EZRÂ 8:21 - Mara Bible RV (BSI)

²¹ Chatawhcha keimo nata eima sawzy nata eima hmohneipazy lâpi liata â bohpa ta eima sie thei nawpa ta hiah awpa ta, eima Khazohpa hmiakô liata a panawhpa ta, kâhvileipa ta thlahchhâ awpa ta, Ahavâ chavah liata phuah na ta.

EZRÂ 8:21 ပူးပေါင်းရင်းမြစ်များ

2 THÂTIHZYRONA 20:3

Zehôsaphâ cha chi ngaita ta, Abeipa tluana lâta a hmia pahei ta, Zudâh râh zydua kâhvileipa ta y awpa ta phuah ta.

2 THÂTIHZYRONA 20:4

Zudâh pathlazy cha Abeipa baona hiah awpa ta a hmaohpakhy ei ta. Abeipa tlua awpa ta Zudâh khihpi to tawhta vaw tlô ei ta.

EZRÂ 8:15

Ahavâ lâta a lohpa chavah liata pahmaohpakhy ei na ta, cha liata noh thôh y pi ta. Zawpizy nata theihthaipazy cha moh ei na ta, cha liata Livai pathla pakha chhao hmô leipa na ta.

EZRÂ 8:31

Chatawhcha Zerusale lâ sie awpa­ ta, thla khana, noh hrawh hleinona noh ta, Ahavâ chavah tawhta pua pi ta. Eima Khazohpa ku cha eima chô liata y ta, lâpi liata miah a byhpa eima chariahzy ku tawhta miah pachha lymâ ta.

NEHEMIAH 9:1

Cha thla, noh kih nata noh palihna noh liata, Izarei sawzy a hmaoh ei ta, kâhvileipa ta y ei ta, latho poh a bupa ta, ama luh liata alei a mia ei ta.

ESTHERI 4:16

“Vawh la, Susâ liata a ypa Zu chyhsa zydua pakhy khai la, ei châta kâhvileipa ta y u la, noh thôh chhôh, chhô nah zâ ta khâpa hmah nie leipa u la, khâpa hmah doh hra khuh vy. Kei nata ei laihsazy chhao, nâmo taopa hawhta kâhvileipa ta y hra aw pi ta, cha khai tawhta abei lâ cha ei ngia aw. Ryhpa chakhiapa a châ awpa vâta, ei thi hapa chhao ta, thi lah vâ na,” tah ta.

HLAZY 137:1

Babylaw chavah kiahzy liata, Cha liata a tyuh pi ta eima cha tyh, Zaio eimâ thei châh ta.

HLAZY 5:8

Hy Abeipa, ei chariahpazy vâta na siana liata nâ chhi la, Ei hmiakô liata na lâpi patlâsa mah y.

HLAZY 5:9

Ama pakah liata ngâchhihna y leipa ta, Ama palôh cha paraona ta a bie. Ama rao cha thlâ a pahypa châ ta, Ama paleih ta hmiahmô ama châ tyh.

HLAZY 8:2

Chariahpa nata phuh latuhpazy padiahpa ta, Na khakhaipazy pahnie nawpa ta, Hawtipa nata hawsaihpazy pakah tawhta thatlôna na papua.

BIESOZY 3:6

Na lâpi zydua ano pahnosa lymâ la, Na lâpizy a patlâsa lymâ aw.

ISAI 30:21

Chachâh lâ tlyma, chavei lâ tlyma, namâ heih nahta, nama nahzy ta, “He he lâpi a châ hih, he lâpi he a chhih teh u,” tahpa ta, nama hnôh lâ tawhta bie a vaw puapa nama thei aw.

ISAI 35:8

Cha liata lâlai y aw ta, Pathaihna Lâpi tahpa a châ aw; Pathaihna lâpi a chhihtuhpazy châta châ aw ta, Pathaih leipazy ta a chhih aw veih ei; Moleipa ahrupazy chhao, Cha liata sie aw veih ei.

ISAI 42:16

Mochaopazy cha, Ama pahno beih leipa lâthlôh liata a chhi aw ei na ta, Ama pahno beih leipa lâpi liata ei chhihtha aw ei. Ama hmiakô liata zohna cha khaihna ta tao aw na ta, Su byuhpazy ei paraih khai aw. Cha hmozy cha tao aw na ta, Âmo siesai aw veih ei na.

ISAI 49:10

Ama nodi leipa aw ta, Ama dâh phi aw vei; Thlih lalôhpa ta âmo cha pathli thlu leipa aw ta, Noh lopa ta âmo vawh aw vei. Âmo ngiachhietuhpa ta chhihtha aw ei ta, Tihnawh kiapâh liata â chhi laih aw ei.

ISAI 58:3

‘Kâhvileipa ta y pi ta, Khazia na hmô khoh vei? Keimosasyh ta a panawh pi ta, Khazia na pahno khoh vei?’ ama tah. Pachâ teh u, kâhvileipa ta y tlai ei chi ta, Châhrasala nâmo pha nawpa ta nama tao; Nama rai hriatuhpazy nama tlybai pyly.

ISAI 58:5

Cha hawhpa kâhvileipa cha, Apanawhna noh châta ei raopa kâhvileipa a châ ma? Kâhvileipa cha lohthi hawhta luh a bôh ta, Latho poh nata buchâh liata a ziapa he ma a châ? Cha cha kâhvileipa tahpa ta, Abeipa a palysapa noh nama tah aw ma?

ZEREMIAH 10:23

Hy Abeipa, chyhsapa hrona he, Ano chyhsapa eih châ vei tahpa ei pahno; A siena lâpi liata chhao, Anosasyh ta a chhihtha thei vei tahpa ei pahno.

ZEREMIAH 42:3

Chavâta Abeipa na Khazohpa ta eima si nawpa lâpi nata eima tao awpa hmozy miah a pahmô thei nawpa ta, thlah miah chhâpa mah y,” tah ei ta.

DÂNIAH 9:3

Chavâta Zehôvâh Khazohpa lâ a heih na ta, kâhvileipa ta, latho poh a bupa ta buchâhzy a miapa ta, thlahchhâna nata hiana zy ta ano cha tlua na ta.

ZÔELA 1:14

Kâhvileipa daihti phuah u la, Pakhypi pathaihpa aw teh u. Machâzy nata râhsaw zydua Abeipa nama Khazohpa o lâ awpakhy u la, Abeipa awsao teh u.

THEIHTHAINA 16:29

“He he nama châta chhâzaw bieraopa a châ aw: Thla sarina noh hrawhna noh liata a paky aw ei chi ta, a râh chyhsa chhao, chihropa nama hry ta a pahrâpa chhao, khâpa rai hmahta nama hria awpa châ vei.

THEIHTHAINA 16:31

Cha cha nama châta Pahânoh zachhihpa châ ta, namâ paky awpa noh a châ. Cha cha chhâzaw châta bieraopa a châ.

THEIHTHAINA 23:29

Cha noh liata a paky leipa cha, a phopi tawhta chhawh pathlahpa a châ aw.

ZAWNA 3:5

Ninivâ mo cha Khazohpa zo ei ta. Kâhvileina phuah ei ta, a lai chaipa tawhta a chyh chaipa taihta latho poh a bu ei ta.

ZAWNA 3:7

Bie papua ta, cha cha Ninivâ khihpi zydua liata paphuahsa ta, “He he bei nata a beimachâzy biepiepa a cha: Chyhsa nata sahroh, viahchao hri nata mietaku zaw zy ta khâpa hmâh ama padi awpa châ vei. Ama nie awpa châ leipa ta, ti chhao ama do awpa châ vei.

MALUHREINA 14:3

Khazia ma zaozi ta thi awpa ta Abeipa ta he râh lâ he miah â chhi tly? Eima lapi sawzy he patupa ta y aw ei ta, Izi râh lâ kua awpa eima châta pha via vei ma?” tah ei ta.

MALUHREINA 14:31

Anodeikuacha patupa ta ama y aw nama tahpa nama sawzy he a chhi aw ei na ta, âmo heta nama dythapa râh cha ama pahrâ aw.

HMOTAOPAZY 2:39

Bietai cha nâmo châta châ ta, nama sawzy châta châ hra ta, lâhlapi ta a ypa zydua châta chhao châ ta, Abeipa eima Khazohpa ta a awpa zydua châta a châ,” tah ta.

RYUREITUHPAZY 20:26

Chatawhcha Izarei pheisaih zydua cha Bethel lâ khy ei ta, cha ei ta. Cha liata Abeipa hmiakô ta a tyuh ei ta, cha noh liana cha zâlâ taihta kâhvileipa ta ypa ta, raopa hlâna nata aryhna hlânazy Abeipa lâ hlâ ei ta.

1 SAMUELA 7:6

Izarei sawzy cha Mizpâ liata a hmaohpakhy ei ta. Ti thaih ei ta, Abeipa hmiakô liata patlai ei ta, cha noh cha kâhvileipa ta y ei ta. Cha su liana tlai chata, “Abeipa chô liata eima vaw molei haw,” tah ei ta. Samuela cha Mizpâ liana chata Izarei sawzy chô liata ryureih ta.