EZRÂ 7:14 - Mara Bible RV (BSI)

¹⁴ Na ku liata a ypa Khazoh Ryhpa hawhta, Zudâh nata Zerusale thâtih pasia awpa ta, abei nata a ryhraokheituhpa pasarizy ta eima cha tuah.

EZRÂ 7:14 ပူးပေါင်းရင်းမြစ်များ

EZRÂ 1:3

Nama hry liata ano phopi a châpa maih chô liata a Khazohpa cha a hnohta y sala, Zudâh râh liata Zerusale lâ khy sala, Abeipa, Izarei Khazohpa o cha kaw sa mawh sy. Abeipa cha Zeru­sale liata a ypa Khazohpa a châ.

EZRÂ 5:8

He he abei ta vaw pahno mawh sy. Zudâh râh liata Khazohpa rônahpa o lâ khy pi ta. O cha alô lai ngaita­pazy ta sapa châ ta, a pâhchhôzy tho ta chhôhpa a châ. Ama ku liata rai cha a phapa ta sie ta, a hmasie lymâ.

EZRÂ 6:12

Biepiepa he panano awpa ta tlyma, Zerusale liata Khazohpa o parao awpa ta tlyma, a ku a hypa abei tlyma, phopi tlyma cha, cha liata a moh a paysatuhpa Khazohpa ta ano cha parao mawh sy. Kei Dâria ta biepiepa he ei papua. Phahnai ngiah ngaitapa ta zyh awpa a châ,” tah ta.

EZRÂ 6:8

Cha dei châ vei, Khazohpa Achhyna o paduapathina kyh liata, Zu machâzy châta nama tao awpa biepiepa ei tao. Hryuhna zydua pahawhpasâh leipa ta, Zu machâzy hnohta pie lymâ awpa châ ta, Chavah Haosâ râh tawhta râhpawzy tawhta piepa a châ aw.

EZRÂ 7:15

Abei nata a ryhraokheituhpazy ta âmo lôhthai ta Zerusale liata a ypa Izarei Khazohpa ama piepa tâkâ nata ngôh phaoh aw chi ta,

EZRÂ 7:28

abei nata a ryhraokheituhpazy hmiakô liata nata bei pheisaih hyutuhpazy hmiakô ta ei chô liata ngiachhiena a palâsatuhpa Abeipa, miah pathlatuhpazy Khazohpa cha reithaipa ta y mawh sy. Abeipa ei Khazohpa ku ei chô liata a ypa vâta, ei tha a patlô na ta, na sielâh awpa ta Izarei chhituhpazy ei pahmaoh ei.

EZRÂ 8:25

Bei nata a ryhraokheituhpazy, a beimachâzy nata cha liata a ypa Izarei zydua ta eima Khazohpa o châta ama hlâpa tâkâ, ngôh nata hmobaohzy cha khopathliahna ta pathliahpa ei na ta.

ESTHERI 1:14

Abei a pazipa beimachâzy cha Kâsenâ, Setharâ, Amâthâ, Tâsi, Mere, Mâsenâ nata Memukâ zy châ ei ta, âmo cha abei hmia a hmô tyhpa Persia nata Media beimachâ pasarizy châ ei ta, khinarâh liata hmia chai ta a tyuh tyhpazy ama châ.

ISAI 8:20

Ryhpa nata bieraopa hawhta bie a reih leipazy cha, âmo châta khih a deih mâh leipazy ama châ.

DÂNIAH 2:47

Abei ta Dâniah cha a chhy ta, a hnohta, “Hmeiseihta ta, nâmo Khazohpa he khazohzy Khazohpa châ ta, beizy Beipa a châ; bienyupa a palâhâh theipa chhao a châ, chavâta bienyupa na palâhâh thei ha hih,” tah ta.

DÂNIAH 6:20

Dâniah yna lôpu cha â hnia nahta, pachârôh ngaitana chôta awh ta. Abei ta Dâniah cha bie a chho ta, a hnohta, “Hy Dâniah, Khazoh hrohpa chakaotuhpa y, na chakao tyhpa na Khazohpa ta chakeibarôhneipazy tawhtapa a cha pachha thei ma?” tah ta.

DÂNIAH 6:26

Ei ryureina râh zydua liata chyhsazy ta Dâniah Khazohpa hmiakô liata chipa ta a chalyu awpa ta biepiepa ei tao. “Ano cha Khazoh hrohpa châ ta, Tlyzaw ta a ypa a châ; A khinarâh paraopa châ beih leipa aw ta, A ryureina ta chhâna noh hnei aw vei.

ZEKARIA 6:10

“Babylaw seichâna tawhta a vaw kuapa Hedai, Tôbia nata Zedai zy tawhta tâkâ nata ngôh la la, cha noh lilaw ta Zephania sawchapawpa Zôsia o lâ vawh mah y.