EZRÂ 7:6 - Mara Bible RV (BSI)

⁶ Ezrâ cha chârohtuhpa châ ta, Abeipa Izarei Khazohpa piepa Mawsi Ryhpa a thai ngaitapa a châ. Abeipa a Khazohpa ku a chô liata a ypa vâta, a hiapa maih abei ta a pie lymâ.

EZRÂ 7:6 ပူးပေါင်းရင်းမြစ်များ

ÂTHAONA 32:28

Chyhsa chata, “Na moh Zakaw cha tah khao aw veih ei, Izarei na châ ha aw, Khazohpa nata chyhsapa a pia chi ta, na pahnie hapa vâta,” tah ta.

EZRÂ 5:5

Châhrasala Khazohpa mo cha Zu machâzy chô liata a choh ta, Dâria lâta tlôkheipa achhyna châ ama hmô hlâlei paduapathina raihria a chalih a chhuah veih ei.

EZRÂ 6:22

Thinô pahlao leipa Viahchhâ Kyhchhi cha noh sari chhôh a ly ngaitapa ta hmâh ei ta. Abeipa ta Asuria bei palôh âmo lâ paheisa ta, Izarei Khazohpa o sana liata ama ku tha a patlôpa vâta, Abeipa liata amâ ly ngaita.

EZRÂ 7:21

“Kei Bei Âtazezia tlai ta Chavah Haosâ râh liata sôh avaotuhpa zydua hnohta biepiepa ei papua: Avâ Khazohpa Ryhpa rohtuhpa theihthaipa Ezrâ ta a châ hnawpa maih ei cha, phahnai khoh ngaitapa ta nama taopa lymâ aw.

EZRÂ 7:28

abei nata a ryhraokheituhpazy hmiakô liata nata bei pheisaih hyutuhpazy hmiakô ta ei chô liata ngiachhiena a palâsatuhpa Abeipa, miah pathlatuhpazy Khazohpa cha reithaipa ta y mawh sy. Abeipa ei Khazohpa ku ei chô liata a ypa vâta, ei tha a patlô na ta, na sielâh awpa ta Izarei chhituhpazy ei pahmaoh ei.

EZRÂ 7:5

Buki cha Abisua sawchapawpa châ ta, Abisua cha Phinehâ sawchapawpa châ ta, Phinehâ cha Eliaza sawchapawpa châ ta, Eliaza cha theihthai beichaipa Arawna sawchapawpa a châ.

EZRÂ 7:9

Thla khana, noh khana noh ta Babylaw tawhta sie ta, a Khazohpa ku phapa a chô liata y ta, thla pangawhna, noh khana noh ta Zerusale cha tlô ta.

EZRÂ 8:1

Hezy he Izarei pho pawhrâhpazy châ ei ta, Bei Âtazezia â bei nota, Babylaw tawhta ei hnohta Zerusale lâ a siepa Izarei sawzy thyutôna a châ:

EZRÂ 8:18

Khazohpa ku phapa eima chô liata y ta, hmo a pahno thaipa chyhsa Serebiah nata a sawchapawzy nata a heinawhzy pahrawh hleicharie a vaw chhi ei ta. Serebiah cha Mâhli pathlazy hry liatapa châ ta, Mâhli paw cha Livai châ ta, Livai paw cha Izarei a châ.

EZRÂ 8:22

“Eima Khazohpa ku cha ano a tluatuhpa zydua chô liata phana châta y tyh ta, a pathiiana hmotaotheina deikua cha, ano a heisaituhpa zydua chô liata a y tyh,” tahpa ta abei eima chho hapa vâta, lâpi liata eima chariahzy tawhta miah vaih awpa pheisaih nata arâ pheisaihzy abei lâta hia awpa ei noza kawpa vâta, kâhvileipa ta thlahchhâna cha ei phuahpa a châ.

EZRÂ 8:31

Chatawhcha Zerusale lâ sie awpa­ ta, thla khana, noh hrawh hleinona noh ta, Ahavâ chavah tawhta pua pi ta. Eima Khazohpa ku cha eima chô liata y ta, lâpi liata miah a byhpa eima chariahzy ku tawhta miah pachha lymâ ta.

NEHEMIAH 12:26

Âmo cha Zôki hro nota, râhvaotuhpa Nehemiah daihti nata theihthaipa nata chârohtuhpa Ezrâ daihti liata chakaona rai a hriapa theihthaipazy nata Livai pathlazy ama châ. Zôki paw cha Zesua châ ta, Zesua paw cha Zôzadâ a châ.

NEHEMIAH 12:36

Zekaria heinawhzy chhao sie hra ei ta, chazy cha Semiah, Azare, Milâlai, Kilâlai, Mâai, Nethane, Zudâh nata Hânani zy ama châ. Khazohpa chyhsa Dâvi tô tyhpa pyungiapa chhaichhizy chhaota sie ei ta, chârohtuhpa Ezrâ ta hmia â sah.

NEHEMIAH 2:12

Kei nata ei hnohta a ypa chyhsa chyhta chhaota zâ ta pua pi ta. Ei Khazohpa ta Zerusale châta ei tao awpa ei palôh liata a sopa cha, ahy hmah chho leipa ei na ta. Ei kiapa sahroh dei leipa ta cha, sahroh hropa ei chhipa y vei.

NEHEMIAH 2:18

Hmopha tao nawpa ta ei Khazohpa ku ei chô liata a yzie nata ei hnohta abei biereipazy âmo chho ei na ta. Âmo ta, “Thyu sih la, paduapathi tlai ei suh u,” tah ei ta. Chatanachata raihria phapa châta ama ku tha a patlô ei ta.

NEHEMIAH 2:8

Abei râhmâhpa avaotuhpa Asâpha hnohta chhao, Achhyna o dôhna chhikao tlâh, khihpi thokhy nata ei pahrâ nawpa o châta a ngiahpa thozy na pie awpa ta châ na taopa awpa ta ei châ haw,” tah na ta. Ei Khazohpa ku phapa cha ei chô liata y ta, abei ta ei hiapazy cha hlao na patloh ta.

NEHEMIAH 4:15

Amâ chhuahna eima pahnonazie eima chariahzy ta vaw thei ei ta. Khazohpa ta amâ chhuahna a parao hapa eima pahnonazie chhao vaw thei hra ei ta. Chatanachata thokhy lâ kua heih pi ta, eima raihria chyu hria heih pi ta.

NEHEMIAH 8:1

Chyhsa zydua reihkha tlapa ta, Ti Chhikao tlyhmia tlyliah liata a hmaohpakhy ei ta. Chârohtuhpa Ezrâ hnohta, Abeipa ta Izarei sawzy bie a piepa Mawsi Ryhpa châbu vaw cheih awpa ta chho ei ta.

NEHEMIAH 8:13

A noh nona liata, zawpizy hry liata chhôhkha pawhrâhpazy cha Ryhpa biezy a chu awpa ta, theihthaipazy nata Livai pathlazy chhaota chârohtuhpa Ezrâ lâ pangai ei ta.

NEHEMIAH 8:4

Ezrâ cha Ryhpa Châbu rei nawpa ta ama taopa tho tlailai chô liata a duah ta. A chachâh lâ kâ liata Mâtithiah, Semâ, Aniah, Uria, Hikia nata Mâsei zy a duah ei ta, a chavei lâta Pedai, Misela, Mâkia, Hâsu, Hâsbâdanâ, Zekaria nata Mesulâ zy amâ duah.

NEHEMIAH 8:9

Ryhpa biezy ama thei nahta, zawpi zydua thata cha ei ta. Râhvaotuhpa Nehemiah, theihthaipa nata chârohtuhpa Ezrâ nata zawpi pachutuhpa Livai pathlazy ta zawpi zydua hnohta, “Tanoh he Abeipa nama Khazohpa châta noh pathaihpa a châ hih. Chavâta mâchhiesa leipa u la, cha hra khuh vy,” tah ei ta.

NEHEMIAH 9:13

Sinai Tlâh liata za chô chi ta, avâ tawhta âmo cha bie a chho chi ta, ryureina dopa, ryhpa dopa, bieraopa nata biepiepa phapazy na pie ei.

HLAZY 109:27

Cha cha nâma ku a châ tahpa pahno ei sala, Hy Abeipa, na taopa a châ tahpa pahno mawh ei sy!

HLAZY 147:19

Zakaw hnohta a bie phuah ta, Izarei hnohta a bieraopazy nata a ryhpazy a phuah.

HLAZY 45:1

Ei palôh he bie thlôhpa ta khô pathlah ta, He hla châhzy ta abei cha hla phi na ta, Ei paleih he chârohtuhpa phapa châsôh hawhta a châ.

HLAZY 80:18

Cha kuasai khao aw ma pi; Eima hrona he pahlôh la, Na moh eima pado aw!

BIESOZY 3:6

Na lâpi zydua ano pahnosa lymâ la, Na lâpizy a patlâsa lymâ aw.

ISAI 50:2

Khazia ma ei vy no kha chyhsa a hy hmah y leipa ei ta, Khazia ma ei aw no kha nâ chyh-eipa ama y vei tly? Ei ku he chatlai thei lei awpa ta pachhohsapa ma a châ haw? Pachha awpa ta hmotaotheina a hnei leipa ma ei châ haw? Moh teh u, tilaipi cha rapa ta padua na ta, Chavahzy râh raohpa lâta paliepa ta, Ti y leipa vâta nga thu roh pahnâh ta, Dâhphipa ta ama thi.

ISAI 59:1

Pachâ teh u, Abeipa ku cha, Pachha thei lei awpa ta pachhohsapa châ leipa ta, A nah chhao thei thei lei awpa ta pâ vei.

ZEREMIAH 8:8

“Kheihta ma, ‘Asopa châ pi ta, Abeipa ryhpa eima hnohta a y,’ Nama tah thei tly? Pachâ teh u, chârohtuhpazy châsôh haih thaipa ta, Ryhpa cha haipa ta a panano ha hih.

MATHAI 13:52

Zisu ta ama hnohta, “Chavâta vârâh khinarâh châta pachusapa ryhpa pachutuhpa maih cha, o hneituhpa ta a ryubyh tawhta hmo thiehpa nata hmo parohpa a thao papuapa hawhta a châ,” tah ta.

MATHAI 23:2

“Ryhpa pachutuhpazy nata Phârisaihzy cha Mawsi dyuchhai liata a tyuhpa ama châ.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

1 KAWRINI 1:20

Chyhsa sopa cha khataih liata a y? Châthaipa cha khataih liata a y? He khizaw liata bie ei thaipa cha khataih liata a y? Khazohpa ta khizaw sona cha hruna ta tao ha vei ma?

1 KAWRINI 15:1

Unawh saih u, thâtihpha cha chho ei na ta, a pyh ei chi ta, a pahniehna ta nama hmâpa thâtihpha kyh cha, cha chho chanei heih awpa ei ei khoh.

RYHPACHANEINA 28:1

“Abeipa nama Khazohpa ao cha pakhâta ta nathliepa ta, tanoh ta bie ei cha piepa zydua ei he zyhpa ta nama tao khiahta cha, Abeipa nama Khazohpa ta khizaw phopi zydua hlâta chônô viapa ta a cha tao aw ei.

RYHPACHANEINA 4:5

Moh teh u, hnei awpa ta namâ ngia haina râh liata nama zyh awpa ta Abeipa ei Khazohpa ta bie eina piepa hawhta, bieraopazy nata pachianazy ei cha pachu ei hih.