EZRÂ 5:3 - Mara Bible RV (BSI)

³ Cha nona chata Chavah Hao­sâ râhvaotuhpa Tâtenai nata Sethâbôzenai nata ama hrialâhpazy âmo lâ a vy ei ta, ama hnohta, “He o tôhtlâh padua ta, a o paloh awpa ta ahy ma bie châ pie ei?” tah ei ta.

EZRÂ 5:3 ပူးပေါင်းရင်းမြစ်များ

EZRÂ 1:3

Nama hry liata ano phopi a châpa maih chô liata a Khazohpa cha a hnohta y sala, Zudâh râh liata Zerusale lâ khy sala, Abeipa, Izarei Khazohpa o cha kaw sa mawh sy. Abeipa cha Zeru­sale liata a ypa Khazohpa a châ.

EZRÂ 4:12

Nâ tawhta keimo lâ a khypa Zuzy kha Zerusale lâ ama sie haw tahpa abei ta vaw pahno mawh sy. Chhorupa nata moleipa khihpi kha paduapathi ei ta, a thokhy paloh ha ei ta, tahmâ â bônazy ama pasiepakao hai.

EZRÂ 4:9

Pheisaih hyutuhpa Rehu nata chârohtuhpa Sisai nata ama hrialâhpa ryureihtuhpazy, râhvaotuhpazy, hyutuhpazy, Persia mozy, Ere liata a ypazy, Babylaw mozy, Elâmi pathla Susâ liata a ypazy,

EZRÂ 5:6

He he Chavah Haosâ râh avaotuhpa Tâtenai nata Sethâbôzenai nata a hrialâhpa Chavah Haosâ lâta a ypa râhvaotuhpazy ta Bei Dâria hnohta châ ama paphaopa a châ.

EZRÂ 5:9

‘He o tôhtlâh bô ta, a o paloh awpa heta ahy ma bie châ pie ei?’ tahpa ta ama machâzy hiahri pi ta.

EZRÂ 6:13

Chavah Haosâ râh avaotuhpa Tâtenai, Sethâbôzenai nata ama hrialâhpazy ta Bei Dâria châpaphaopa liata biepiepa zydua cha phahnaingiah ngaitapa ta tao ei ta.

EZRÂ 6:6

“Chavâta Chavah Haosâ râh liata râhvaotuhpa Tâtenai, Sethâbôzenai nata ama hrialâhpa Chavah Haosâ râh liata râhvaotuhpazy saih u, Achhyna o a paduapathituhpazy cha tlei teh u.

EZRÂ 7:21

“Kei Bei Âtazezia tlai ta Chavah Haosâ râh liata sôh avaotuhpa zydua hnohta biepiepa ei papua: Avâ Khazohpa Ryhpa rohtuhpa theihthaipa Ezrâ ta a châ hnawpa maih ei cha, phahnai khoh ngaitapa ta nama taopa lymâ aw.

HÂKAI 1:1

Bei Dâria abeina kô nona, thla charuna, noh khana noh ta, hrohsopa Hâkai hmâpa ta Siati sawchapawpa Zudâh râh ryureituhpa Zerubâbe nata Zehôzadâ sawchapawpa theihthai beichaipa Zawsua hnohta Abeipa bie vaw tlô ta.

MATHAI 21:23

Zisu cha Achhyna o liata a ngia ta, a pachu hai no ta, theihthai beizy nata khitlâh machâzy ano lâ a vy ei ta, a hnohta, “Khâpa biehneina ta ma he hmozy he na tao? Ahy ma he biehneina he châ pie?” tah ei ta.

HMOTAOPAZY 4:7

Pity nata Zawhâna cha a liah liata paduasa ei ta, “Khâpa hmotaotheina ta ma, ahy moh ta ma, hezy he nama tao?” tahpa ta hiahri ei ta.