EZRÂ 6:17 - Mara Bible RV (BSI)

¹⁷ Khazohpa o hlâna liata viahchao tôhpa 100, mietaku tôhpa 200, mietakutaw 400 hlâ ei ta. Izarei zydua châta moleina hlâna atheihna châta, Izarei chi zie hawhta, mie tôhpa pô 12 ama hlâ hra.

EZRÂ 6:17 ပူးပေါင်းရင်းမြစ်များ

1 ABEIZY 18:31

“Na moh cha Izarei a châ aw,” tahpa ta Abeipa bie a daotuhpa Zakaw sawzy chi zie ta Elaizâh ta alô mia hrawh hleino la ta.

1 ABEIZY 8:62

Chatawhcha abei nata a hnohta a ypa Izarei saw zydua ta Abeipa hmiakô liata atheihna hlâ ei ta.

2 THÂTIHZYRONA 29:24

Theihthaipazy ta miezy cha thie ei ta, ama thisaih chhaota maisâh liata moleina hlâna ta hlâ ei ta, Izarei saw zydua châta chatlaina ama tao. Izarei saw zydua châta raopa hlâna nata moleina hlâna tao awpa ta, abei biepiepa hawhta ama tao.

2 THÂTIHZYRONA 7:5

Bei Sawlawmaw ta atheihna hlâna châta viahchao tôhpa 22,000 nata mietaku 120,000 hlâ ta. Cha hawhna chata abei nata zawpi zydua ta Khazohpa o cha hlâ ei ta.

EZRÂ 8:35

Cha daihti liata, paipatlapa, seichâna tawhta a vaw kuapazy ta Izarei Khazohpa lâta raopa hlânazy hlâ ei ta. Viahchao tôhpa pô hrawh hleino, mietaku tôhpa sychaki nata pô charu, mietakutaw sysari nata pô sari Izarei zydua châta hlâ ei ta. Cha zydua cha Abeipa lâta raopa hlâna sai a châ.

THEIHTHAINA 4:28

Moleina hmo a taopa cha â vaw pahno nahta, a moleina chatlai nawpa ta hmohlâpa châta mie chanôpa seina hnei leipa a hlâ awpa a châ.

THEIHTHAINA 4:3

moleina a taotuhpa cha sathawthupa theihthaipa a châpa vâta, Izarei phopi chô liata thaileichâna a patlôsa awpa a châ khiahta cha, a moleina chatlai nawpa ta, viahchao tôh dawpa seina hnei leipa cha, moleina hlâna châta Abeipa lâ a hlâ awpa a châ.

LUKA 22:30

Chatanachata ei khinarâh liata ei tlâhkhai liata niepa ta doh hra aw ei chi ta, beidyuchhai liata a tyuhpa ta Izarei pho hrawh hleinozy chô liata ryu nama reih aw.

BIEPHUAH 21:12

Thokhy rônahpa nata a sâhpa hnei ta, chhikao miahrawh hleino hnei ta, chhikao thabyzy liata vâlyuhchâpa pahrawh hleino y ei ta, chhikaozy liana cha Izarei pathla chi hrawh hleinopazy moh ropa a châ.