EZRÂ 10:14 - Mara Bible RV (BSI)

¹⁴ Eima beimachâzy ta Zawpi zydua vyuhpa ta a duah ei sala, eima khihpizy liata chihropa lapinô a hneipa zydua cha, khihpi to liata machâzy nata ryureituhpazy chhaota, amâ vy nawpa daihti raopa liata a vy lymâ ei sala, chihropa lapinô ta hneipa vâta eima chô liata Khazohpa pathiiana ru ngaitapa cha pakuasapa a châ hlâlei, cha hawhta tao lymâ mawh ei sy,” tah ei ta.

EZRÂ 10:14 ပူးပေါင်းရင်းမြစ်များ

2 ABEIZY 23:26

Chatanachôta Abeipa ­ta a hiehâhna ru ngaitapa, Manase ta a pathi a pa-iana zydua vâta Zudâh chô liata a hiehâhna cha papai hlei vei.

2 THÂTIHZYRONA 28:11

Chavâta ei bie he nathlie u la, sei ta nama patupa nama chiheihzy kha pakuasa ha teh u. Chataleipatala Abeipa pathiiana ru ngaitapa nama chô liata a vaw tlô pathlei aw,” tah ta.

2 THÂTIHZYRONA 29:10

Keimo tawhta a hiehâhna ru ngaitapa pakuasapa ta a y thei nawpa ta, Abeipa Izarei Khazohpa hnohta biehrai tao khona palôh ei hnei.

2 THÂTIHZYRONA 30:8

Châ pathlatuhpazy hawhta palôh kuhchhapa ta y leipa u la, Abeipa lâta tlao a ngiarih u la, chhâzaw châta a pathaisapa a supathaihpa liata a ngia u la, Abeipa nama Khazohpa cha chakao muh vy. Chatanachata a hiehâhna ru ngaitapa chata a cha kuasai aw ei.

EZRÂ 10:13

Anodeikua zawpi he hluh tlôh pi ta, avâ hra ru ngaita ta, khôtho liata a duah thei khao ma pi. Cha kyh liata thata hmo vaw parao ha pi ta, chavâta cha hmo cha noh kha noh no ta tao thei awpa chi châ vei.

EZRÂ 10:15

Cha bie cha Asahe sawchapawpa Zawnathâ nata Tikavâ sawchapawpa Zazei deita ta khoh leipa ei ta, Livai chi Mesulâ nata Sabethai ta âmo cha a châh ei ta.

HLAZY 78:38

Chatahrasala ano cha thapasana ta a biepa a châpa vâta, Ama paraona cha a ngiahthai ta, Âmo cha pahleipadia vei. A hiehâhna ei hluhpi padia ta, A pathiiana zydua pathyu khoh vei.

ISAI 12:1

Cha noh liata hetana heta na tah aw: “Hy Abeipa, alyna bie ei cha hlâ; Ei chô liata na hie vaw hâh ha hra sala, Na hiehâhna chalihsa chi ta, Thlah eina palôh ha chi.

MALUHREINA 25:4

Abeipa ta Mawsi hnohta, “Izarei phopi chhituhpa zydua a chhi la, Abeipa pathiiana ru ngaitapa he Izarei chô tawhta a pai nawpa ta, âmo cha Abeipa hmiakô liata nohchhô sawhvaw ta paaosao teh,” tah ta.

RYHPACHANEINA 13:17

Hraona sôh hmoziehpazy kheihawhpa hmah nama hria awpa châ vei. Chatanachata Abeipa cha a hiehâhna ru ngaitapa tawhta a palôh pananopa ta, a zawngiahna nama chô liata palâsa aw ta, châ pathlatuhpazy hnohta bie â taihpa hawhta, cha ngiachhie aw ei ta, a cha papôh aw ei.

RYHPACHANEINA 17:9

Cha daihti liata Livai chi theihthaipazy nata ryureituhpazy lâ vawh aw ei chi ta, ama hnohta nama tlôkhei aw. Âmo ta bietluna ama cha chho aw.

ZAWSUA 7:26

A chô liata alô hluhpi pacho thlu ei ta, cha cha tanoh taihta a y thlâh haw. Chatanachata Abeipa cha a pathiiana ru ngaitapa tawhta â palie haw. Chavâta cha su cha tanoh taihta Akhôrâ Saikao tahpa a châ.