EZRÂ 3:5 - Mara Bible RV (BSI)

⁵ Cha khai tawhta, raopa hlâna hlâ tyhpazy, thla thieh atheihna hlâ tyhpazy, Abeipa kyhchhi raopa zydua liata atheihna hlâ tyhpazy nata Abeipa lâta lôhthai hmohlâpazy ama hlâ tyh.

EZRÂ 3:5 ပူးပေါင်းရင်းမြစ်များ

2 THÂTIHZYRONA 31:14

Nochhi chhikao vaituhpa, Livai pathla Imnâ sawchapawpa Kôre cha, Khazohpa lâta lôhthai hmohlâpazy mohôhtuhpa châ ta, Abeipa châta panano eihpazy nata hmohlâpa pathaih chaipazy a pahruatuhpa a châ.

EZRÂ 3:6

Raopa hlânazy cha thla sarina, noh khana tawhta Abeipa lâta ama hlâ pathao. Abeipa Achhyna o lôbô deikua bô mâh veih ei.

NEHEMIAH 10:34

Keimo, theihthaipazy, Livai pathlazy nata zawpizy ta tho hlâ awpa ta nuby a dao pi ta. Ryhpa liata ropa hawhta, Abeipa eima Khazohpa maisâh liata ti awpa ta, thozy cha kô chareih daihti raopa liata, a chhôh chhôh ta eima Khazohpa o lâ eima vaw chei lymâ aw.

ZEREMIAH 33:18

Livai chizy chhao ei mohmô liata raopa hlânazy a hlâ awpa, niepa hlânazy a rao awpa nata atheihnazy a hlâ lymâ awpa theihthaipa a phahla aw veih ei.”

THEIHTHAINA 1:2

“Izarei sawzy chho la, ama hnohta hetana heta reih teh: Nama hry liata ahy rai ta Abeipa lâta hmo nama hlâ tita, viahchao hri nata mietaku zaw tawhta sahroh nama hlâ awpa a châ.

THEIHTHAINA 1:3

“A hmohlâpa cha viahchao hri tawhta raopa hlâna a châ khiahta cha, a chapawpa seina hnei leipa a hlâ awpa a châ. A hmohlâpa cha Abeipa hmiakô liata a pyhpa a châ thei nawpa ta, ahmaohna poh o chhikao thaby liata a hlâ awpa a châ.

THEIHTHAINA 23:2

“Izarei sawzy chho la, ama hnohta hetana heta reih teh: Hezy he Abeipa châta kyhchhi raopa, pakhypi pathaihpa ta nama phuah awpa châ ta, chazy cha keima raopa kyhchhizy a châ.

MALUHREINA 28:14

Raopa hlâna ta â chakaihpa dopa hlâna châta, viahchao tôhpa pô kha liata kresawhti chhiehraôh ôh no châ aw ta, mietaku tôhpa pô kha liata chhiehraôh ôh kha nata khophie châ aw ta, mietakutaw pô kha liata chhiehraôh ôh kha a châ aw. Cha cha kô chhôh thla thiehpa maihta raopa hlâna hlâ awpa cha a châ.

MALUHREINA 28:19

Mei ta hmohlâpa raopa hlâna deikua cha Abeipa lâ nama hlâ aw. Viahchao tôh dawpa pô no, mietaku tôhpa pô kha nata mietakutaw chapawpa kô khapa pô sari, seina hnei leipazy nama hlâ aw.

MALUHREINA 28:27

Raopa hlâna ta viahchao tôh dawpa pô no, mietaku tôhpa pô kha, mietakutaw chapawpa kô khapa pô sari nama hlâ aw. Cha cha Abeipa châta ropahâhpa a châ.

MALUHREINA 29:13

Abeipa châta ropahâhpa, mei ta hmohlâpa raona hlâna viahchao tôh dawpa pô hrawh hleithôh, mietaku tôhpa pô no, mietakutaw chapawpa kô khapa seina hnei leipa pô hrawh hleipalih nama hlâ aw.

MALUHREINA 29:2

Raopa hlâna châta viahchao tôh dawpa pô kha, mietaku tôhpa pô kha, mietakutaw chapawpa kô khapa seina hnei leipa pô sari nama hlâ aw. Cha cha Abeipa châta ropahâhpa a châ aw.

MALUHREINA 29:39

“Nama bietai hmohlâpazy, nama lôhthai hmohlâpazy, nama raopa hlânazy, nama niepa hlânazy, nama dopa hlânazy nata nama aryhna hlânazy thota, chazy cha nama kyhchhi raopazy liata Abeipa lâ nama hlâ awpa a châ.”

MALUHREINA 29:8

Abeipa châta ropahâhpa raopa hlâna deikua cha hlâ aw ei chi ta, viahchao tôhpa pô kha, mietaku tôhpa pô kha, mietakutaw chapawpa kô khapa seina hnei leipa pô sari nama hlâ aw.

RYHPACHANEINA 12:17

Nama sâh, nama kresawhti, nama sathaw nata nama viahchao hri nata mietaku zaw hry liata a pataw tua chaipazy tawhta su hrawh su kha, nama bietai hmopiepazy, nama lôhthai hmopiepazy nata hmohlâ eihpazy chhao nama khih liata nama nie awpa châ vei.

RYHPACHANEINA 12:6

Cha liana chata nama raopa hlânazy, namâ theihnazy, nama su hrawh su khazy, nama chalopa hlânazy, nama bietaizy, nama lôhthai hlânazy, nama viahchao hri nata mietaku zaw hry liata a pataw tua chaipa zy nama vaw cheih awpa a châ.