EZRÂ 10:8 - Mara Bible RV (BSI)

⁸ Ahy rai chhituhpazy nata machâzy biepiepa hawhta, noh thôh chhôh ta a vaw tlô leipa cha, a hmohneipa zydua patu khaipa châ aw ta, ano chhao seichâna tawhta a vaw kuapazy py tawhta papuapa a châ aw tahpa bie papuapa a châ.

EZRÂ 10:8 ပူးပေါင်းရင်းမြစ်များ

EZRÂ 10:7

Seichâna tawhta a vaw kuapa Zudâh râh nata Zerusale liata a ypa zydua hnohta Zerusale liata a hmaohpakhy awpa ta bie papuapa châ ta.

EZRÂ 10:9

Zudâh nata Benzami mo zydua noh thôh chhôh ta Zerusale liata a hmaohpakhy ei ta. Thla chakina, noh kihna noh ta amâ hmaohpakhy. Zawpi zydua cha Khazohpa o tlyhmia kawhpa liata a tyuh ei ta, cha biezy vâta nata vâsua ru ngaitapa vâta thata a chalyu ei ta.

EZRÂ 7:26

Na Khazohpa ryhpa nata abei ryhpa a zyh leipa maih cha, hriena pasa ngaitapa ta hriepa châ aw ta, thiepa tlyma, râh tawhta papuapa tlyma, a hmohneipa lapa tlyma, patâhpa tlyma a châ aw,” tah ta.

NEHEMIAH 13:28

Theihthai beichaipa Eliasi sawchapawpa Zehôdâ sawchapawpa pakha cha, Hôrô chyhsa Sanbâlâ piahpa châ ta. Chavâta ano cha keima tawhta ei papua haw.

NEHEMIAH 13:3

Zawpizy cha ryhpa ama theipata nahta, chihropa pathla zydua cha Izarei sawzy tawhta panano ei ta.

THEIHTHAINA 27:28

“Chyhsa ta a hmohneipa Abeipa lâta a hlâ hapa, chyhsapa tlyma, sahroh tlyma, râh tlyma cha zuah awpa châ leipa ta, chatlai awpa châ hra vei. Hlâ hapa hmo zydua cha, Abeipa châta pathaih ngaitapa a châ khai.

MATHAI 18:17

Âmo chhao cha a nathlie khoh vei khiahta cha, Awnanopa chho mah y. Awnanopa chhao taihta a nathlie khoh vei khiahta cha, ano cha na châta Zenitai nata chhiekheituhpa hawhta pachâ mah y.

ZAWHÂNA 16:2

Pakhyna ozy tawhta cha papua aw ei ta, châ thiepa maihta Khazohpa chakaona rai a hriapa hawhta amâ pachâ nawpa daihti a vaw tlô hai.

ZAWHÂNA 9:22

Zuzy ta ahy rai Zisu cha Mesia a châ tahpa ta a palâhâhpa maih cha, pakhyna o tawhta papuapa a châ aw tahpa ta ama pathlu hapa vâta, a nôpawzy ta Zuzy cha chi ei ta, cha hawhta ama reipa a châ.

ZAWHÂNA 9:34

Âmo ta a chhy ei ta, “Nâ, moleipa ta a pihpa heta miah na pachu bao hra ma?” tah ei ta. Chatanachata ano cha papua ha ei ta.

1 KAWRINI 5:13

Khôtho lâta chyhsazy cha Khazohpa ta a pachia aw. Chyhsa moleipa cha nama hry tawhta papua ha muh vy.

ZAWSUA 6:19

Tâkâ, ngôh, dawh nata thua hmobaohzy deikua cha, Abeipa châta châ khai aw ta, Abeipa sôh o liata so awpa a châ,” tah ta.

RYUREITUHPAZY 21:5

Chatawhcha Izarei sawzy ta, “Kheihawhpa Izarei chi ma Abeipa lâta pakhypi liata a hlao hra vei,” tah ei ta. Mizpâ liata Abeipa lâta pakhypi a hlao hra leipa kyh liata, “Thie thlyu awpa a châ,” tahpa ta bietai rônahpa ama vaw tao hapa kha châ ta.

1 SAMUELA 11:7

Viahchao bao kha thie ta, a vyuh vyuh ta pachhaih ta, Izarei râh zydua liata rai awpa ta, lyuhchâpazy ku liata pie ta, ama hnohta, “Ahy rai vaw pua leipa ta Sawla nata Samuela a zi khoh leipa maih cha, ano viahchao chhao, he hawhta taopa a châ aw,” tah ta. Abeipa china ta Izarei phopi cha tla thlu ta, reih kha tlapa ta vaw pua ha ei ta.