EZRÂ 10:3 - Mara Bible RV (BSI)

³ Chavâta ei zibeipa nata eima Khazohpa biepiepa ta a chalyupazy ryhraokheipa hawhta, Izarei sawzy ta chihropa zuah lapinô ta ama hneipa zydua nata ama sawzy papua khai awpa ta, eima Khazohpa liata bie hraih ei suh u. Cha hawhta eima tao tita deikua cha, Ryhpa hawhta taopa châ mawh sy.

EZRÂ 10:3 ပူးပေါင်းရင်းမြစ်များ

2 ABEIZY 11:17

Zehôdâ ta Izarei sawzy cha Abeipa phopi châ awpa ta, Abeipa nata abei likah liata zy, Abeipa nata zawpi likah liata zy, abei nata zawpi likah liata zy biehrai tao ta.

2 THÂTIHZYRONA 29:10

Keimo tawhta a hiehâhna ru ngaitapa pakuasapa ta a y thei nawpa ta, Abeipa Izarei Khazohpa hnohta biehrai tao khona palôh ei hnei.

2 THÂTIHZYRONA 30:12

Abei nata beimachâzy ta Abeipa bie hawhta bie ama piepa cha tao awpa ta, Khazohpa ku cha Zudâh chô liata y ta, Zudâh pathlazy cha palôh miakha paphaosa ta.

2 THÂTIHZYRONA 34:21

“Vawh u la, châbu ama hmôpa liata â rohpa biezy kyh liata, kei nata Izarei nata Zudâh râh liata laibâhpazy châta Abeipa a kei saohiah teh u. Miah pathlatuhpazy khata he ryhpa châbu liata ropa hawhna heta Abeipa bie ama vaw zyh leipa vâta, Abeipa pathiiana ru ngaitapa eima chô liata lei thlupa a châ ha hih,” tah ta.

2 THÂTIHZYRONA 34:27

he su nata a chhôh liata a pahrâpazy kyh liata Abeipa biezy na thei nahta, na palôh panaipa ta, Khazohpa hmiakô liata a panawh chi ta. Ei hmiakô liata a panawhpa ta, na chysiazy hrie chi ta, ei hmiakô liata na chapa vâta, kei chhao ta ei cha thei haw, Abeipa ta a tah.

EZRÂ 10:11

Chavâta tahmâ Abeipa, châ pathlatuhpazy Khazohpa liata nama moleinazy palâhâhpa ta reihpha cheih u la, a khopa tao u la, he râh liata a pahrâpa phopizy nata chihropa lapinô ta nama hneipazy tawhta a panano teh u,” tah ta.

EZRÂ 10:44

Cha zydua cha chihropa chanô lapinô ta a hneipazy châ ei ta, ama lapinôzy cha ama sawzy chhaota ama pasiesa haw.

EZRÂ 10:9

Zudâh nata Benzami mo zydua noh thôh chhôh ta Zerusale liata a hmaohpakhy ei ta. Thla chakina, noh kihna noh ta amâ hmaohpakhy. Zawpi zydua cha Khazohpa o tlyhmia kawhpa liata a tyuh ei ta, cha biezy vâta nata vâsua ru ngaitapa vâta thata a chalyu ei ta.

EZRÂ 9:4

Cha hawhta a pachâna pahno leipa ta zâlâ atheihna hlâ daihti taihta ei tyuh thlâh nota, seichâna tawhta a vaw kuapazy paraona vâta Izarei Khazohpa bie ta a chalyupazy ei kiapâh liata a vaw hmaoh ei ta.

NEHEMIAH 10:1

Biehrai chahnao pa-ina liata moh ropazy cha, Hâkaliah sawchapawpa râhvaotuhpa Nehemiah, Zedekia,

NEHEMIAH 8:14

Thla sarina kyhchhi nota, Izarei sawzy cha byureih liata ama y awpa a châzie Abeipa ta Mawsi hmâpa ta bie a piepa cha Ryhpa liata hmô ei ta.

NEHEMIAH 9:38

“Cha zydua vâna chata, ropa tlai ta biehrai a ipa tao pi ta, eima beimachâzy, eima Livai pathlazy nata eima theihthaipazy moh chhao biehraina chahnao pa-ina châ liata ropa a châ,” tah ta.

HLAZY 119:120

Ei pôhpa he nâma chipa ta a chalyu ta, Na pachianazy ei ngiaroh kaw tyh.

HLAZY 119:59

Ei hroziezy pachâ sualuah na ta, Na bieraopazy lâta ei pheizy chakâ na ta,

ISAI 66:2

He hmo zydua he keima ku ta tao ta, Chatanachata he hmo zydua he a vaw ypa a châ,” Abeipa ta a tah. “A panawhpa ta a palôh liata a ngiapachhi ta, Ei bie liata a chalyupa chyhsa lâta ei mo ei padeih aw,” Abeipa ta a tah.

ISAI 8:20

Ryhpa nata bieraopa hawhta bie a reih leipazy cha, âmo châta khih a deih mâh leipazy ama châ.

EZEKIA 9:4

Abeipa ta a hnohta, “Zerusale khihpi chahryh la, khihpi chhôh liata hmo pasichhihpa taopazy vâta a hrôpa nata a rôhpazy chyhsazy khi liata ngiana tao mah y,” tah ta.

RYHPACHANEINA 29:12

Chatanachata Abeipa nama Khazohpa ta tanoh ta nama hnohta a hraipa, Abeipa nama Khazohpa biehrai bietai liata namâ ngia thei aw.

ZAWSUA 9:6

Chatanachata Kilkal liata riehmo paryhpa liata a ypa Zawsua lâ vawh ei ta, ano nata Izarei chyhsazy hnohta, “Râh hlapi tawhta a vypa châ pi ta, chavâta eima hnohta aryhna bie hraih teh u,” tah ei ta.