EZRÂ 8:16 - Mara Bible RV (BSI)

¹⁶ Chavâta chhituh viapa Elieze, Arie, Semiah, Enâthâ, Zari, Enâthâ, Nâthâ, Zekaria nata Mesulâ zy paawsa na ta, hmo a pahnopa Zôiari nata Enâthâ zy chhao paawsa na ta.

EZRÂ 8:16 ပူးပေါင်းရင်းမြစ်များ

1 ABEIZY 3:11

Khazohpa ta a hnohta, “Hro pasina hiah leipa chi ta, hneirôna hiah hra leipa chi ta, na chariahpazy thina chhao hia leipa chi ta, hmo dopa pahno thei nawpa novâhna tlao na hiapa vâta,

1 THÂTIHZYRONA 12:32

Iskâra pathla, noh nata daihti yzie pahno thai ei ta, Izarei ta a tao awpa a pahnopa hyutuhpa 200 nata ama chhihthana ry liata ama heinawh zydua;

1 THÂTIHZYRONA 26:14

Nochhi chhikao a vaih awpa nuby cha Selemiah chô liata tlu ta. A sawchapawpa Zekariah, ryhraotuhpa so ngaitapa châta chhao, nuby a daopa châ ta, ano vai awpa cha maw chhikao a châ.

2 THÂTIHZYRONA 2:12

Hirâ ta reih lymâ ta, “Avâ nata alei a taotuhpa Izarei Khazohpa Zehôvâh cha reithaipa ta y sala, Zehôvâh Achhyna o nata abei o sa awpa ta patohpatia thaina nata novâhna a hneipa sawchapaw so ngaitapa Dâvi hnohta a pietuhpa cha reithaipa ta y mawh sy.

EZRÂ 10:21

Hâri pathlazy tawhta Mâsei, Elaizâh, Semiah, Zehie nata Uziah;

EZRÂ 10:39

Selemiah, Nâthâ, Adiah,

EZRÂ 8:13

hnôh chai ta a vaw tlôpa Adônikâ pathlazy tawhta moh ropa Eliphele, Zuli, Semiah nata pawtlohpa 60 nata

EZRÂ 8:15

Ahavâ lâta a lohpa chavah liata pahmaohpakhy ei na ta, cha liata noh thôh y pi ta. Zawpizy nata theihthaipazy cha moh ei na ta, cha liata Livai pathla pakha chhao hmô leipa na ta.

EZRÂ 8:17

Âmo cha Kâsiphia su liata chhituhpa Idô lâ tuah ei na ta, eima Khazohpa o liata a chakao awpazy a vaw chhi awpa ta, Kâsiphia su liata achhyna o chakaotuhpa Idô nata a unawhzy hnohta kei reih awpa ta ei chho ei.

EZRÂ 8:18

Khazohpa ku phapa eima chô liata y ta, hmo a pahno thaipa chyhsa Serebiah nata a sawchapawzy nata a heinawhzy pahrawh hleicharie a vaw chhi ei ta. Serebiah cha Mâhli pathlazy hry liatapa châ ta, Mâhli paw cha Livai châ ta, Livai paw cha Izarei a châ.

BIESOZY 2:6

Sona cha Abeipa piepa châ ta, A pakah tawhta pahnona nata novâhna a pua.

BIESOZY 20:5

Chyhsa palôh liata saduthliena cha ti athupa hawhta châ ta, Châhrasala novâhna a hneipa chyhsa ta cha a sy papua thei aw.

BIESOZY 28:2

Râh ta hmo a parao nahta, Ryureituhpa hluhpi vaw pua tyh ei ta; Pahnona nata novâhna a hneipa ryureituhpa ry liata deikua cha, Râh â ipa ta bohpi â duah tyh.

DÂNIAH 2:21

Daihti nata khihchâh zy panano ta, Abeizy pabâ ta, abeizy a padua; Asopazy hnohta sona pie ta, Pahno thaipazy hnohta novâhna a pie.

2 TIMAWTHY 2:7

Ei biereipa he pachâ la, Abeipa ta kyh to liata novâhna a cha pie aw.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.