EZRÂ 3:13 - Mara Bible RV (BSI)

¹³ Zawpizy cha ao paro ngaitapa ta awh ei ta, lâhlapi tawhta ama pyu thei theipa a châ. Chavâta chyhsazy ta alyna vâta awhpa ao ma, zawpi chapa ao ma tahpa chhao pachhaih thei khao veih ei.

EZRÂ 3:13 ပူးပေါင်းရင်းမြစ်များ

1 ABEIZY 1:40

Zawpi zydua ta ano cha kaw pazi ei ta, ramozy tô ei ta, alei â patlaw khai ha khiah ma tah ngâna taihta a ly ngaitapa ta thata awh ei ta.

1 ABEIZY 1:45

theihthaipa Zadô nata hrohsopa Nâthâ ta Sawlawmaw cha bei châta Kihaw liata sathaw ama thu haw. Cha su tawhta thapha ngaitapa ta khy ei ta, cha chata khihpi chhôh a khaipalie ngâ kawpa a châ. Cha cha a pyu nama theipa cha a châ.

EZRÂ 3:12

O hmiatuapa a vaw hmô hapa theihthai pawpipa, Livai chi pawpipa nata pho pawhrâhpa hluhpizy deikua cha, o lôbô bôpa ama hmô nahta, chyhsa hluhpi a lypa ta ama awh hai nota, aoh tlili ta ama cha.

EZRÂ 4:1

Seichâna tawhta a vaw kuapa Zudâh mo nata Benzami mozy ta Abeipa, Izarei Khazohpa Achhyna o ama sapa kyh cha ama khakhaipazy ta ama thei nahta,

NEHEMIAH 12:43

Cha noh liata atheihna hluhpi hlâ ei ta. Khazohpa ta alyna rônahpa a patosapa vâ ei ta, chanô nata hawtizy chhaota a ly ngaitapa ta y ei ta. Zerusale alyna cha lâhlapi tawh chhao ta thei theipa a châ.

HLAZY 5:11

Nâma châ chhaipa zydua deikua a ly ei sala, Alyna hla khâ sa mawh ei sy; Na vaina poh ta âmo cha khu la, Na moh a pasôpazy nâ liata a ly mawh ei sy.

ZEREMIAH 33:11

Alyna nata thaphana aozy thei heihpa châ aw ta, myuhneituhpa nata myuh aozy chhao thei heihpa châ aw ta, Abeipa o lâta alyna biereina hmohlâpa a vaw cheihpazy ao chhao thei heihpa châ aw ta, “‘Pheisaihzy Abeipa hnohta alyna bie reih teh u, Abeipa cha pha ta, A kyhpachâna tlyzaw ta a ypa a châ!’ ama tah aw. Hmiatuapa daihti hawhna khata, râh cha vânoh ei patosa heih aw,” Abeipa ta a tah.

ZEREMIAH 50:4

“Cha nohzy liata nata cha daihti liata, Izarei sawzy nata Zudâh sawzy hmaohkha ta amâ vy aw; Chana chôta a vy aw ei ta, Abeipa ama Khazohpa ama tlua aw,” Abeipa ta a tah.

ZEKARIA 4:7

Hy tlâhpi laipa, khâ ma na châ hlei tly? Zerubâbe hmia liata la pahnaipa ta paby khaipa na châ aw. Alô pha chaipa vaw tlôkhei aw ta, ‘Â ngia tlai na, â ngia tlai na’ tahpa ta awh aw ei ta ama dy aw,” tah ta.

RYUREITUHPAZY 2:5

Chavâta cha su moh cha Bôkhi tahpa châ ta, cha su liata Abeipa lâta atheihna ama hlâ.

1 SAMUELA 4:5

Abeipa Biehrai Byh cha riehmo a vaw tlô nahta, Izarei zydua cha alei a chalyu ngâna taihta a paro ngaitapa ta awh ei ta.