EZRÂ 10:18 - Mara Bible RV (BSI)

¹⁸ Hezy he theihthaipa sawzy hry tawhta chihropa chanô lapinô ta a hneipazy ama châ: Zôzadâ sawchapawpa Zesua pathlazy nata a unawhzy tawhta Mâsei, Elieze, Zari nata Kedaliah zy châ ei ta,

EZRÂ 10:18 ပူးပေါင်းရင်းမြစ်များ

EZRÂ 10:17

Thla khana, noh khana noh ta, chihropa chanô a hneipa chapawzy cha pahno khai ei ta.

EZRÂ 2:2

Chazy cha Zerubâbe, Zesua, Nehemiah, Seriah, Relai, Môdekai, Bilsâ, Mispâ, Bikavai, Rehu nata Bânâ zy hnohta â liepazy ama châ. He he seichâna tawhta a vaw kuapa Izarei phopi maluh a châ:

EZRÂ 2:36

He he theihthaipa a vaw liepazy maluh a cha: Zesua pho Zediah pathlazy 973;

EZRÂ 3:2

Zôzadâ sawchapawpa Zesua nata theihthaipa chakaona rai a hrialâhpazy nata Siati sawchapawpa Zerubâbe nata a heinawhzy thyu ei ta, Khazohpa chyhsa Mawsi Ryhpa liata ropa hawhta, raopa hlânazy hlâ nawpa ta, Izarei Khazohpa maisâh tao ei ta.

EZRÂ 3:8

Zerusale liata Khazohpa o ama tlô tawhta kô nona, thla nona liata, Siati sawchapawpa Zerubâbe nata Zôzadâ sawchapawpa Zesua nata ama heinawh theihthaipazy, Livai pathlazy nata seichâna tawhta Zerusale lâ a vaw liepa zydua ta Achhyna o paduapathina rai hria pathao ei ta. Kô kih tawhta chô lâ Livai pathlazy cha Abeipa o sana raihria hyutuhpazy ta ama rao.

EZRÂ 5:2

Siati sawchapawpa Zerubâbe nata Zôzadâ sawchapawpa Zesua cha thyu ei ta, Zerusale liata Khazohpa o paduapathina rai cha hria pathao heih ei ta. Khazohpa hrohsopazy chhao, âmo bao awpa ta ama hnohta y ei ta.

EZRÂ 9:1

Cha hmozy taopa a châ khai nahta, beimachâzy kei lâ a vy ei ta, ei hnohta, “Izarei sawzy nata theihthaipazy nata Livai pathlazy ta he râh liata a vaw pahrâpa phopizy tawhta a panano leipa ei ta, Kâna mo, Hiti mo, Perizi mo, Zebu mo, Amawna mo, Môabâ mo, Izi mo nata Amawri mo hmotaopa pasichhihpazy ama tao hra.

EZRÂ 9:2

Ama sawchanôzy cha âmo nata ama sawchapawzy ta lapinô ta hnei ei ta, chatanachata chi pathaihpa cha, cha râh liata phopi hropazy chi nata a pahlaopahlipa ta a y haw. He ngâchhih leina kyh liana heta beimachâzy nata chhituhpazy ama châ pachai,” tahpa ta na chho ei ta.

NEHEMIAH 12:10

Zesua cha Zôki paw châ ta, Zôki cha Eliasi paw châ ta, Eliasi cha Zôiadâ paw châ ta,

NEHEMIAH 13:28

Theihthai beichaipa Eliasi sawchapawpa Zehôdâ sawchapawpa pakha cha, Hôrô chyhsa Sanbâlâ piahpa châ ta. Chavâta ano cha keima tawhta ei papua haw.

NEHEMIAH 8:4

Ezrâ cha Ryhpa Châbu rei nawpa ta ama taopa tho tlailai chô liata a duah ta. A chachâh lâ kâ liata Mâtithiah, Semâ, Aniah, Uria, Hikia nata Mâsei zy a duah ei ta, a chavei lâta Pedai, Misela, Mâkia, Hâsu, Hâsbâdanâ, Zekaria nata Mesulâ zy amâ duah.

NEHEMIAH 8:7

Zawpizy amâ duana su liata amâ dua thlâh ha nota, Livai pathlazy, Zesua, Bâni, Serebiah, Zami, Aku, Sabethai, Hôdiah, Mâsei, Kelitâ, Azariah, Zôzabâ, Hâna nata Pelai zy ta zawpizy cha Ryhpa ama pahno thei nawpa ta pachu ei ta.

ZEREMIAH 23:10

Râh cha apheipazy ta bie ta, Chhiesana vâta râh mâchhiesa ta, Râhchawhpa sibiepazy a raoh khai haw. Hmo pha leipa lâpi a chhih ei ta, Â doleipa ta ama thatlôna a hmâhpa ama châ.

ZEREMIAH 23:11

“Hrohsopa nata theihthaipa ta Khazohpa papeisa leipa ei ta; Ei o chhôh cheingei liata Ama moleina ei hmô,” Abeipa ta a tah.

ZEREMIAH 23:14

Zerusale hrohsopazy liata chhao, Hmo rarôh ypa ei hmô: A phei ei ta, Haipa ta khih ama sa; Hmo pha leipa a taopazy ku thapatlô ei ta, Chavâta ama moleina ro a chhuah tlâ veih ei; Kei châta cha Sawdawmâ lyu khai ei ta, Zerusale khihsawzy chhao Kawmawrâ ama lyu khai.”

EZEKIA 44:22

Nôhmei tlyma, mapa chanô tlyma, lapinô ta ama hnei awpa châ leipa ta, Izarei pathla laihsa kôpa tlyma, theihthaipa ta a thisaipa nôhmei tlyma deita ama hnei awpa a châ.

THEIHTHAINA 21:7

Theihthaipa cha a Khazohpa châta chyhsa pathaihpa a châpa vâta, âzuahnô tlyma, chanô papuapalei hapa tlyma ama hnei awpa châ vei. A vahpa nata a chhaihpa chanô chhao ama hnei awpa châ vei.

HÂKAI 1:1

Bei Dâria abeina kô nona, thla charuna, noh khana noh ta, hrohsopa Hâkai hmâpa ta Siati sawchapawpa Zudâh râh ryureituhpa Zerubâbe nata Zehôzadâ sawchapawpa theihthai beichaipa Zawsua hnohta Abeipa bie vaw tlô ta.

HÂKAI 1:12

Siati sawchapawpa Zerubâbe nata Zehôzadâ sawchapawpa theihthai beichaipa Zawsua nata phopi laibâhpa zydua ta Abeipa ama Khazohpa ao cha thei ei ta, hrohsopa Hâkai chhao cha, Abeipa ama Khazohpa tuapa a châpa hawhta, a bie nathlie ei ta. Chyhsazy ta Abeipa ama hnohta a ypa cha chi ngaita ei ta.

HÂKAI 2:4

Chatahrasala, hy Zerubâbe, thatlôpa ta y mah y,’ Abeipa ta a tah. ‘Hy Zehôzadâ sawchapaw theihthai beichaipa Zawsua, thatlôpa ta y mah y. Hy râhsaw zydua saih u, thatlô ngaitapa ta y muh vy,’ Abeipa ta a tah. ‘Thyu u la hria teh u, nama hnohta ei y,’ Pheisaihzy Abeipa ta a tah.

ZEKARIA 3:1

Chatawhcha Abeipa vâlyuhchâpa hmiakô liata â duahpa theihthai beichaipa Zawsua nata ano leih awpa ta a chachâh lâta a duahpa Sâtâ na pahmô ta.

ZEKARIA 6:11

Tâkâ nata ngôh zy cha cheih la, beilakhozy tao aw chi ta, Zehôzadâ sawchapawpa theihthai beichaipa Zawsua luh liata na pakho aw.

1 TIMAWTHY 3:11

Cha hawhna chata chanôzy chhao chyhsa zachhihpa, chyhsa kyh a reih leipa, a sohsi theipa nata ato liata ngâchhihpa ama châ awpa a châ.