EZRÂ 7:25 - Mara Bible RV (BSI)

²⁵ “Chatawhcha nâ, Ezrâ y, na ku liata a ypa Khazohpa sona hawhta, Chavah Haosâ lâta a ypa râh zydua pachia awpa ta, na Khazohpa ryhpa a pahnopazy cha, pachiatuhpazy nata ryureituhpazy ta na rao aw ei. Na Khazohpa ryhpa a pahno leipazy cha na pachu aw ei.

EZRÂ 7:25 ပူးပေါင်းရင်းမြစ်များ

ÂTHAONA 41:38

Phiraoh ta a chakaotuhpazy hnohta, “He hawhta Khazohpa Thlahpa ta a ypâpa chyhsa he eima hmô thei aw mâ?” tah ta.

ÂTHAONA 41:39

Phiraoh ta Zawsi hnohta, “Khazohpa ta cha hmo zydua cha a cha pahnosapa châ ta, chavâta nâma tlu ta hmo a pahno thaipa nata a sopa rai y veih ei.

1 ABEIZY 3:28

Izarei saw zydua ta abei ta bietluna a taozie cha thei ei ta, ryureina dopa siekhei nawpa ta Khazohpa sona a chô liata a ypa ama hmôpa vâta, abei cha chi ngaita ei ta.

2 ABEIZY 17:27

Asuria bei ta, “Cha râh tawhta sei ta namâ chhipazy hry liata theihthaipa pakha a chhi u la, sie sala, cha liata pahrâ sala, a râh khazoh ryhpa cha pachu mawh sy,” tahpa ta biepie ta.

1 THÂTIHZYRONA 22:12

Abeipa ta Izarei chô liata biehneina a cha pie tita, Abeipa na Khazohpa ryhpa na zyh thei nawpa ta, Abeipa ta sona nata novâhna cha pie mawh sy.

1 THÂTIHZYRONA 23:4

Dâvi ta, “Livai pathla 24,000 zy cha Abeipa o sana liata hyutuhpazy châ aw ei ta, 6,000 Abeipa o liata hyutuhpazy nata ryureituhpazy châ aw ei ta,

EZRÂ 10:4

Thyu la, tao mah y, na maophaohna mah a châ tâh, na hnohta eima y. Thatlôpa ta y la, tao mah y,” tah ta.

EZRÂ 6:6

“Chavâta Chavah Haosâ râh liata râhvaotuhpa Tâtenai, Sethâbôzenai nata ama hrialâhpa Chavah Haosâ râh liata râhvaotuhpazy saih u, Achhyna o a paduapathituhpazy cha tlei teh u.

EZRÂ 7:10

Ezrâ cha Abeipa Ryhpa a chu ta, â chupazy cha hrokhei ta, Abeipa bieraopazy nata pachianazy cha, Izarei liata pachu awpa ta a palôh liahsa tao ta.

EZRÂ 7:14

Na ku liata a ypa Khazoh Ryhpa hawhta, Zudâh nata Zerusale thâtih pasia awpa ta, abei nata a ryhraokheituhpa pasarizy ta eima cha tuah.

NEHEMIAH 9:3

Ama su chyu liata a duah ei ta, Abeipa ama Khazohpa Ryhpa Châbu cha dawh thôh chhôh reih ei ta, dawh thôh hropa chhôh ama moleinazy reihpha cheipa ta Abeipa ama Khazohpa a chhy ei ta.

HLAZY 19:7

Abeipa ryhpa cha phapaki ta, Hro a taopathi; Abeipa bieraopa cha ngâ a chhih ta, Ahrupa a pasosa.

BIESOZY 2:6

Sona cha Abeipa piepa châ ta, A pakah tawhta pahnona nata novâhna a pua.

BIESOZY 6:23

Biepiepa cha meiôh châ ta, Pachuna cha khaihna châ ta, Chhoreina rana cha hrona lâpi a châ.

MALAKHAI 2:7

Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

MATHAI 13:52

Zisu ta ama hnohta, “Chavâta vârâh khinarâh châta pachusapa ryhpa pachutuhpa maih cha, o hneituhpa ta a ryubyh tawhta hmo thiehpa nata hmo parohpa a thao papuapa hawhta a châ,” tah ta.

MÂKA 6:34

Zisu cha ngiahkâ lâ a pua nahta, zawpi hluhpi hmô ta, vaituhpa hnei leipa mietaku hawhta ama châpa vâta, âmo cha a tha pasa ngaita ta. Âmo cha hmo hluhpi pachu ta.

RYHPACHANEINA 16:18

“Abeipa nama Khazohpa ta a cha piepa ei khih to liata, chi to châta ryureituhpa nata hyutuhpazy rao aw ei chi ta, âmo chata ryureina siapa ta zawpizy ryu ama reipa tyh aw.

KAOLAOSÂ 1:28

Chyhsa to Krista liata phapakipa ta eima paduasa thei nawpa ta, chyhsa to chhoreipa ta, sona to pachupa ta, Krista thâtih eima chho tyh.

ZÂMIE 1:5

Nama hry liata ahy rai sona â phahla khiahta cha, Khazohpa lâ hiah mawh sy. Khazohpa cha chyhsa zydua hnohta riaphapa nata maochhie leipa ta sona a pietuhpa châ ta, sona a phahlapa hnohta sona piepa a châ aw.