Cha tawhta Bethel nochhi lâta tlâh râh lâ a pasie ta, cha liata a poh o rai ta. Notla daih lâta Bethel y ta, nochhi daih lâta Ai khih a y. Cha liata Abeipa châta maisâh tao ta, Abeipa moh pado ta.
“Hy Hesbaw, sâh teh, Ai khihpi paraopa ta a y ha hih! Râbâ sawchanôzy saih u, cha teh u! Mikô cha seichâna lâ a sie aw, A theihthaipazy nata a beimachâzy chhaota. Chavâta latho poh a bupa ta chaphôh tu u la, Thokhyzy chhôh liata a râhreih teh u!
Zawsua ta Zerikô khihpi tawhta Bethel nochhi lâ Bethave kiapâh liata a ypa Ai khihpi lâ chyhsa tuah ta, ama hnohta, “Khy u la, râh kaw mohparu teh u,” tah ta. Chyhsazy cha khy ei ta, Ai khihpi cha kaw mohparu ei ta.
Ai nata Bethel khihpizy liata Izarei sawzy achadaina lâ a pua leipa chapaw pakha hmah y veih ei. Khihpi khaw leipa ta puasaipa ta Izarei sawzy cha a chadai ei ta.
Chatawhcha Zawsua ta âmo cha pasiesa ta. Abyhna su lâ cha sie ei ta, Ai khihpi notla lâta Bethel nata Ai likawh liata y ei ta. Zawsua deikua cha, cha zâ cha zawpizy hnohta a rie ta.
