EZRÂ 6:8 - Mara Bible RV (BSI)

⁸ Cha dei châ vei, Khazohpa Achhyna o paduapathina kyh liata, Zu machâzy châta nama tao awpa biepiepa ei tao. Hryuhna zydua pahawhpasâh leipa ta, Zu machâzy hnohta pie lymâ awpa châ ta, Chavah Haosâ râh tawhta râhpawzy tawhta piepa a châ aw.

EZRÂ 6:8 ပူးပေါင်းရင်းမြစ်များ

EZRÂ 4:16

He khihpi he paduapathipa châ sala, a thokhyzy palohpa a châ khiahta cha, Chavah Haosâ lâ he râh hnei khao aw va chi tahpa abei eima pahnosa,” tahpa ta.

EZRÂ 4:23

Bei Âtazezia tawhta châ cha Rehu nata chârohtuhpa Sisai nata ama hrialâhpazy hmiakô liata ama rei khaipa nahta, a chatliepa ta Zerusale liata Zuzy lâ cha sie ei ta, thachahra nata biehneina hmâpa ta ama chalihsa haw.

EZRÂ 5:5

Châhrasala Khazohpa mo cha Zu machâzy chô liata a choh ta, Dâria lâta tlôkheipa achhyna châ ama hmô hlâlei paduapathina raihria a chalih a chhuah veih ei.

EZRÂ 6:14

Hrohsopa Hâkai nata Idô sawchapawpa Zekaria zy hrohsona bie phuahpa hawhta, Zu machâzy ta o cha sa ei ta, ama hmasie lymâ ta. Izarei Khazohpa biepiepa hawhta nata Persia beizy, Kôresâ, Dâria nata Âtazezia zy biepiepa hawhta, Achhyna o cha sa ei ta, ama paloh haw.

EZRÂ 6:4

A pâhchhôzy cha alô laipa tlâh thôh ta pachopa châ aw ta, a chô liata tho ta tlâh kha chhôhpa a châ aw. A hryuhna cha abei sôh tawhta piepa a châ aw.

EZRÂ 6:7

Khazohpa o ama sapa cha kheihta hmah tah khuh vy. Zu chyhsa râhvaotuhpazy nata Zu machâzy ta Khazohpa o cha a su parohpa liata paduapathi mawh ei sy.

EZRÂ 6:9

Avâ Khazohpa lâta raopa hlânazy châta viahchao tôhpazy, mietaku tôhpazy nata mietakuzy â ngiahpa zie ta pie aw ei chi ta, âtâ sâh, alôh, kresawhti nata sathaw chhao, Zerusale liata theihthaipazy ta byuh ama tahpa hawhta nama pie lymâ aw. Chazy cha pathliethlaw leipa ta, noh chareih ta pie lymâ awpa a châ.

EZRÂ 7:14

Na ku liata a ypa Khazoh Ryhpa hawhta, Zudâh nata Zerusale thâtih pasia awpa ta, abei nata a ryhraokheituhpa pasarizy ta eima cha tuah.

NEHEMIAH 11:23

Âmo kyh liata bei biepiepa y ta, noh chareih amâ ngiah awpa zie ta ama niedo piepa ama châ.

NEHEMIAH 2:8

Abei râhmâhpa avaotuhpa Asâpha hnohta chhao, Achhyna o dôhna chhikao tlâh, khihpi thokhy nata ei pahrâ nawpa o châta a ngiahpa thozy na pie awpa ta châ na taopa awpa ta ei châ haw,” tah na ta. Ei Khazohpa ku phapa cha ei chô liata y ta, abei ta ei hiapazy cha hlao na patloh ta.

DÂNIAH 6:26

Ei ryureina râh zydua liata chyhsazy ta Dâniah Khazohpa hmiakô liata chipa ta a chalyu awpa ta biepiepa ei tao. “Ano cha Khazoh hrohpa châ ta, Tlyzaw ta a ypa a châ; A khinarâh paraopa châ beih leipa aw ta, A ryureina ta chhâna noh hnei aw vei.

HÂKAI 2:8

‘Tâkâ cha kei eih châ ta, ngôh chhao kei eih a châ,’ Pheisaihzy Abeipa ta a tah.