EZRÂ 7:5 - Mara Bible RV (BSI)

⁵ Buki cha Abisua sawchapawpa châ ta, Abisua cha Phinehâ sawchapawpa châ ta, Phinehâ cha Eliaza sawchapawpa châ ta, Eliaza cha theihthai beichaipa Arawna sawchapawpa a châ.

EZRÂ 7:5 ပူးပေါင်းရင်းမြစ်များ

1 THÂTIHZYRONA 6:4

Eliaza ta Phinehâ sa ta, Phinehâ ta Abisua sa ta,

2 THÂTIHZYRONA 19:11

Nathlie teh u, Abeipa kyh zydua liata, theihthai beipa Amaria cha nama hyutuhpa châ ta; abei kyh zydua liata, Zudâh chi hyutuhpa Ismela sawchapawpa Zebadiah cha hyutuhpa châ ta; Livai pathlazy chhao nama hyutuhpa châpa ta ama cha chakao aw. Riahphapa ta hria u la, Abeipa cha chyhsa phapazy hnohta y mawh sy!” tah ta.

2 THÂTIHZYRONA 26:20

Theihthai beipa Azariah nata theihthaipa zydua ta moh ei ta, a khi liata phawhpa hri vaw y ta! Thlai papua ei ta, Abeipa ta a hriepa vâta, ano chhao ta a para ngaitapa ta pua ha ta.

EZRÂ 7:4

Meraiô cha Zerahiah sawchapawpa châ ta, Zerahiah cha Uzizi sawchapawpa châ ta, Uzizi cha Buki sawchapawpa châ ta,

EZRÂ 7:6

Ezrâ cha chârohtuhpa châ ta, Abeipa Izarei Khazohpa piepa Mawsi Ryhpa a thai ngaitapa a châ. Abeipa a Khazohpa ku a chô liata a ypa vâta, a hiapa maih abei ta a pie lymâ.

PUASAINA 6:25

Arawna sawchapawpa Eliaza ta Putie sawchanôzy hry liata pakha lapinô ta hnei ta, ano ta Phinehâ sapa ta. Chazy cha ama pho tawhta a laichadaipa ta, Livai chizy pathlatuh thabypazy ama châ.

THEIHTHAINA 10:12

Chatawhcha Mawsi ta Arawna nata a sawchapaw a hrohpa Eliaza nata Ithamâ hnohta, “Abeipa lâta mei ta hmohlâpa niepa hlâna laibâhpazy la u la, hmo pathaih ngaitapa a châpa vâta, thinô pahlao leipa ta maisâh kiapâh liata nie teh u.

THEIHTHAINA 10:16

Mawsi ta moleina hlâna châta hlâpa mie thâtih cha pakhâta ta patluah ta, rao hapa a châpa pahno ta. Chavâta Arawna sawchapaw a hrohpa Eliaza nata Ithamâ chô liata a hiehâh kaw ta, ama hnohta,

THEIHTHAINA 10:6

Mawsi ta Arawna nata a sawchapaw Eliaza nata Ithamâ zy hnohta, “Nama sâ pathliah leipa u la, nama chysiazy hrie hra khuh vy. Chataleipatala thi aw ei chi ta, zawpi zydua chô liata Abeipa hiehâhna a vaw tlô pathlei aw na. Nama chiheih Izarei chhôhkha zydua deikua ta, Abeipa ta mei ta a pakâsao hapazy cha chakhei mawh ei sy.

MALUHREINA 27:2

Mawsi nata theihthaipa Eliaza nata beimachâzy nata zawpi zydua hmiakô liata ahmaohna poh o chhikao liata a kei duah ei ta, ama hnohta,

MALUHREINA 3:32

Theihthaipa Arawna sawchapawpa Eliaza cha Livai chi hyutuhpazy hyutuhpa châ aw ta, supathaihpa mohôhtuhpazy mohôhtuhpa a châ aw.

MALUHREINA 31:31

Abeipa ta Mawsi bie a piepa hawhta, Mawsi nata theihthaipa Eliaza ta tao ei ta.

MALUHREINA 31:54

Chatanachata Mawsi nata theihthaipa Eliaza ta a sâh chô liata hyutuhpazy nata a za chô liata hyutuhpazy tawhta ngôh cha a hlâh ei ta, Izarei sawzy ta Abeipa hmiakô liata amâ thei thlâh ha nawpa ta, ahmaohna poh o chhôh liata a ngiakhei ei ta.

MALUHREINA 31:6

Mawsi ta âmo cha adyuhna lâ pasiesa ta, chi to hry tawhta sâh kha chyu pua ei ta, theihthaipa Eliaza sawchapawpa Phinehâ chhao, hmobaoh pathaihpazy nata biepie nawpa ta chiahmiezy chabapa ta adyuhna lâ sie hra ta.

HEBRAI 5:4

Cha palyupalihna cha ahy hmahta anosasyh ta a patosa thei vei. Arawna hawhta Khazohpa ta a awpa a châ khiah dei ta a to thei.

ZAWSUA 14:1

Hezy he Izarei sawzy ta Kâna râh liata ryu ta ama topa râhzy a châ. Theihthaipa Eliaza, Nunâ sawchapawpa Zawsua nata Izarei chizy liata ama pho pawhrâhpazy ta, he râhzy he Izarei sawzy hnohta ama rai.

ZAWSUA 22:13

Izarei sawzy ta Kilia râh liata a ypa Rubena pathlazy, Kâdâ pathlazy nata Manase chi khophiezy lâta theihthaipa Eliaza sawchapawpa Phinehâ tuah ei ta.

ZAWSUA 22:31

Theihthaipa Eliaza sawchapawpa Phinehâ ta Rubena pathlazy, Kâdâ pathlazy nata Manase pathlazy hnohta, “Abeipa eima hry liata a y tlai tahpa tanoh eima pahno haw. Abeipa châta nama ngâchhihna nama pahlei leipa vâta, tahmâ he Abeipa ku tawhta Izarei sawzy nama pachha haw,” tah ta.

ZAWSUA 24:33

Arawna sawchapawpa Eliaza cha thi ta, a sawchapawpa Phinehâ hnohta a ryuto châta ama piepa Epharai tlâh râh Kibia khih liata ama pabu.

RYUREITUHPAZY 20:28

Arawna sawchapawpa Eliaza sawchapawpa Phinehâ ta Khazohpa Biehrai Byh hmiakô liata a chakao daihti a châ. Izarei sawzy ta, “Eima unawhpa Benzami sawzy a dyuh awpa ta eima khy heih aw ma, eimâ chalih ha bâ hri aw ma?” tah ei ta. Abeipa ta, “Khy teh u, mylâ nama ku liata âmo ei cha pie aw ei,” tah ta.