EZRÂ 10:2 - Mara Bible RV (BSI)

² Elâmi pathla Zehie sawchapawpa Sekaniah ta Ezrâ hnohta, “Eima Kha­zohpa châta ngâ a chhih khao leipa pi ta, he râh liata chihropa chanôzy lapinô ta vaw hnei pi ta, cha hawhta a châpa chhao ta, Izarei châta hnabeiseihna a y chy.

EZRÂ 10:2 ပူးပေါင်းရင်းမြစ်များ

EZRÂ 10:26

Elâmi pathlazy tawhta Mâtaniah, Zekariah, Zehie, Abadi, Zeremô nata Elaizâh;

EZRÂ 2:31

Elâmi pathla hropazy 1,254;

EZRÂ 2:7

Elâmi pathlazy 1,254;

EZRÂ 8:7

Elâmi pathlazy tawhta Athaliah sawchapawpa Zesai nata pawtlohpa 70,

EZRÂ 9:1

Cha hmozy taopa a châ khai nahta, beimachâzy kei lâ a vy ei ta, ei hnohta, “Izarei sawzy nata theihthaipazy nata Livai pathlazy ta he râh liata a vaw pahrâpa phopizy tawhta a panano leipa ei ta, Kâna mo, Hiti mo, Perizi mo, Zebu mo, Amawna mo, Môabâ mo, Izi mo nata Amawri mo hmotaopa pasichhihpazy ama tao hra.

EZRÂ 9:2

Ama sawchanôzy cha âmo nata ama sawchapawzy ta lapinô ta hnei ei ta, chatanachata chi pathaihpa cha, cha râh liata phopi hropazy chi nata a pahlaopahlipa ta a y haw. He ngâchhih leina kyh liana heta beimachâzy nata chhituhpazy ama châ pachai,” tahpa ta na chho ei ta.

NEHEMIAH 13:27

Cha hawhta a châ khiahta cha, nama bie nathliepa ta, chihropa chanôzy lapinô ta hneipa moleina lai ngaitapa taopa ta, eima Khazohpa chô liata ngâchhih leipa ta eima y aw ma” tah na ta.

NEHEMIAH 3:29

Âmo a pazipa cha, Ime sawchapawpa Zadô ta ano o dady liata taopathi ta. Ano pazipa ta nochhi chhikao vaituhpa Sekaniah sawchapawpa Semiah ta taopathi ta.

NEHEMIAH 7:12

Elâmi pathlazy 1,254;

NEHEMIAH 7:34

Elâmi pathla hropazy 1,254;

PUASAINA 34:12

Na sie nawpa râh liata a pahrâpazy hnohta biehrai tao lei awpa ta a vaih mah y. Chataleipatala nama hry liata khoheih ama châ pathlei aw.

BIESOZY 28:13

A moleinazy a phihtuhpa cha vânoh to leipa aw ta, A moleinazy palâhâh ta a siesaipa deikua cha zawngiahna a hmô aw.

ZÂMIE 2:9

Khokhei viapa nama hnei khiahta deikua cha, moleina hmo a taopa châ ei chi ta, hmoparaotuhpa nama châ tahpa ta ryhpa ta thailei a cha pachâsa ei.