EZRÂ 4:24 - Mara Bible RV (BSI)

²⁴ Chatanachata Zerusale liata Khazohpa o raihria cha a chalih ha ta, Persia bei Dâria â beina kô nona taihta â chalih haw.

EZRÂ 4:24 ပူးပေါင်းရင်းမြစ်များ

EZRÂ 3:8

Zerusale liata Khazohpa o ama tlô tawhta kô nona, thla nona liata, Siati sawchapawpa Zerubâbe nata Zôzadâ sawchapawpa Zesua nata ama heinawh theihthaipazy, Livai pathlazy nata seichâna tawhta Zerusale lâ a vaw liepa zydua ta Achhyna o paduapathina rai hria pathao ei ta. Kô kih tawhta chô lâ Livai pathlazy cha Abeipa o sana raihria hyutuhpazy ta ama rao.

EZRÂ 4:23

Bei Âtazezia tawhta châ cha Rehu nata chârohtuhpa Sisai nata ama hrialâhpazy hmiakô liata ama rei khaipa nahta, a chatliepa ta Zerusale liata Zuzy lâ cha sie ei ta, thachahra nata biehneina hmâpa ta ama chalihsa haw.

EZRÂ 4:5

Persia bei Kôresâ a bei chhôh zydua ryhraokheituhpazy hnohta panaopapanazy piepa ta, Achhyna o sa amâ chhuahpa cha patypamâ lymâ ei ta. Persia bei Dâria â beina taihta cha hawhta ama tao lymâ.

EZRÂ 5:1

Cha daihti liata, hrohsopa Hâkai nata Idô sawchapawpa Zekaria ta Zudâh nata Zerusale liata Zu chyhsa a ypazy hnohta ama chô liata a ypa Izarei Khazohpa moh ta hrohsona bie phuah ei ta.

EZRÂ 5:5

Châhrasala Khazohpa mo cha Zu machâzy chô liata a choh ta, Dâria lâta tlôkheipa achhyna châ ama hmô hlâlei paduapathina raihria a chalih a chhuah veih ei.

EZRÂ 6:1

Chatawhcha Bei Dâria ta biepie ta, Babylaw liata hmo parohpa sopakhyna o liata châbu parohpazy tlua ei ta.

EZRÂ 6:14

Hrohsopa Hâkai nata Idô sawchapawpa Zekaria zy hrohsona bie phuahpa hawhta, Zu machâzy ta o cha sa ei ta, ama hmasie lymâ ta. Izarei Khazohpa biepiepa hawhta nata Persia beizy, Kôresâ, Dâria nata Âtazezia zy biepiepa hawhta, Achhyna o cha sa ei ta, ama paloh haw.

EZRÂ 6:15

Achhyna o cha Bei Dâria abeina kô charuna, Adar thla, noh thôhna noh ta palohpa a châ.

NEHEMIAH 6:3

Âmo lâ lyuhchâpazy tuah na ta, ama hnohta, “Rai rônahpa hria hai na ta, a zu thei va na. Khazia nâmo lâ ei zu chhôh ta rai cha â chalih aw?” tah na ta.

NEHEMIAH 6:9

Ama zydua ta miah pachhiparypa ta miah pachisa a chhuah ei ta, “Ama bâh pathliah aw ei ta, raihria patlô thei aw veih ei,” tahpa ta ama pachâ. Chavâta Hy Khazohpa, tahmâ ei ku tha na patlô mah y.

ZAWBÂ 20:5

Hmoparaopa thaphana cha chyuta ta, Khazoh a pahno leipa alyna cha buakha deita a châ tahpa pahno beih va chi ma?

DÂNIAH 11:2

“Tahmâ biedopa ei cha chho aw. Moh teh, Persia liata abei pathôh vaw pua via aw ei ta, a papalihna cha ahropa zydua hlâta a hneirôh via chai aw. A hneirônazy vâta a tha a kaw tlô tita, Krikâh khinarâh a dyuh awpa ta chyhsa zydua a pathyu aw.

DÂNIAH 9:25

Chavâta he he pahno la, na novâh mawh sy. Zerusale padua pathi awpa nata sa pathi awpa ta bie a pua tawhta Mesia Bei â vyna taihta hâta ei sari a châ aw. Hâta ei sycharu nata ei no chhôh tlyliah nata khaohtlôzy taopathipa châ aw ta, châhrasala he chhôh he daihti rairuna a châ aw.

HÂKAI 1:1

Bei Dâria abeina kô nona, thla charuna, noh khana noh ta, hrohsopa Hâkai hmâpa ta Siati sawchapawpa Zudâh râh ryureituhpa Zerubâbe nata Zehôzadâ sawchapawpa theihthai beichaipa Zawsua hnohta Abeipa bie vaw tlô ta.

HÂKAI 1:15

Bei Dâria abeina kô nona, thla charuna, noh kih nata noh palih noh ta sa pathao ei ta.

HÂKAI 2:15

“Tahmâ, tanoh tawhta daihti a vaw tlô awpazy châta pachâ tua u. Abeipa Achhyna o liata alô nama paryh hlâna khata,

HÂKAI 2:18

“Tanoh tawhna heta pakhâta ta pachâ teh u. He thla chakina, noh kih nata noh palihna noh, Abeipa Achhyna o sa nawpa châta lôbô bô noh tawhna heta pakhâta ta pachâ teh u.

ZEKARIA 1:1

Dâria abeina kô nona, thla chariena liata, Idô sawchapawpa Berekiah, Berekiah sawchapawpa hrohsopa Zekaria hnohta Abeipa bie vaw tlô ta:

1 THYSALAWNIKA 2:18

Nâmo lâ a vy awpa khoh kaw pi ta, kei, Pawla tlai chhao he a chhuah tyh na ta, châhrasala Sâtâ ta miah a pakhâ ha tyh.