EZRÂ 6:20 - Mara Bible RV (BSI)

²⁰ Theihthaipazy nata Livai pathlazy cha hmaohkha ta a pathai ei ta, ama zydua ta ama pathaih hapa vâta, Zawpakhô mietakutaw cha, seichâna tawhta a zâ liepazy, theihthaipa chakaona rai ama hrialâhpazy nata âmo châta thie ei ta.

EZRÂ 6:20 ပူးပေါင်းရင်းမြစ်များ

2 THÂTIHZYRONA 29:34

Theihthaipazy ama chyh tu hapa vâta, raopa hlâna sahrohzy cha a vo hlai tiah leipa ei ta. Chavâta theihthaipa hropazy amâ pathai khai hlâlei cha, ama unawh Livai pathlazy ta rai a ngoh hlâlei ama bao. Apathaisana kyh liata la, theihthaipazy hlâta Livai pathlazy ama palôh tlao â do via.

2 THÂTIHZYRONA 35:11

Zawpakhô mietakutaw cha thie ei ta, Livai pathlazy ta a vo ama hlai hai nota, âmo tawhta thisaih ama daopa cha theihthaipazy ta thia ei ta.

2 THÂTIHZYRONA 35:14

Cha khai tawhta Livai pathlazy ta âmo nata theihthaipazy châta a chhuanoh ei ta. Arawna pathla theihthaipazy cha, raopa hlâna nata sa thawzy hlâpa ta, zâ taihta tymâpa ta ama ypa vâta, Livai pathlazy ta âmo nata Arawna pathla theihthaipazy châta amâ chhuanohpa a châ.

2 THÂTIHZYRONA 35:15

Dâvi biepiepa hawhta, Asâpha pathla hlasathaipazy cha ama châta su raopa liata y ei ta, Asâpha, Hemâ nata abei hrohsopa Zeduthu zy chhao ama châta su raopa liata y hra ei ta, chhikao vaituhpazy chhao ama chhikao chyu liata y ei ta. Ama unawh Livai pathlazy ta ama châta amâ chhuanoh hapa vâta, ama chakaona raihria siesai awpa byuh vei.

PUASAINA 12:21

Chatawhcha Mawsi ta Izarei machâ zydua aw ta, ama hnohta, “Vawh u la, nama chhôhkha maluh chyu hawhta mietakutawzy a kei tlyh u la, zawpakhô mietakutaw cha thie teh u.

HEBRAI 7:27

Ano cha theihthai beichaipa hropazy hawhta, noh chareih ta ano moleinazy châta atheihna hlâ tuapa ta, cha khai tawhta chyhsazy moleina châta atheihna a hlâ chanei ngâ thlâh awpa byuh vei. Anosasyh ta chhâzaw châta ei kha â hlâna liata a pangoh khai haw.