EZRÂ 2:68 - Mara Bible RV (BSI)

⁶⁸ Zerusale liata Abeipa o ama tlô nahta, chhôhkha pawhrâhpa thokhazy ta, a su ualuapa liata Khazohpa o padua heih nawpa ta, lôhthai sôhzy thyu ei ta.

EZRÂ 2:68 ပူးပေါင်းရင်းမြစ်များ

1 THÂTIHZYRONA 21:18

Chatawhcha Abeipa vâlyuhchâpa ta Kâdâ hnohta, Dâvi cha khy sala, Zebu chyhsa Ôranâ sawhri liata Abeipa châta maisâh tao awpa ta Dâvi hnohta chho awpa ta biepie ta.

1 THÂTIHZYRONA 22:1

Dâvi ta, “He su liana heta Zehôvâh Khazohpa o y aw ta, he su liana heta Izarei châta raopa hlâna maisâh a y aw,” tah ta.

2 THÂTIHZYRONA 3:1

Sawlawmaw ta Abeipa o cha Zeru­sale khihpi chhôh Môria Tlâh liata sa pathao ta. Cha su cha a paw Dâvi hnohta Abeipa â luahna su, Zebu chyhsa Ôranâ sawhrihmo kha châ ta, Dâvi ta â vaw tlyhpa su a châ.

EZRÂ 2:67

râraoseihpa 435 nata alâ 6,720 ama hnei.

EZRÂ 2:69

Ama thyu theipa rakha ta thyu chyu ei ta, o sana sôh sopakhyna liata ngôh dari 61,000, tâkâ minâ 5,000 nata theihthaipa viahkao 100 ama pangia.

EZRÂ 3:3

Maisâh cha a y tyhna su liata padua ei ta, cha râhzy liata a pahrâpa phopizy ama chipa vâta, my nata zâlâ ta hlâpa, raopa hlânazy cha maisâh liata ama hlâ tyh.

EZRÂ 9:9

Seizy châ pi ta, châhrasala eima Khazohpa cha eima seichâna liata miah a heihsai vei. Persia beizy hmiakô liata eima chô liata a zawngiahna a palâsa. Eima Khazohpa o padua ta, a raonazy taopathi awpa ta, eima seichâna tawhta miah pahua ta, Zudâh nata Zerusale liata abohna thokhyzy miah a taopa.

HLAZY 110:3

Hrâ na sie noh ta, Âmo lôhthai ta na phopi châ vaw hlâ aw ei ta; Pathaihna nata rônahna ta a tobipa ta, My diati tlapa hawhta, Na thyutliazy tha thiehpa ta nâ lâ amâ vy aw.

PUASAINA 25:2

“Izarei sawzy hnohta bie reih la, thyuna sôh na hlâ awpa ta âmo cha chho mah y. Pie khohna palôh hneipa ta a piepazy tawhta keima châta thyuna sôh nama la awpa a châ.

PUASAINA 35:21

Palôh thathyupa nata pie khohna palôh a hneipa maih a vy ei ta, ahmaohna poh o nata a chakaona nata chysia pathaihpazy tao nawpa ta hmâ awpa ta Abeipa lâ thyuna vaw cheih ei ta.

PUASAINA 35:29

Chatanachata Izarei saw zydua, a chanô chapaw ta, ama palôh liata pie khohna a hneipa maihta, Abeipa ta tao awpa ta Mawsi ku liata bie a piepa zydua tao nawpa ta lôhthai thyuna vaw cheih ei ta.

PUASAINA 36:3

Izarei sawzy ta supathaihpa châta rai hria nawpa ta ama vaw thyupa zydua Mawsi tawhta la lymâ ei ta. My chareih ta lôhthai thyunazy Mawsi hnohta vaw hlâ pazao lymâ ei ta.

2 KAWRINI 8:12

Pie khohna a y khiahta cha, chyhsa ta a hnei leipa châ leipa ta, a hneipa nata â phuhpa ta a piepa cha a pyh tlâh a châ.

2 KAWRINI 8:3

Ama hneina nata â phuhpa ta pie ei ta, âmo khotlyna tlai ta, ama hneina khô lâ taihta ama pie tahpa ei pahnokhei ei.

2 KAWRINI 9:7

Chyhsa to pasai leina chôta pie leipa ta, pie lei thei lei awpa hawhta pachâpa ta pie hra leipa ta, ama palôh ta amâ chhuahpa hawhta pie chyu mawh ei sy. Khazohpa ta a ly ngaitapa ta a pietuhpa kyh a pachâ.