EZRÂ 10:5 - Mara Bible RV (BSI)

⁵ Ezrâ cha thyu ta, theihthaipa pawhrâh viapazy, Livai pathlazy nata Izarei saw zydua cha, cha bie hawhta tao awpa ta bie pataihsa ta. Chatanachata bie a taih ei ta.

EZRÂ 10:5 ပူးပေါင်းရင်းမြစ်များ

EZRÂ 10:3

Chavâta ei zibeipa nata eima Khazohpa biepiepa ta a chalyupazy ryhraokheipa hawhta, Izarei sawzy ta chihropa zuah lapinô ta ama hneipa zydua nata ama sawzy papua khai awpa ta, eima Khazohpa liata bie hraih ei suh u. Cha hawhta eima tao tita deikua cha, Ryhpa hawhta taopa châ mawh sy.

NEHEMIAH 10:29

ama unawh nôpawpazy rei a hly ei ta, Khazohpa chakaotuhpa Mawsi ta a piepa Khazohpa Ryhpa cha zyh ta, Abeipa eima Zibeipa biepiepa zydua nata a ryureinazy nata a bieraopazy zyh awpa ta hetana heta bie amâ taih.

NEHEMIAH 13:25

Âmo cha ra ei na ta, chhiesapa ei na ta, thokhazy cha tu ei na ta, ama sâzy phia na ta. Khazohpa moh ta bie pataihsa ei na ta, ama hnohta, “Nama sawchanôzy cha ama sawchapawzy nama pie awpa châ leipa ta, nama sawchapawzy châta tlyma, nâmo châta tlyma, ama sawchanôzy nama hnei awpa châ vei.

NEHEMIAH 5:12

Âmo ta, “Chazy cha pakua khai aw pi ta, âmo tawhta khâpa hmah a hnaw aw ma pi. Na reipa hawhta eima tao aw,” tah ei ta. Chatawhcha theihthaipazy aw ei na ta, ama reipa hawhta zawpizy cha bie pataihsa ei na ta.

BIESOZY 1:5

Asopazy ta theipa ta ama pahnona a pôh via nawpa ta, Novâhpazy ta pasopakâna bie ama dao thei nawpa ta,

BIESOZY 15:23

Thlai ta achhyna pie tyhpa ta chyhsa palysa ta, A daihtita ta bie rei tyhpa cha a pha kaw dia!

BIESOZY 27:9

Sathaw nata ropahâhpa ta palôh palysa ta, Viasa ryhraokheina bie phapa chhao a thlôh ngaita.

BIESOZY 9:9

Chyhsa sopa cha pachu la, So via rili aw ta; Chyhsa siapa chhao na pachu khiahta cha, A thaina a pôh rili aw.

MATHAI 26:63

Châhrasala Zisu cha a chalih thlâh ha ta. Theihthai beichaipa ta, “Khazohpa hrohpa moh reipa ta bie a taih awpa ta bie ei cha pie. Khazohpa Sawchapawpa Mesia cha na châ ma, miah chho teh,” tah ta.