EZRÂ 6:6 - Mara Bible RV (BSI)

⁶ “Chavâta Chavah Haosâ râh liata râhvaotuhpa Tâtenai, Sethâbôzenai nata ama hrialâhpa Chavah Haosâ râh liata râhvaotuhpazy saih u, Achhyna o a paduapathituhpazy cha tlei teh u.

EZRÂ 6:6 ပူးပေါင်းရင်းမြစ်များ

ÂTHAONA 32:28

Chyhsa chata, “Na moh Zakaw cha tah khao aw veih ei, Izarei na châ ha aw, Khazohpa nata chyhsapa a pia chi ta, na pahnie hapa vâta,” tah ta.

ÂTHAONA 43:14

Khazohpa Atotaotheipa ta, cha chyhsa hmiakô liata cha ngiachhie ei sala, cha chyhsa chata nama unawhpa pakha nata Benzami he nama hnohta kaw pasiesa mawh sy! Kei deikua cha, ei sawzy ei pahlei hapa chhao ta, ei pahleipa châ lah vâ,” tah ta.

EZRÂ 4:9

Pheisaih hyutuhpa Rehu nata chârohtuhpa Sisai nata ama hrialâhpa ryureihtuhpazy, râhvaotuhpazy, hyutuhpazy, Persia mozy, Ere liata a ypazy, Babylaw mozy, Elâmi pathla Susâ liata a ypazy,

EZRÂ 5:3

Cha nona chata Chavah Hao­sâ râhvaotuhpa Tâtenai nata Sethâbôzenai nata ama hrialâhpazy âmo lâ a vy ei ta, ama hnohta, “He o tôhtlâh padua ta, a o paloh awpa ta ahy ma bie châ pie ei?” tah ei ta.

EZRÂ 5:6

He he Chavah Haosâ râh avaotuhpa Tâtenai nata Sethâbôzenai nata a hrialâhpa Chavah Haosâ lâta a ypa râhvaotuhpazy ta Bei Dâria hnohta châ ama paphaopa a châ.

EZRÂ 6:13

Chavah Haosâ râh avaotuhpa Tâtenai, Sethâbôzenai nata ama hrialâhpazy ta Bei Dâria châpaphaopa liata biepiepa zydua cha phahnaingiah ngaitapa ta tao ei ta.

EZRÂ 6:7

Khazohpa o ama sapa cha kheihta hmah tah khuh vy. Zu chyhsa râhvaotuhpazy nata Zu machâzy ta Khazohpa o cha a su parohpa liata paduapathi mawh ei sy.

NEHEMIAH 1:11

Hy Abeipa, châ chakaotuhpa thlahchhâna lâ he na nah rie vaw pachôh mah y. Na moh china liata a lypa, châ chakaotuhpazy thlahchhâna lâ na nah vaw pachôh la, châ chakaotuhpa he tanoh hlao na patlohsa la, he chyhsa mohmô liana heta zawngiahna rie na patosa mah y,” tah na ta. Kei cha abei nyu hlâtuhpa ei châ.

HLAZY 76:10

Hmeiseihta ta, chyhsapa chô liata na pathiiana cha, Nâma reithaina châ aw ta; Na pathiiana tawhta a bohpazy cha, Chaisaih ta nâ saih aw ei.

BIESOZY 21:1

Abei palôh cha Abeipa ku liata y ta, Vahtie ti hawhta a khona lâ maih a palosa tyh.

BIESOZY 21:30

Kheihawhpa sona, novâhna nata ryhraothaina hmahta Abeipa cha pahnie aw vei.

ISAI 27:8

Izarei cha a dyuh chi ta, A râh tawhta papuapa ta, Na papaipatla haw. Nochhi thlih hrâhpa pathli no hawhta, Abeipa hu thatlôpa ta Izarei cha phaoh ta, A pasie haw.

RAWMA 8:31

Cha kyhzy liana chata khâpa eima reih khao aw? Khazohpa eima chhâh â châ khiahta cha, ahy miah a dyuh thei aw?