EZRÂ 3:12 - Mara Bible RV (BSI)

¹² O hmiatuapa a vaw hmô hapa theihthai pawpipa, Livai chi pawpipa nata pho pawhrâhpa hluhpizy deikua cha, o lôbô bôpa ama hmô nahta, chyhsa hluhpi a lypa ta ama awh hai nota, aoh tlili ta ama cha.

EZRÂ 3:12 ပူးပေါင်းရင်းမြစ်များ

EZRÂ 3:13

Zawpizy cha ao paro ngaitapa ta awh ei ta, lâhlapi tawhta ama pyu thei theipa a châ. Chavâta chyhsazy ta alyna vâta awhpa ao ma, zawpi chapa ao ma tahpa chhao pachhaih thei khao veih ei.

ZAWBÂ 8:7

Nâ thaona liata chyh kaw hra la, Na chhâna cha a rônah ngaita aw.

HLAZY 126:6

Chana chôta sâh chi a puakheipa cha, A sapiahzy cheipa ta thaphapa ta â di heih aw.

HLAZY 147:1

Abeipa cha reithai teh u! Eima Khazohpa reithaipa ta hla sapa cha pha ta, Kho â chhih ngaita; Reithaina hla hlâ awpa cha, Tao awpa tlai a châ.

ISAI 41:14

Nâ, Zakaw châkariepa y, Chi khah y; Nâmo, Izarei chyhsazy saih u, Chi khuh vy! Ei cha bao aw ei, Abeipa ta a tah. Châ chatlaituhpa cha, Izarei Mo Pathaihpa a châ.

ISAI 60:22

A nawh chaipa cha, Pho ta a duah aw ta; A chyh chaipa chhao, Phopi thatlôpa a vaw châ aw. Kei he Abeipa châ na ta, He hmo he a daihtita liata thlai ei tao aw.

ZEREMIAH 50:4

“Cha nohzy liata nata cha daihti liata, Izarei sawzy nata Zudâh sawzy hmaohkha ta amâ vy aw; Chana chôta a vy aw ei ta, Abeipa ama Khazohpa ama tlua aw,” Abeipa ta a tah.

HÂKAI 2:3

‘He o he paraopa a châ hlâta a rônahna zydua a hmôpa nama hry liata ahy ma a y ei chi? Tahmâ he khâpa nama palyusa? Khâpa hmâh a châ khao leizie he hmô thlâh ha veih ei chi ma?

ZEKARIA 4:10

A nawraih kawpa ta pathao daihti a mohnao kawpazy khata, Zerubâbe ku liata thliena ri ama hmô tita la, amâ ly ngaita aw. Kha mokhaoh miasaripazy kha, alei chô zydua a hmô pahlie khaipa Abeipa mozy ama châ,” tah ta.