EZRÂ 8:18 - Mara Bible RV (BSI)

¹⁸ Khazohpa ku phapa eima chô liata y ta, hmo a pahno thaipa chyhsa Serebiah nata a sawchapawzy nata a heinawhzy pahrawh hleicharie a vaw chhi ei ta. Serebiah cha Mâhli pathlazy hry liatapa châ ta, Mâhli paw cha Livai châ ta, Livai paw cha Izarei a châ.

EZRÂ 8:18 ပူးပေါင်းရင်းမြစ်များ

1 THÂTIHZYRONA 6:1

Livai sawchapawzy cha Kesao, Kôhâ nata Merâri zy ama châ.

1 THÂTIHZYRONA 6:19

Merâri sawchapawzy cha Mâhli nata Musi ama châ. Hezy he ama pathlatuhpazy tawhta a laichadaipa ta Livai phozy ama châ.

1 THÂTIHZYRONA 6:4

Eliaza ta Phinehâ sa ta, Phinehâ ta Abisua sa ta,

2 THÂTIHZYRONA 30:22

Abeipa chakaona rai liata a saomâ ngaitapa Livai pathla zydua chô liata Hezekia ta thapatlôna bie reih ta. Kyhchhi pati cha noh sari chhôh nie ei ta, aryhna hlâna atheihnazy hlâpa ta, Abeipa, ama pathlatuhpazy Khazohpa chô liata alyna bie reih ei ta.

EZRÂ 7:28

abei nata a ryhraokheituhpazy hmiakô liata nata bei pheisaih hyutuhpazy hmiakô ta ei chô liata ngiachhiena a palâsatuhpa Abeipa, miah pathlatuhpazy Khazohpa cha reithaipa ta y mawh sy. Abeipa ei Khazohpa ku ei chô liata a ypa vâta, ei tha a patlô na ta, na sielâh awpa ta Izarei chhituhpazy ei pahmaoh ei.

EZRÂ 7:6

Ezrâ cha chârohtuhpa châ ta, Abeipa Izarei Khazohpa piepa Mawsi Ryhpa a thai ngaitapa a châ. Abeipa a Khazohpa ku a chô liata a ypa vâta, a hiapa maih abei ta a pie lymâ.

EZRÂ 7:9

Thla khana, noh khana noh ta Babylaw tawhta sie ta, a Khazohpa ku phapa a chô liata y ta, thla pangawhna, noh khana noh ta Zerusale cha tlô ta.

EZRÂ 8:16

Chavâta chhituh viapa Elieze, Arie, Semiah, Enâthâ, Zari, Enâthâ, Nâthâ, Zekaria nata Mesulâ zy paawsa na ta, hmo a pahnopa Zôiari nata Enâthâ zy chhao paawsa na ta.

EZRÂ 8:19

Hâsabiah nata Merâri pathlazy tawhta Zesai nata a heinawhzy nata ama sawchapawzy pakih vaw sie hra ei ta.

EZRÂ 8:22

“Eima Khazohpa ku cha ano a tluatuhpa zydua chô liata phana châta y tyh ta, a pathiiana hmotaotheina deikua cha, ano a heisaituhpa zydua chô liata a y tyh,” tahpa ta abei eima chho hapa vâta, lâpi liata eima chariahzy tawhta miah vaih awpa pheisaih nata arâ pheisaihzy abei lâta hia awpa ei noza kawpa vâta, kâhvileipa ta thlahchhâna cha ei phuahpa a châ.

EZRÂ 8:24

Theihthaipa pawhrâh viapazy hry liata pahrawh hleino, Serebiah nata Hâsabiah nata ama unawh pahrawhzy panano ei na ta.

NEHEMIAH 10:12

Zaku, Serebiah, Sebaniah,

NEHEMIAH 12:24

Livai pathla pawhrâhpazy cha, Hâsabiah, Serebiah, Kâdamie sawchapawpa Zesua nata âmo dady ta a duahpa ama unawhzy ama châ. Âmo cha Khazohpa chyhsa Dâvi biepiepa hawhta, reithaina hla sa awpa nata alyna bie reih awpa ta, a py py ta daihti raipa ama châ.

NEHEMIAH 2:8

Abei râhmâhpa avaotuhpa Asâpha hnohta chhao, Achhyna o dôhna chhikao tlâh, khihpi thokhy nata ei pahrâ nawpa o châta a ngiahpa thozy na pie awpa ta châ na taopa awpa ta ei châ haw,” tah na ta. Ei Khazohpa ku phapa cha ei chô liata y ta, abei ta ei hiapazy cha hlao na patloh ta.

NEHEMIAH 8:7

Zawpizy amâ duana su liata amâ dua thlâh ha nota, Livai pathlazy, Zesua, Bâni, Serebiah, Zami, Aku, Sabethai, Hôdiah, Mâsei, Kelitâ, Azariah, Zôzabâ, Hâna nata Pelai zy ta zawpizy cha Ryhpa ama pahno thei nawpa ta pachu ei ta.

BIESOZY 24:3

O cha sona ta sapa châ ta, Novâhna ta paduapa a châ;

BIESOZY 3:6

Na lâpi zydua ano pahnosa lymâ la, Na lâpizy a patlâsa lymâ aw.

ZEREMIAH 3:15

“Keima palôh a phaohpa mietaku vaituhpazy cha pie aw ei na ta, âmo ta pahnona nata novâhnazy ta ama cha chhihtha aw.

DÂNIAH 1:20

Sona nata novâhna kyh abei ta a hiahripa maih liata, a khinarâh chhôh zydua liata moliethaipa nata dyuthaipa zydua hlâta a lie hrawh ta ama pha via tahpa hmô ta.

MALUHREINA 3:20

Merâri sawchapawzy cha, ama pho ta a laichadaipa ta, Mâhli nata Musi zy ama châ. Chazy cha a chhôh chhôh ta a laichadaipa ta Livai phozy ama châ.

1 KAWRINI 14:20

Unawh saih u, hawti palôh phaoh khah u. Moleina kyh liata cha hawsaih hawhta châ u la, palôh lâta deikua cha pitlohpa ta y teh u.