EZRÂ 7:10 - Mara Bible RV (BSI)

¹⁰ Ezrâ cha Abeipa Ryhpa a chu ta, â chupazy cha hrokhei ta, Abeipa bieraopazy nata pachianazy cha, Izarei liata pachu awpa ta a palôh liahsa tao ta.

EZRÂ 7:10 ပူးပေါင်းရင်းမြစ်များ

1 THÂTIHZYRONA 29:18

Hy Abeipa, miah pathlatuhpa Abarahâ, Aisika nata Izarei Khazohpa y, he hawhpa achhuahnazy nata pachânazy he na phopi palôh liata khâ paysa la, ama pathipalôhzy nâ lâ khâ paheisa mah y.

2 THÂTIHZYRONA 12:14

Rehôbaw cha Abeipa padona lâ a palôh a pahei leipa vâta, moleina hmozy tao tyh ta.

2 THÂTIHZYRONA 19:3

Chatahrasala Aseri tôhzy râh tawhta pahleipadia chi ta, Abeipa tluana lâta na palôh na paheipa vâta, phana khazie rakha ma cha na hnei,” tah ta.

2 THÂTIHZYRONA 30:22

Abeipa chakaona rai liata a saomâ ngaitapa Livai pathla zydua chô liata Hezekia ta thapatlôna bie reih ta. Kyhchhi pati cha noh sari chhôh nie ei ta, aryhna hlâna atheihnazy hlâpa ta, Abeipa, ama pathlatuhpazy Khazohpa chô liata alyna bie reih ei ta.

EZRÂ 7:11

He he Bei Âtazezia ta theihthaipa Ezrâ hnohta a piepa cha a châ. Theihthaipa Ezrâ cha chârohtuhpa châ ta, Abeipa biepiepazy nata Izarei sawzy châta a bieraopazy kyh liata athaipa a châ.

EZRÂ 7:25

“Chatawhcha nâ, Ezrâ y, na ku liata a ypa Khazohpa sona hawhta, Chavah Haosâ lâta a ypa râh zydua pachia awpa ta, na Khazohpa ryhpa a pahnopazy cha, pachiatuhpazy nata ryureituhpazy ta na rao aw ei. Na Khazohpa ryhpa a pahno leipazy cha na pachu aw ei.

EZRÂ 7:6

Ezrâ cha chârohtuhpa châ ta, Abeipa Izarei Khazohpa piepa Mawsi Ryhpa a thai ngaitapa a châ. Abeipa a Khazohpa ku a chô liata a ypa vâta, a hiapa maih abei ta a pie lymâ.

ZAWBÂ 11:13

“Na palôh a chhuahdy la, Ano lâ na kuzy pazawh la,

HLAZY 1:2

 lyna cha Abeipa ryhpa liata châ ta, A ryhpa bie cha chhô nah zâ ta a pachâ tyh.

HLAZY 10:17

Hy Abeipa, pasataotuhpazy khopa thei ha chi ta, Ama palôh thapatlôpa ta, Na nah na pachôh aw.

HLAZY 119:112

Na bieraopazy tao awpa ta ei palôh pahei na ta, Chhâzaw ta, achhâna taihta ei tao lymâ aw.

HLAZY 119:45

Na pachunazy ei tluapa vâta, Khotalaipa ta ei charei aw.

HLAZY 19:7

Abeipa ryhpa cha phapaki ta, Hro a taopathi; Abeipa bieraopa cha ngâ a chhih ta, Ahrupa a pasosa.

HLAZY 57:7

Hy Khazohpa, ei palôh a i ta, Ei palôh â i ngaita; Hla ei sa aw, Reithaina hla ei sa aw.

MALAKHAI 2:7

Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

MATHAI 5:19

Chavâta ahy rai, he biepiepazy hry liata a chyh chaipa miakha chhao pahua ta, cha hawhta tao hra awpa ta mohropazy a pachupa cha, vârâh khinarâh liata a chyh chaipa ta reipa châ aw ta, ahy rai Ryhpa chyh chaipa chhao zyh ta, a pachupazy deikua cha, vârâh khinarâh liata rônahpa ta bipa ama châ aw.

MATHAI 7:24

“Ei biezy he thei ta a taopa maih cha, chyhsa sopa, lôpanô chô liata o a sapa hawhta a châ.

ZAWHÂNA 13:17

Cha hmozy cha nama pahno khiahta cha, tao u la nama nohlao aw.

HMOTAOPAZY 1:1

Hy Theôphilâ y, châbu hmiatuapa liana khata, Zisu hmotaopa nata a pachu pathaona tawhta roh na ta,

RYHPACHANEINA 16:12

Izi seichâna liata nama ypa kha a thei thlâhpa ta, cha bieraopazy cha pakhâta ta nama zyh awpa a châ.

RYHPACHANEINA 33:10

Na bieraopazy Zakaw pachu aw ei ta, Na ryhpa biezy Izarei ama pachu aw; Na hmiakô liata ropahâhpa soh aw ei ta, Na maisâh liata raopa hlânazy ama hlâ aw.

1 TIMAWTHY 3:2

Awnanopa chhituhpa cha seina hnei leipa, lapinô pakha a hneipa, a sohsi theipa, sasyh a vao pahniepa, zachhihpa, chyhsa papyupahly a thaipa, a pachu theipa,

2 TIMAWTHY 4:2

Bie cha chho teh. A daihti nata a daihti leipa liata chhao chho teh. Dao thei ngaitana chôta nata pachuna chôta ama thaileizie pahnosa la, chhorei la, pasyu teh.

TITU 2:1

Nâ deikua cha, biezyhpa dopa nata a ryhpa ta pachu mah y.

TITU 2:15

Cha biezy cha pachupa ta, pasyu la, biehneina zydua chhaota chhorei mah y. Ahy hmahta cha mohnao khah ei sy.

BIEPHUAH 22:14

“Ama chysiazy a pasupa cha ama nohlao na. Hrona tho chô liata biehnei thei aw ei ta, chhikaozy lâ tawhta khihpi chhôh lâ amâ ngia thei aw.

1 SAMUELA 7:3

Samuela ta Izarei chhôhkha zydua hnohta, “Nama pathipalôh tlokhuh ta Abeipa lâ a kuapa nama châ hmeiseih khiahta cha, râh hropa khazoh nata Astarôzy nama hry tawhta thy khai aw ei chi ta, nama palôh Abeipa lâta paheipa ta, ano deita nama chakao awpa a châ. Chatanachata Philistinâ mo ku tawhna heta a cha pachha aw ei,” tah ta.