EZRÂ 7:1 - Mara Bible RV (BSI)

¹ Cha hnôhlâ ta, Persia bei Âtazezia â bei nota, Ezrâ cha Babylaw tawhta Zerusale lâ khy ta. Ezrâ cha Seriah sawchapawpa châ ta, Seriah cha Azariah sawchapawpa châ ta, Azariah cha Hikia sawchapawpa châ ta,

EZRÂ 7:1 ပူးပေါင်းရင်းမြစ်များ

2 ABEIZY 22:4

“Theihthai beichaipa Hikia lâ khy la, ochhi vaituhpazy ta chyhsazy tawhta ama kheipa Abeipa o liata ama vaw sopa tâkâ reih sala,

2 ABEIZY 22:8

Theihthai beichaipa Hikia ta chârohtuhpa Sâphâ hnohta, “Abeipa o liata Ryhpa Châbu ei hmô haw,” tah ta. Hikia ta châbu cha Sâphâ pie ta, Sâphâ ta châbu cha reih ta.

2 ABEIZY 25:18

Abei vaituhpazy hyutuhpa ta theihthai bei Seriah nata ano a pazipa theihthaipa Zephania nata ochhi vaituhpa pathôh zy patu ta.

1 THÂTIHZYRONA 9:11

Hikia sawcha­pawpa Azariah zy ama châ. Hikia cha Mesulâ sawchapawpa châ ta, Mesulâ cha Zadô sawchapawpa a châ. Zadô cha Meraiô sawchapawpa châ ta, Meraiô cha Khazohpa o liata hyutuhpa Ahitu sawchapawpa a châ.

2 THÂTIHZYRONA 34:15

Hikia ta chârohtuhpa Sâphâ hnohta, “Ryhpa Châbu kha Abeipa o liata ei hmô haw,” tah ta. Hikia ta châbu cha Sâphâ pie ta.

2 THÂTIHZYRONA 34:9

Theihthai beichaipa Hikia lâ vawh ei ta, chyhsazy ta Khazohpa o lâ ama vaw cheipa sôhzy kei pie ei ta. Cha sôh cha ochhi vaituhpa Livai pathlazy ta Manase mo, Epharai mo, Izarei laibâhpazy, Zudâh mo nata Benzami mo nata Zerusale khihsawzy tawhta ama lapakhypa a châ.

EZRÂ 4:7

Âtazezia â bei nota, Bislâ, Mitharedâ, Tabe nata ama hrialâhpazy ta Persia bei Âtazezia lâ châ paphao ei ta. Ama châ ropa cha Aramia reih ta ropa nata paliepa a châ.

EZRÂ 6:14

Hrohsopa Hâkai nata Idô sawchapawpa Zekaria zy hrohsona bie phuahpa hawhta, Zu machâzy ta o cha sa ei ta, ama hmasie lymâ ta. Izarei Khazohpa biepiepa hawhta nata Persia beizy, Kôresâ, Dâria nata Âtazezia zy biepiepa hawhta, Achhyna o cha sa ei ta, ama paloh haw.

EZRÂ 7:10

Ezrâ cha Abeipa Ryhpa a chu ta, â chupazy cha hrokhei ta, Abeipa bieraopazy nata pachianazy cha, Izarei liata pachu awpa ta a palôh liahsa tao ta.

EZRÂ 7:12

“Beizy bei Âtazezia ta avâ Khazohpa Ryhpa rohtuhpa theihthaipa Ezrâ ei châ naoh. He hawhpa daihti liana heta thlalôhna na hnohta y mawh sy.

EZRÂ 7:2

Hikia cha Sâluh sawchapawpa châ ta, Sâluh cha Zadô sawchapawpa châ ta, Zadô cha Ahitu sawchapawpa châ ta,

EZRÂ 7:21

“Kei Bei Âtazezia tlai ta Chavah Haosâ râh liata sôh avaotuhpa zydua hnohta biepiepa ei papua: Avâ Khazohpa Ryhpa rohtuhpa theihthaipa Ezrâ ta a châ hnawpa maih ei cha, phahnai khoh ngaitapa ta nama taopa lymâ aw.

NEHEMIAH 11:11

Hikia sawchapawpa Seriah zy ama châ. Hikia cha Mesulâ sawchapawpa châ ta, Mesulâ cha Zadô sawchapawpa châ ta, Zadô cha Meraiô sawchapawpa châ ta, Meraiô cha Khazohpa o liata ryureituhpa Ahitu sawchapaw­pa a châ.

NEHEMIAH 2:1

Bei Âtazezia â beina kô kihna, Nisan thla liata, a hmiakô liata kresawhti ama vaw so nahta, kresawhti cha la na ta, abei pie na ta. Cha hlâta a hmiakô liata pachârôhna hmia phaoh beih leipa na ta.

NEHEMIAH 8:1

Chyhsa zydua reihkha tlapa ta, Ti Chhikao tlyhmia tlyliah liata a hmaohpakhy ei ta. Chârohtuhpa Ezrâ hnohta, Abeipa ta Izarei sawzy bie a piepa Mawsi Ryhpa châbu vaw cheih awpa ta chho ei ta.