EZRÂ 4:2 - Mara Bible RV (BSI)

² Zerubâbe nata pho pawhrâhpazy lâ vawh ei ta, ama hnohta, “Eima cha sakhei aw, keimo chhao nâmo hawhta nama Khazohpa a chhy hra pi ta, he liata miah a vaw chhituhpa Asuria bei Esâhadô â bei no tawhna khata nâmo Khazohpa lâta atheihna eima hlâ lymâ,” tah ei ta.

EZRÂ 4:2 ပူးပေါင်းရင်းမြစ်များ

ÂTHAONA 10:11

Cha râh tawhta pua ta Asuria râh liata a ngia ta, Ninivâ, Rehôbô nata Kalâ khih zy a padua.

2 ABEIZY 17:24

Asuria bei ta Babylaw, Kuthâ, Avâ, Hâmathi nata Sephavai khihzy tawhta chyhsazy a zâ chhi ta, Izarei sawzy vyuhpa ta Samâri khihpizy liata a pahrâsa ei. Chatanachata Samâri cha la ei ta, a khihpizy liata ama pahrâ haw.

2 ABEIZY 17:41

Cha phopizy chata Abeipa cha chi taraw ei ta, ama khazoh nothlahpa leihpazy chhao ama chakao pâ lymâ. Tanoh taihta ama pathlatuhpazy taozie hawhta ama sawzy ta tao ei ta, ama samohzy chhao ta ama tao lymâ.

2 ABEIZY 19:37

Noh kha cha a khazoh Nisrô achhyna o liata khazoh â chhy hai nota a sawchapawzy, Adarâmele nata Sareze ta zaozi ta chhawhsao ei ta, Ararâ râh lâ amâ râ hapa vâta, a sawchapaw hropa Esâhadô ta ano su liata â bei haw.

EZRÂ 1:5

Chatanachata Zudâh nata Benzami pho pawhrâhpazy, theihthaipazy, Livai pathlazy nata Zerusale liata Abeipa o paduapathi awpa ta Khazohpa ta a palôh a pathyupa zydua thyu ei ta.

EZRÂ 2:2

Chazy cha Zerubâbe, Zesua, Nehemiah, Seriah, Relai, Môdekai, Bilsâ, Mispâ, Bikavai, Rehu nata Bânâ zy hnohta â liepazy ama châ. He he seichâna tawhta a vaw kuapa Izarei phopi maluh a châ:

EZRÂ 3:12

O hmiatuapa a vaw hmô hapa theihthai pawpipa, Livai chi pawpipa nata pho pawhrâhpa hluhpizy deikua cha, o lôbô bôpa ama hmô nahta, chyhsa hluhpi a lypa ta ama awh hai nota, aoh tlili ta ama cha.

EZRÂ 3:2

Zôzadâ sawchapawpa Zesua nata theihthaipa chakaona rai a hrialâhpazy nata Siati sawchapawpa Zerubâbe nata a heinawhzy thyu ei ta, Khazohpa chyhsa Mawsi Ryhpa liata ropa hawhta, raopa hlânazy hlâ nawpa ta, Izarei Khazohpa maisâh tao ei ta.

NEHEMIAH 9:32

“Chavâta eima Khazohpa, Khazohpa rônahpa nata thatlôpa nata chichhihpa, a biehrai patlôpa ta ngâchhihna a palâsa tyhpa Khazohpa y, keimo nata eima beizy, eima beimachâzy, eima theihthaipazy, eima hrohsopazy, miah pathlatuhpazy nata na phopi pôhpalôhpa chô liata, Asuria beizy daihti tawhta tanoh taihta rietheina vaw tlôpa zydua he, hmo chyhpa ta rie pachâ khah y.

HLAZY 73:8

Chyhsa pahneisaopa ta bie chhiepa reih ei ta, A palai ngaitapa ta tlybaina bie ama reih tyh.

ISAI 37:37

Chatanachata Asuria bei Senâkeri cha pua ta, Ninivâ khihpi lâ a lie ha ta.

ISAI 37:38

Noh kha cha a khazoh Nisrô o liata khazoh â chhy hai nota, a sawchapawpa Adarâmele nata Sareze ta zaozi ta chhawhsao ei ta, Ararâ lâ ama râ hapa vâta, a sawchapaw hropa Esâhadô ta ano su liata â bei haw.

HÔSIA 14:3

Asuria ta miah pachha leipa aw ta, Arâzy kiah khao aw ma pi. Keimo ku ta taopa hmozy lâta, ‘Eima khazohzy nama châ,’ Tah khao hra aw ma pi. Hârapa ta nâ liata Zawngiahna a hmô tyh.

KALATIA 2:4

Krista Zisu liata khotalaina eima hneipa mohparu awpa ta, unawh pakheipazy arulâta eima hry liata a vaw ngia ei ta, seichâna lâ miah a chhi awpa amâ chhuahpa vâta, chopawtaina kyh he a vaw ypa a châ.

2 TIMAWTHY 3:8

Zane nata Zambare ta Mawsi amâ dyuhpa hawhna khata, cha chyhsazy ta biehmeiseihpa amâ dyuh tyh. Palôh moleipa, ngiapâna kyh liata tloh leipa ama châ.