EZRÂ 6:16 - Mara Bible RV (BSI)

¹⁶ Izarei sawzy, theihthaipazy, Livai pathlazy nata seichâna tawhta a vaw kuapazy ta a ly ngaitapa ta Khazohpa o cha ama hlâ.

EZRÂ 6:16 ပူးပေါင်းရင်းမြစ်များ

1 ABEIZY 8:62

Chatawhcha abei nata a hnohta a ypa Izarei saw zydua ta Abeipa hmiakô liata atheihna hlâ ei ta.

1 ABEIZY 8:63

Sawlawmaw ta Abeipa lâta aryhna hlâna châta viahchao tôhpa 22,000 nata mietaku 120,000 Abeipa lâ hlâ ta. Cha hawhna chata abei nata Izarei saw zydua ta Abeipa o cha hlâ ei ta.

1 THÂTIHZYRONA 15:28

Izarei saw zydua ta mietaku tôhpa ki, chiahmie nata paotlâ pyuzy chhaota thata rahaona chôta nata tlaipihzy nata totâzy a paro ngaitapa ta tôpa ta, Abeipa Biehrai Byh cha ama khykhei haw.

1 THÂTIHZYRONA 9:2

Ama ryuto râh khihpizy liata a pahrâ pakhua heihpa hmiatuapazy cha Izarei saw thokhazy, theihthaipazy, Livai chizy nata Achhyna o liata chakaotuhpazy châ ei ta.

2 THÂTIHZYRONA 29:30

Bei Hezekia nata beimachâzy ta Livai pathlazy cha, Dâvi nata hrohsopa Asâpha phipa reithaina hlazy sa awpa ta biepie ei ta. Thapha ngaitapa ta reithaina hlazy cha sa ei ta, a bôh ei ta, Khazohpa a chhy ei ta.

2 THÂTIHZYRONA 30:23

Noh sari hropa kyhchhina hnei via awpa ta, zawpi zydua ta â ryh tah ei ta. Chatanachata noh sari hropa thapha ngaitapa ta kyhchhi via ei ta.

2 THÂTIHZYRONA 30:26

Zerusale khihpi cha thaphana ta bie ta, Dâvi sawchapawpa Izarei bei Sawlawmaw daihti tawhta, cha hawhpa hmo cha Zerusale liata y beih vei.

2 THÂTIHZYRONA 7:5

Bei Sawlawmaw ta atheihna hlâna châta viahchao tôhpa 22,000 nata mietaku 120,000 hlâ ta. Cha hawhna chata abei nata zawpi zydua ta Khazohpa o cha hlâ ei ta.

EZRÂ 4:1

Seichâna tawhta a vaw kuapa Zudâh mo nata Benzami mozy ta Abeipa, Izarei Khazohpa Achhyna o ama sapa kyh cha ama khakhaipazy ta ama thei nahta,

EZRÂ 6:22

Thinô pahlao leipa Viahchhâ Kyhchhi cha noh sari chhôh a ly ngaitapa ta hmâh ei ta. Abeipa ta Asuria bei palôh âmo lâ paheisa ta, Izarei Khazohpa o sana liata ama ku tha a patlôpa vâta, Abeipa liata amâ ly ngaita.

NEHEMIAH 12:27

Zerusale thokhy hlâna liata, paotlâzy nata tlaipihzy nata totâzy chhaota hlasapa nata alyna bie reipa ta, thokhy hlâna cha a ly ngaitapa ta hmâpa a châ thei nawpa ta, Livai pathlazy cha ama yna su chyu tawhta Zerusale lâ a vy khai awpa ta pahnosapa châ ei ta.

NEHEMIAH 12:43

Cha noh liata atheihna hluhpi hlâ ei ta. Khazohpa ta alyna rônahpa a patosapa vâ ei ta, chanô nata hawtizy chhaota a ly ngaitapa ta y ei ta. Zerusale alyna cha lâhlapi tawh chhao ta thei theipa a châ.

NEHEMIAH 7:73

Chatanachata theihthaipazy, Livai pathlazy, chhikao vaituhpazy, hlasathaipazy, zawpi thokhazy, Achhyna o chakaotuhpazy nata Izarei saw zydua cha ama khih chyu liata pahrâ ei ta. Thla sarina a vaw tlô nahta, Izarei sawzy cha ama khih chyu liata ama pahrâ khai haw.

NEHEMIAH 8:10

Nehemiah ta ama hnohta, “Nama o lâ chyu a di u la, sa thawhpa kei nie u la, kresawhti thlôhpa doh u la, a chhuanoh hmâ leipazy hnohta niedozy paphao teh u. Tanoh he eima Beipa châta noh pathaihpa a châ hih. Pachârôhpa ta y khah u. Abeipa alyna cha nama thatlôna châ tlôh ta,” tah ta.

HLAZY 122:1

Chyhsazy ta ei hnohta, “Abeipa o lâ pangai ei suh u!” Ama tah nota ei ly kaw tyh.

DÂNIAH 5:13

Chatanachata Dâniah cha abei hmiakô liata a vaw chhi ei ta. Abei ta Dâniah hnohta, “Nâma he ma, sei ta a ypa Zudâh chyhsa, abei ei paw ta Zudâh râh tawhta â kaw chhipa, Dâniah ama tahpa cha a châ chi?

ZAWHÂNA 10:22

Cha daihti liata, Ahlâna Kyhchhi Zerusale liata y ta. Chasipaw daihti châ ta,

RYHPACHANEINA 12:7

Cha liata Abeipa nama Khazohpa hmiakô liata nie aw ei chi ta, Abeipa nama Khazohpa ta nama ku raihria maih liata byhnâ a cha piepa vâ ei ta, nâmo nata nama chhôhkhazy thaphapa ta nama y aw.

PHILIPI 4:4

Abeipa liata khâ a ly teh u; ei tah heih aw, a ly teh u.