EZRÂ 4:9 - Mara Bible RV (BSI)

⁹ Pheisaih hyutuhpa Rehu nata chârohtuhpa Sisai nata ama hrialâhpa ryureihtuhpazy, râhvaotuhpazy, hyutuhpazy, Persia mozy, Ere liata a ypazy, Babylaw mozy, Elâmi pathla Susâ liata a ypazy,

EZRÂ 4:9 ပူးပေါင်းရင်းမြစ်များ

ÂTHAONA 10:22

Semâ sawchapawzy cha Elâmi, Asuria, Apasâ, Ludi nata Aramia zy châ ei ta,

2 ABEIZY 17:24

Asuria bei ta Babylaw, Kuthâ, Avâ, Hâmathi nata Sephavai khihzy tawhta chyhsazy a zâ chhi ta, Izarei sawzy vyuhpa ta Samâri khihpizy liata a pahrâsa ei. Chatanachata Samâri cha la ei ta, a khihpizy liata ama pahrâ haw.

EZRÂ 4:8

Pheisaih hyutuhpa Rehu nata chârohtuhpa Sisai ta Zerusale mo leihna châ cha, Persia bei Âtazezia hnohta paphao ei ta.

EZRÂ 5:3

Cha nona chata Chavah Hao­sâ râhvaotuhpa Tâtenai nata Sethâbôzenai nata ama hrialâhpazy âmo lâ a vy ei ta, ama hnohta, “He o tôhtlâh padua ta, a o paloh awpa ta ahy ma bie châ pie ei?” tah ei ta.

EZRÂ 5:6

He he Chavah Haosâ râh avaotuhpa Tâtenai nata Sethâbôzenai nata a hrialâhpa Chavah Haosâ lâta a ypa râhvaotuhpazy ta Bei Dâria hnohta châ ama paphaopa a châ.

EZRÂ 6:6

“Chavâta Chavah Haosâ râh liata râhvaotuhpa Tâtenai, Sethâbôzenai nata ama hrialâhpa Chavah Haosâ râh liata râhvaotuhpazy saih u, Achhyna o a paduapathituhpazy cha tlei teh u.

NEHEMIAH 4:2

Chatanachata a unawhzy nata Samâri pheisaihzy hmiakô liata, “He Zu dyutlai leipazy heta khâpa ma ama tao hra tly? Khihpi amâ paduapathi heih aw ma? Atheihnazy ama hlâ aw ma? Noh kha ta patlô zua amâ chhuah hra ma? Mei ta a kâ hapa alôzy cha hnaihny tawhta thaopa ta ama pathieh heih aw ma?” tah ta.

ESTHERI 1:2

Cha nohzy liata, Bei Ahasuarâ cha thokhy ta dôhpa Susâ khihpi liata a beidyuchhai liata a tyuh ta.

ESTHERI 2:3

Abei ta â beina râh zydua liata hyutuhpazy rao sala, âmo chata laihsa dawpa nata kôpa hmiphapa zydua thokhy khihpi Susâ liata chanôzy yna liata amâ vaw chhipakhy aw. Chanôzy mohôhtuhpa hrilyupa Hekai ta âmo cha mohôh aw ta, chhithai nawpa ta mohôhnazy ta a phapa ta mohôhpa ama châ aw.

ISAI 21:2

Aluahna rarôh ypa ei hnohta phuahpa a châ; Paphasaituhpa ta a paphasai ta, Paraotuhpa ta a parao. Hy Elâmi, khy la, Hy Media, dôh teh. Chyhsa a pahrôsa tyhpa zydua kha Ei pachhâsa haw.

ZEREMIAH 25:25

Zimri bei zydua, Elâmi bei zydua nata Media bei zydua;

ZEREMIAH 49:34

He he Zudâh bei Zedekia ryureina â thaona liata, Elâmi kyh liata Abeipa bie hrohsopa Zeremiah hnohta a vaw tlôpa a châ.

EZEKIA 32:24

“Cha liata Elâmi y ta, a thlâ chheipâh liata a sahlaozy y ei ta, ama zydua zaozi ta thiepa ta a paopazy ama châ. Chopawtaileipa ta alei ry lâ a zupazy châ ei ta, ahrohpazy râh chichhihpa ta a taotuhpazy ama châ. Khaohtlô liata a tla hapazy hnohta nozapa ta ama y.

DÂNIAH 8:2

Aluahna liata hmô na ta; hetana heta vaw châ ta, aluahna ei hmô nona cha kei cha Elâmi râh liata Susâ thokhy khihpi liata vaw y thlâh ha na ta. Aluahna liata hmô na ta, Ulai chavah kiah liata vaw y na ta.

HMOTAOPAZY 2:9

Pâthia mozy, Media mozy, Elâmi mozy, Mesôpôtamia râh liata a ypazy, Zudia râh liata a ypazy, Kâpadôkia râh liata a ypazy, Pawntu râh liata a ypazy, Asia râh liata a ypazy,