EZRÂ 10:4 - Mara Bible RV (BSI)

⁴ Thyu la, tao mah y, na maophaohna mah a châ tâh, na hnohta eima y. Thatlôpa ta y la, tao mah y,” tah ta.

EZRÂ 10:4 ပူးပေါင်းရင်းမြစ်များ

1 THÂTIHZYRONA 22:16

Ngôh, tâkâ, dawh nata thua rai a hria thaipazy hluhpi na hnei hra. Thyu la, hria teh! Abeipa na hnohta y mawh sy!” tah ta.

1 THÂTIHZYRONA 22:19

Tahmâ nama pachâna nata nama palôh cha Abeipa nama Khazohpa padona lâta pahei u la, thyu u la, Zehôvâh Khazohpa supathaihpa cha sa muh vy. Chatanachata Abeipa Biehrai Byh nata Khazohpa hmobaoh pathaihpazy cha Abeipa moh châta sapa o liata a ngiakheipa a châ aw,” tah ta.

1 THÂTIHZYRONA 28:10

A chado kaw mah y. Supathaihpa châta o sa awpa ta, Abeipa ta a cha rao. Thatlôpa ta y la, hria mah y,” tah ta.

1 THÂTIHZYRONA 28:20

Chatawhcha Dâvi ta a sawchapawpa Sawlawmaw hnohta, “Thatlôpa nata riahphapa ta y la, hria mah y. Chi leipa la, a ngiaroh khah y, Zehôvâh Khazohpa, ei Khazohpa tlai cha na hnohta a y mâh tâh. Abeipa o raihria zydua patlô khaipa a châ hlâlei, cha siesai leipa aw ta, cha pathlua aw vei.

1 THÂTIHZYRONA 28:21

Pachâ teh, Kha­zohpa o liata chakaona raihria zydua hria awpa ta theihthaipa nata Livai pyzy y ei ta, rai zydua liata palôh tlâh kawpa ta cha bao awpa ta, kao to liata a saomâpazy na hnohta ama y. Hyutuhpazy nata zawpi zydua chhao, na biehneina ry liata tlokhuh ama y khai aw,” tah ta.

EZRÂ 10:5

Ezrâ cha thyu ta, theihthaipa pawhrâh viapazy, Livai pathlazy nata Izarei saw zydua cha, cha bie hawhta tao awpa ta bie pataihsa ta. Chatanachata bie a taih ei ta.

BIECHHOTUHPA 9:10

Na ku ta hria awpa a hmôpa maih cha, na theina zydua papuapa ta hria mah y. Na pangai haipa Athihkhih liata cha, rai tlyma, pachâna tlyma, pahnona tlyma, sona tlyma y khao aw vei.

MÂKA 13:34

Cha daihti vaw tlô nawpa cha, chyhsa ta lâhlapi lâ khitlyh ta, a o a siesaipa cha a chakaotuhpazy ku liata soh ta, ama raihria awpa pie chyu ta, ochhi vaituhpa cha, khâ a hra thlâh ha awpa ta bie a piepa hawhta a châ.

HEBRAI 10:24

Kyhpachâna nata hmo pha taona liata kheihta ma tha eimâ pathyu raihrie thei aw tahpa pachâ tyh ei suh u.