EZRÂ 6:12 - Mara Bible RV (BSI)

¹² Biepiepa he panano awpa ta tlyma, Zerusale liata Khazohpa o parao awpa ta tlyma, a ku a hypa abei tlyma, phopi tlyma cha, cha liata a moh a paysatuhpa Khazohpa ta ano cha parao mawh sy. Kei Dâria ta biepiepa he ei papua. Phahnai ngiah ngaitapa ta zyh awpa a châ,” tah ta.

EZRÂ 6:12 ပူးပေါင်းရင်းမြစ်များ

1 ABEIZY 9:3

Abeipa ta a hnohta. “Na thlahchhâna nata na hiana, ei hmiakô liata na tlôkheipazy kha ei vaw thei haw. He Achhyna o na sapa he pathaisa na ta, he liata ei moh chhâzaw ta ei paysa haw. He liana heta ei mo nata ei palôh khâ a y ngâ thlâh ha aw.

2 THÂTIHZYRONA 7:16

He o liata ei moh chhâzaw ta a y thei nawpa ta, he o he a tlyh na ta, ei pathaisa haw. He liana heta ei mo nata ei palôh chhâzaw ta a y thlâh ha aw.

EZRÂ 6:13

Chavah Haosâ râh avaotuhpa Tâtenai, Sethâbôzenai nata ama hrialâhpazy ta Bei Dâria châpaphaopa liata biepiepa zydua cha phahnaingiah ngaitapa ta tao ei ta.

EZRÂ 6:14

Hrohsopa Hâkai nata Idô sawchapawpa Zekaria zy hrohsona bie phuahpa hawhta, Zu machâzy ta o cha sa ei ta, ama hmasie lymâ ta. Izarei Khazohpa biepiepa hawhta nata Persia beizy, Kôresâ, Dâria nata Âtazezia zy biepiepa hawhta, Achhyna o cha sa ei ta, ama paloh haw.

EZRÂ 7:15

Abei nata a ryhraokheituhpazy ta âmo lôhthai ta Zerusale liata a ypa Izarei Khazohpa ama piepa tâkâ nata ngôh phaoh aw chi ta,

EZRÂ 7:17

Cha sôhzy cha hmâpa ta, viahchao tôhpazy, mietaku tôhpazy, mietakutawzy nata ama niepa hlânazy nata dopa hlânazy phahnai khoh ngaitapa ta chalei aw chi ta, Zerusale liata nama Khazohpa o liata maisâh liata na hlâ aw.

EZRÂ 7:26

Na Khazohpa ryhpa nata abei ryhpa a zyh leipa maih cha, hriena pasa ngaitapa ta hriepa châ aw ta, thiepa tlyma, râh tawhta papuapa tlyma, a hmohneipa lapa tlyma, patâhpa tlyma a châ aw,” tah ta.

ESTHERI 8:14

Chatanachata châraituhpazy ta bei biepiepa hawhta, bei chakaona raihria liata hmâpa arâ chahrapazy kiapa ta, a chatliepa ta châ cha rai ei ta. Biepiepa cha thokhy khihpi Susâ liata papuapa a châ.

HLAZY 5:10

Hy Khazohpa, âmo cha thaileichâpa ta phuah la, Ama ryhraona tlai ta pao ei sala, Ama moleina hluhpi vâta âmo cha thy ha mah y, Nâma châ dyuhpa ama châ hih.

PUASAINA 20:24

Keima châta alei maisâh tao aw chi ta, cha chô liana chata nâma châta raopa atheihnazy nata aryhna atheihnazy châta na mietakuzy nata na viahchaozy na hlâ tyh aw. Ei moh a thei thlâh ha nawpa ta ei raona su maih liata na hnohta a vy aw na ta, byhnâ ei cha awpa tyh aw.

BIECHHOTUHPA 9:10

Na ku ta hria awpa a hmôpa maih cha, na theina zydua papuapa ta hria mah y. Na pangai haipa Athihkhih liata cha, rai tlyma, pachâna tlyma, pahnona tlyma, sona tlyma y khao aw vei.

ISAI 60:12

Châ chakao khoh leipa Phopi nata khinarâh cha a leidia aw; Cha phopizy cha, Tlokhuh pahleipadia khaipa a châ aw.

ÔBADIA 1:10

“Na unawhpa Zakaw chô liata thachahra na hmâpa vâta, Nozana ta cha khu aw ta, Chhâzaw ta chhawh pathlahpa na châ aw.

HMOTAOPAZY 9:5

Sawla ta, “Abeipa, ahy ma na châ?” tah ta. Ano ta, “Zisu, na taolapa kha ei châ.

RYHPACHANEINA 12:11

Hmohlâpa kyh liata nama hnohta ei biepiepa zydua, nama raopa hlânazy, namâ theihnazy, nama su hrawh su khazy, nama chalopa hlânazy nata Abeipa lâta bie namâ taihpa hmo phapazy cha, Abeipa nama Khazohpa ta a moh y nawpa ta â tlyh awpa su liata nama hlâ tyh aw.

RYHPACHANEINA 12:5

“Abeipa nama Khazohpa ta nama chi zydua hry liata a moh y nawpa ta â tlyhpa, a pahrâ nawpa su tlua aw ei chi ta, cha su lâ cha nama pangai tyh aw.

RYHPACHANEINA 16:2

Abeipa ta a moh y nawpa su â tlyh awpa liata Abeipa nama Khazohpa lâta nama mietaku zaw hry tawhta nata viahchao hri hry tawhta zawpakhô atheihna châta nama hlâ aw.