EZRÂ 2:1 - Mara Bible RV (BSI)

¹ Hezy he Babylaw bei Nebukaneza ta Zudâh râh tawhta Babylaw lâ sei ta â chhipa, Zerusale nata Zudâh râh liata ama khih lâ chyu ta a vaw kuapazy ama châ.

EZRÂ 2:1 ပူးပေါင်းရင်းမြစ်များ

2 ABEIZY 25:11

Khihpi liata siesaipa chyhsazy nata Babylaw bei lâ âmo kho ta â hlâpazy nata zawpi laibâhpazy cha, abei vaituhpazy hyutuhpa Nebuzarâdâ ta sei ta â chhi khai ha ei.

1 THÂTIHZYRONA 9:1

Chatanachata Izarei saw zydua thyutôna cha roh khaipa châ ta, chazy cha Abeizy Châbu liata ropa a châ. Zudâh cha a paraona vâta Babylaw lâ sei ta a chhipa châ ta.

1 THÂTIHZYRONA 9:2

Ama ryuto râh khihpizy liata a pahrâ pakhua heihpa hmiatuapazy cha Izarei saw thokhazy, theihthaipazy, Livai chizy nata Achhyna o liata chakaotuhpazy châ ei ta.

EZRÂ 1:11

ngôh nata tâkâ hmobaohzy cha a zydua ta 5,400 a châ. Babylaw liata sei ta a tâhpazy Zerusale lâ a chhipa ama châ nota, Sebâza ta cha hmobaoh zydua cha Zerusale lâ a phaoh khai haw.

EZRÂ 2:2

Chazy cha Zerubâbe, Zesua, Nehemiah, Seriah, Relai, Môdekai, Bilsâ, Mispâ, Bikavai, Rehu nata Bânâ zy hnohta â liepazy ama châ. He he seichâna tawhta a vaw kuapa Izarei phopi maluh a châ:

EZRÂ 2:70

Chatanachata theihthaipazy, Livai pathlazy vâtlâh tho­khazy, hlasathaipazy, chhikao vaituhpazy nata Achhyna o liata chakaotuhpazy cha ama khih chyu liata pahrâ khai ei ta, Izarei saw hropazy chhao ama khih chyu liata ama pahrâ khai.

EZRÂ 5:8

He he abei ta vaw pahno mawh sy. Zudâh râh liata Khazohpa rônahpa o lâ khy pi ta. O cha alô lai ngaita­pazy ta sapa châ ta, a pâhchhôzy tho ta chhôhpa a châ. Ama ku liata rai cha a phapa ta sie ta, a hmasie lymâ.

EZRÂ 6:2

Media râh liata Ekabâtanâ khihpi liata abei o liata châchatypa, a chhôh liata he hawhta ropa hmô ei ta:

EZRÂ 8:35

Cha daihti liata, paipatlapa, seichâna tawhta a vaw kuapazy ta Izarei Khazohpa lâta raopa hlânazy hlâ ei ta. Viahchao tôhpa pô hrawh hleino, mietaku tôhpa sychaki nata pô charu, mietakutaw sysari nata pô sari Izarei zydua châta hlâ ei ta. Cha zydua cha Abeipa lâta raopa hlâna sai a châ.

NEHEMIAH 12:1

Hezy he Siati sawchapawpa Zerubâbe nata Zesua hnohta a vaw liepa theihthaipazy nata Livai pathlazy ama châ. Theihthaipazy cha Seriah, Zeremiah, Ezrâ,

ESTHERI 1:1

He hmozy he Bei Ahasuarâ â bei nota a tlôpa a châ. Ahasuarâ cha India tawhta Kusi taihta râh pachhaihpa 127 chô liata bei châ ta.

ESTHERI 1:11

abei hmiakô liata Beinô Vâsti a vaw chhi awpa ta biepie ta. Beinô Vâsti cha mo ai leipa a châpa vâta, a chhithaina cha phopizy nata beimachâzy pamosa awpa ta, beinô lakho a khona chôta a vaw luah awpa ta biepiepa a châ.

ESTHERI 1:3

 beina kô thôhna liata a beimachâ nata chakaotuhpa zydua châta kyhchhi tao ta. Persia nata Media pheisaihzy nata râh pachhaihpazy tawhta nôpawpazy nata râhvaotuhpazy a hmiakô liata y khai ei ta.

ESTHERI 1:8

Chyhsa to ama khona zie ta doh awpa ta, abei ta abei o liata hriatuhpazy biepie ta. “Pasaipa-ipa châ khah se” tahpa biepiepa hawhta kresawhti cha ama khona zie ta doh chyu ei ta.

ESTHERI 8:9

Cha daihti lia tlai ta, thla thôhna, Sivan thla, noh kih nata noh thôhna noh ta, abei chârohtuhpazy aw ei ta. Zuzy kyh liata Môdekai biepiepa hawhta, châpapuapa roh ei ta. India tawhta Kusi taihta a ypa, râh 127 liata beimachâzy, râhvaotuhpazy nata ryureituhpazy lâ paphao ei ta. Râh to âmo châ chyu ta paphaopa châ ta, phopi to ama reih chyu ta paphaopa a châ. Zuzy chhao âmo châ nata reih ta paphaopa ama châ.

ISAI 48:20

Babylaw tawhta pua u la, Kaldia tawhta a râ teh u; He kyh he hla ta awh u la, A lypa ta phuah teh u; Khizaw kaokih taihta pathâhsa u la, “Abeipa ta a chakaotuhpa Zakaw cha a chatlai haw!” Tahpa ta phuah teh u.

ZEREMIAH 50:19

Izarei cha a tlaih tyhna su lâ a chhi heih aw na ta, Kâmel nata Bâsanâ liata tlaih heih aw ta, Epharai tlâhzy nata Kilia liata Hro lôhrâtlôpa ta a y heih aw.

CHAPHÔHTUNA 1:3

Zudâh cha seichâna lâ siepa ta pasatao ta, Hriapasa riethei taopa ta a y; Phopizy hry liata pahrâ ta, Apahâna su rai hmô vei; A chadaituhpazy ta a chadai ei ta, A nôpo lichih ta ama kei pha haw.

CHAPHÔHTUNA 1:5

A khakhaipazy ta luhpa châ ha ei ta, A chariahpazy vânoh topa ta ama y; A paraona hluh ngaitapazy vâta, Abeipa ta pasa a pataosa haw; Khakhaipa hmiakô liata, A sawzy seichâna lâ ama sie.

CHAPHÔHTUNA 4:22

Hy Zaio sawchanô y, Na paraona vâta hriena cha a ki ha ta, Abeipa ta seichâna râh liata cha paysa khao aw vei; Hy Edômâ sawchanô y, Nâ deikua cha na paraona vâta Abeipa ta cha hrie aw ta, Na moleinazy a palâhâh khai aw.

ZEPHANIA 2:7

Cha râh cha Zudâh pathla laibâhpazy ta ama hnei aw; Cha liata ama sahrohzy pasa aw ei ta, Zâlâ ta Askelaw ozy liata amâ zia tyh aw. Abeipa ama Khazohpa ta âmo cha pachâ aw ta, Vânoh a patosa heih aw ei.

HMOTAOPAZY 23:34

Râhvaotuhpa ta châ cha reih ta, Pawla yna râh hiahri ta. Silisia chyhsa a châpa a pahno nahta,