EZRÂ 6:21 - Mara Bible RV (BSI)

²¹ Atheihna sa cha seichâna tawhta a vaw kuapa Izarei sawzy ta nie ei ta, Izarei râh liata a vaw pahrâpa phopizy pathaih leina tawhta a pananopa ta Abeipa Izarei Khazohpa a chhy awpa ta âmo a pazaopa maihta nie hra ei ta.

EZRÂ 6:21 ပူးပေါင်းရင်းမြစ်များ

2 THÂTIHZYRONA 30:19

Abeipa, a pathlatuhpazy Khazohpa tlua awpa ta a palôh a paheipa maih cha, supathaihpa ryhpa hawhta pathai tuapa a châ leipa chhao ta, Khazohpa ta a ngiahthai mawh sy,” tah­pa ta thlahchhâ ta.

EZRÂ 9:1

Cha hmozy taopa a châ khai nahta, beimachâzy kei lâ a vy ei ta, ei hnohta, “Izarei sawzy nata theihthaipazy nata Livai pathlazy ta he râh liata a vaw pahrâpa phopizy tawhta a panano leipa ei ta, Kâna mo, Hiti mo, Perizi mo, Zebu mo, Amawna mo, Môabâ mo, Izi mo nata Amawri mo hmotaopa pasichhihpazy ama tao hra.

EZRÂ 9:11

châ chakaotuhpa hrohsopazy hmâpa ta, ‘Hnei awpa ta namâ ngia awpa râh cha, a râh liata a pahrâpa phopizy pathaih leina ta a puapa râh châ ta, râh âthaona tawhta achhâna taihta ama pasichhihna nata puana ta a biepa a châ.

NEHEMIAH 10:28

Mohropa zydua chhao, theihthaipazy, Livai pathlazy, chhikao vaituhpazy, hlasathaipazy, Achhyna o chakaotuhpazy, Khazohpa ryhpa zyh awpa ta phopi hropazy tawhta a pananopa zydua, ama lapinôzy, ama sawchapawzy, ama sawchanôzy nata pahnona nata novâhna a hneipa zydua cha,

NEHEMIAH 9:2

Izarei chipathlazy cha chihropazy tawhta a panano ei ta, a duah ei ta, âmo moleinazy nata ama pathlatuhpazy paraonazy palâhâhpa ta reihpha cheih ei ta.

HLAZY 93:5

Na bieraopazy a i ta, Hy Abeipa, pathaihna cha, Na o nata chhâzaw ta a hmiepa a châ.

ISAI 52:11

Pua teh u, pua teh u, Sei ta namâ tâhna su tawhta pua u la, Hmo pathaih leipa rai hria khah u. Nâmo, Abeipa hmobaoh a chabatuhpazy saih u, Babylaw tawhta pua u la, a pathai teh u.

EZEKIA 36:25

Ti pathaihpa cha thia aw ei na ta, nama pathaih leina zydua tawhta vaw pathaih aw ei chi ta, nama khazoh nothlahpa zydua tawhta chhao ei cha pathai aw ei.

2 KAWRINI 6:17

“Chavâta ama hry tawhta pua u la, Â nano ta y teh u, Abeipa ta a tah. Hmo pathaih leipa hria khuh vy, Chatanachata ei châ ly aw ei;

2 KAWRINI 7:1

Kyhpachâ ngaitapa saih u, cha bietaizy cha eima hneipa vâta, pôhpa nata thlahpa a papuapaleipa zydua tawhta a pathai sih la, Khazohpa chipa ta pathaih pakipa ta y suh u.