EZRÂ 5:8 - Mara Bible RV (BSI)

⁸ He he abei ta vaw pahno mawh sy. Zudâh râh liata Khazohpa rônahpa o lâ khy pi ta. O cha alô lai ngaita­pazy ta sapa châ ta, a pâhchhôzy tho ta chhôhpa a châ. Ama ku liata rai cha a phapa ta sie ta, a hmasie lymâ.

EZRÂ 5:8 ပူးပေါင်းရင်းမြစ်များ

EZRÂ 2:1

Hezy he Babylaw bei Nebukaneza ta Zudâh râh tawhta Babylaw lâ sei ta â chhipa, Zerusale nata Zudâh râh liata ama khih lâ chyu ta a vaw kuapazy ama châ.

EZRÂ 5:7

Châ cha hetana heta roh ei ta, Bei Dâria lâ ama paphao: “Bei Dâria hnohta thlalôhna kipa y mawh sy.

EZRÂ 5:9

‘He o tôhtlâh bô ta, a o paloh awpa heta ahy ma bie châ pie ei?’ tahpa ta ama machâzy hiahri pi ta.

EZRÂ 6:10

Chatanachata avâ Khazohpa a palysapa atheihnazy hlâ aw ei ta, abei nata a sawchapawzy hrona châta thlah ama chhâ tyh aw.

EZRÂ 6:4

A pâhchhôzy cha alô laipa tlâh thôh ta pachopa châ aw ta, a chô liata tho ta tlâh kha chhôhpa a châ aw. A hryuhna cha abei sôh tawhta piepa a châ aw.

EZRÂ 7:23

Avâ Khazohpa ta bie a piepa maih, avâ Khazohpa o châta a zydua ta tao lymâpa châ mawh sy. Chataleipatala abei nata a sawchapawzy râh liana heta pathiiana a tlô pathlei aw.

NEHEMIAH 11:3

Hezy he Zerusale liata a pahrâpa râh chhituhpazy ama châ. Izarei saw hropazy, theihthaipazy, Livai pathlazy, Achhyna o chakaotuhpazy nata Sawlawmaw chakaotuhpa pathlazy deikua cha Zudâh râh liata ama khihzy liata ama o chyu liata ama pahrâ.

NEHEMIAH 7:6

Hezy he Babylaw bei Nebukaneza ta Zudâh râh tawhta Babylaw lâ sei ta â chhipa, Zerusale nata Zudâh râh liata ama khih lâ chyu ta a vaw kuapazy ama châ.

ESTHERI 1:1

He hmozy he Bei Ahasuarâ â bei nota a tlôpa a châ. Ahasuarâ cha India tawhta Kusi taihta râh pachhaihpa 127 chô liata bei châ ta.

ESTHERI 1:22

Chapawzy cha ama o chhôh chyu liata hyutuhpa châ aw ei ta, ama phopi reih ama cheih chyu awpa a châ, tahpa ta khinarâh pachhaihpa zydua lâta, ama châ nata reih chyu ta châ paphao ta.

HLAZY 145:3

Abeipa cha rônah ta, Rônahpa ta reithai awpa a châ; A rônahzie cha, A laichadai khai thei rimâ awpa châ vei.

DÂNIAH 2:47

Abei ta Dâniah cha a chhy ta, a hnohta, “Hmeiseihta ta, nâmo Khazohpa he khazohzy Khazohpa châ ta, beizy Beipa a châ; bienyupa a palâhâh theipa chhao a châ, chavâta bienyupa na palâhâh thei ha hih,” tah ta.

DÂNIAH 3:26

Chatawhcha Nebukaneza cha patina meihô chhikao kiapâh lâ vâ hnia ta, awh ta, “Sâdarâka, Mesâka, Abenekô, Khazohpa Chônôchaipa chakaotuhpa saih u, vaw pua u la, he lâ a vy teh u,” tah ta. Sâdarâka, Mesâka nata Abenekô zy cha mei tawhta vaw pua ei ta.

DÂNIAH 4:2

Chônôchai Khazohpa ta ei chô liata a taopa ngiana nata hmo noâhpazy phuah awpa he kei châta a phapa ta ei pahno.

DÂNIAH 6:26

Ei ryureina râh zydua liata chyhsazy ta Dâniah Khazohpa hmiakô liata chipa ta a chalyu awpa ta biepiepa ei tao. “Ano cha Khazoh hrohpa châ ta, Tlyzaw ta a ypa a châ; A khinarâh paraopa châ beih leipa aw ta, A ryureina ta chhâna noh hnei aw vei.

RYHPACHANEINA 10:17

Abeipa nama Khazohpa cha khazohzy Khazohpa, beizy Beipa, Khazoh rônahpa, Khazoh thatlôpa nata chichhihpa, khokhei hlei hnei leipa nata panaopapana hmo a la beih leipa a châ.

RYHPACHANEINA 32:31

Âmo lôpanô cha keimo Lôpanô hawhpa châ vei; Cha cha eima chariahpazy chhao ta ama pahno.