hnôh a sypa deikua cha, A chô liata alyna rai hnei aw va na.”

ZAWSUA 22:16

“Abeipa phopi manôh zydua ta hetana heta ama tah, ‘Khazia Izarei Khazohpa chô liata hmo nama parao? Tanoh he Abeipa nama pazina tawhta tleisai a chhuahpa ta maisâh a tao ei chi ta, tanoh he Abeipa namâ dyuh hih.

ZAWSUA 23:16

Abeipa nama Khazohpa ta bie a cha piepa ei, a biehrai paraopa ta, khazoh hropazy pangaipa ta âmo cha chakaopa ta namâ chhy khiahta cha, nama chô liata Abeipa pathi ia aw ta, râh phapa a cha piepa tawhna ei heta thlai nama leidia aw,” tah ta.

1 PITY 3:12

Abeipa mo cha mosiapazy chô liata y ta, Ama thlahchhâna lâ nah a pachôh tyh. Moleipazy deikua cha, Abeipa hmia ta â dyuh tyh ei.”