EZRÂ 3:8 - Mara Bible RV (BSI)

⁸ Zerusale liata Khazohpa o ama tlô tawhta kô nona, thla nona liata, Siati sawchapawpa Zerubâbe nata Zôzadâ sawchapawpa Zesua nata ama heinawh theihthaipazy, Livai pathlazy nata seichâna tawhta Zerusale lâ a vaw liepa zydua ta Achhyna o paduapathina rai hria pathao ei ta. Kô kih tawhta chô lâ Livai pathlazy cha Abeipa o sana raihria hyutuhpazy ta ama rao.

EZRÂ 3:8 ပူးပေါင်းရင်းမြစ်များ

1 THÂTIHZYRONA 23:4

Dâvi ta, “Livai pathla 24,000 zy cha Abeipa o sana liata hyutuhpazy châ aw ei ta, 6,000 Abeipa o liata hyutuhpazy nata ryureituhpazy châ aw ei ta,

1 THÂTIHZYRONA 3:17

Sei ta amâ chhipa Zekôniah sawchapawzy cha Siatie,

EZRÂ 10:18

Hezy he theihthaipa sawzy hry tawhta chihropa chanô lapinô ta a hneipazy ama châ: Zôzadâ sawchapawpa Zesua pathlazy nata a unawhzy tawhta Mâsei, Elieze, Zari nata Kedaliah zy châ ei ta,

EZRÂ 2:2

Chazy cha Zerubâbe, Zesua, Nehemiah, Seriah, Relai, Môdekai, Bilsâ, Mispâ, Bikavai, Rehu nata Bânâ zy hnohta â liepazy ama châ. He he seichâna tawhta a vaw kuapa Izarei phopi maluh a châ:

EZRÂ 3:2

Zôzadâ sawchapawpa Zesua nata theihthaipa chakaona rai a hrialâhpazy nata Siati sawchapawpa Zerubâbe nata a heinawhzy thyu ei ta, Khazohpa chyhsa Mawsi Ryhpa liata ropa hawhta, raopa hlânazy hlâ nawpa ta, Izarei Khazohpa maisâh tao ei ta.

EZRÂ 4:24

Chatanachata Zerusale liata Khazohpa o raihria cha a chalih ha ta, Persia bei Dâria â beina kô nona taihta â chalih haw.

EZRÂ 4:3

Châhrasala Zerubâbe nata Zesua nata Izarei pho pawhrâhpa hropazy ta ama hnohta, “Eima Kha­zohpa o sana liata namâ hlao hra nawpa kyh y vei. Persia bei Kôresâ ta bie miah a piepa hawhta, keimo tlai ta Abeipa, Izarei Khazohpa o cha eima sa aw,” tah ei ta.

EZRÂ 5:16

Chatanachata Sebâza cha vaw tlô ta, Zerusale liata Achhyna o lôbô cha bô ta, cha daihti tawhta tahmâ taihta, o cha sa lymâpa châ ta, châhrasala patlôpa châ mâh vei,’ tah ei ta.

EZRÂ 5:2

Siati sawchapawpa Zerubâbe nata Zôzadâ sawchapawpa Zesua cha thyu ei ta, Zerusale liata Khazohpa o paduapathina rai cha hria pathao heih ei ta. Khazohpa hrohsopazy chhao, âmo bao awpa ta ama hnohta y ei ta.

HÂKAI 1:1

Bei Dâria abeina kô nona, thla charuna, noh khana noh ta, hrohsopa Hâkai hmâpa ta Siati sawchapawpa Zudâh râh ryureituhpa Zerubâbe nata Zehôzadâ sawchapawpa theihthai beichaipa Zawsua hnohta Abeipa bie vaw tlô ta.

ZEKARIA 4:9

“He o pathaona lôbô he Zerubâbe ku ta bôpa châ ta, ano ku ta a patlô aw. Chatanachata Pheisaihzy Abeipa ta nama hnohta eina tuah tahpa nama pahno aw.

ZEKARIA 6:12

A hnohta, ‘Pheisaihzy Abeipa ta hetana heta a tah: Moh teh, Chhyh tahpa ta moh bipa chyhsa cha, a yna su tawhta a chhyh kaw thao aw ta, ano ta Abeipa Achhyna o a sa aw.

MALUHREINA 4:3

kô sythôh tawhta chô lâ kô sypangawh taih, ahmaohna poh o liata chakaona rai a hria thei awpa maluh zydua nama reih khai awpa a châ.