EZRÂ 10:11 - Mara Bible RV (BSI)

¹¹ Chavâta tahmâ Abeipa, châ pathlatuhpazy Khazohpa liata nama moleinazy palâhâhpa ta reihpha cheih u la, a khopa tao u la, he râh liata a pahrâpa phopizy nata chihropa lapinô ta nama hneipazy tawhta a panano teh u,” tah ta.

EZRÂ 10:11 ပူးပေါင်းရင်းမြစ်များ

2 THÂTIHZYRONA 30:22

Abeipa chakaona rai liata a saomâ ngaitapa Livai pathla zydua chô liata Hezekia ta thapatlôna bie reih ta. Kyhchhi pati cha noh sari chhôh nie ei ta, aryhna hlâna atheihnazy hlâpa ta, Abeipa, ama pathlatuhpazy Khazohpa chô liata alyna bie reih ei ta.

EZRÂ 10:10

Theihthaipa Ezrâ a kaw duah ta, ama hnohta, “Ngâchhihna pahlei ei chi ta, chihropa chanô nama hneipa vâta, Izarei thaileichâna papôhsapa a châ.

EZRÂ 10:12

Zawpi zydua ta ao paro ngaitapa ta a chhy ei ta, “Chata châ mawh sy; na reipa hawhta eima tao aw.

EZRÂ 10:3

Chavâta ei zibeipa nata eima Khazohpa biepiepa ta a chalyupazy ryhraokheipa hawhta, Izarei sawzy ta chihropa zuah lapinô ta ama hneipa zydua nata ama sawzy papua khai awpa ta, eima Khazohpa liata bie hraih ei suh u. Cha hawhta eima tao tita deikua cha, Ryhpa hawhta taopa châ mawh sy.

EZRÂ 9:1

Cha hmozy taopa a châ khai nahta, beimachâzy kei lâ a vy ei ta, ei hnohta, “Izarei sawzy nata theihthaipazy nata Livai pathlazy ta he râh liata a vaw pahrâpa phopizy tawhta a panano leipa ei ta, Kâna mo, Hiti mo, Perizi mo, Zebu mo, Amawna mo, Môabâ mo, Izi mo nata Amawri mo hmotaopa pasichhihpazy ama tao hra.

NEHEMIAH 13:3

Zawpizy cha ryhpa ama theipata nahta, chihropa pathla zydua cha Izarei sawzy tawhta panano ei ta.

NEHEMIAH 9:2

Izarei chipathlazy cha chihropazy tawhta a panano ei ta, a duah ei ta, âmo moleinazy nata ama pathlatuhpazy paraonazy palâhâhpa ta reihpha cheih ei ta.

HLAZY 32:5

Ei moleina cha chho na ta, Ei paraona nyu leipa na ta; “Abeipa liata ei paraona ei palâhâh aw,” tah na ta, Ei molei paraona cha einâ ngiahthai ha chi. Selah

BIESOZY 28:13

A moleinazy a phihtuhpa cha vânoh to leipa aw ta, A moleinazy palâhâh ta a siesaipa deikua cha zawngiahna a hmô aw.

ISAI 56:4

Abeipa ta hetana heta a tah: “Ei Pahânohzy chay ta, Nâ palysapa hmozy a tlyhpa ta, Ei biehrai khâchâ â patupa hrilyupazy cha,

ZEREMIAH 3:13

“‘Nâ deikua cha na thaileichâna a pahno mah y: Abeipa na Khazohpa a dyuhpa ta, Tho hrohpa ry to liata chihropazy khokhei chi ta, Ei bie zyh va chi,’” Abeipa ta a tah.

ZEREMIAH 7:3

Pheisaihzy Abeipa, Izarei Khazohpa ta hetana heta a tah: Nama hrozie nata nama hmotaopazy liata a taopathi u la, chatanachata he su liata ei cha pahrâsa aw ei.

EZEKIA 18:30

“Chavâta Hy Izarei pathlazy saih u, chyhsa to nama hrozie chyu hawhta ei cha pachia aw ei,” Abeipa Zehôvâh ta a tah. “Ro u la, nama paraona zydua a heihsai ha muh vy. Chataleipatala paraona cha nama raona a châ pathlei aw na.

ZAWHÂNA 9:24

Chatanachata mochaopa cha a ei nona ta aw heih ei ta, a hnohta, “Khazohpa reithai teh. Kha chyhsa kha moleipa a châ tahpa eima pahno,” tah ei ta.

RAWMA 12:2

He khizaw ryhpa hawhna heta y leipa u la, nama palôh pathiehpa ta tlao anano lymâ teh u. Chatanachata Khazohpa khopa cha khâpa ma a châ tahpa pahno thei aw ei chi ta, hmo phapa a pyh tlâhpa nata phapakipa cha nama pahno thei aw.

2 KAWRINI 6:17

“Chavâta ama hry tawhta pua u la, Â nano ta y teh u, Abeipa ta a tah. Hmo pathaih leipa hria khuh vy, Chatanachata ei châ ly aw ei;

KAOLAOSÂ 1:10

Chatanachata Abeipa hmâ tlâhpa chyhsa châ aw ei chi ta, kyh to liata ano palôh patlâhpa ta, raihria to liata pathei aw ei chi ta, Khazohpa pahnona liata nama laiseih rili aw.

HEBRAI 13:21

a khopa nama tao thei nawpa ta hmo pha to ta cha tobi ei sala, a mohmô liata â lynazie ta nama y lymâ thei nawpa ta, Zisu Krista zawhzi ta nâmo liata hria lymâ sala, Zisu Krista hnohta chhâzaw nata tlyzaw ta rônahna y mawh sy. Amen.

ZAWSUA 7:19

Zawsua ta Âkhâ hnohta, “Ei sawchapawpa, Abeipa Izarei Khazohpa parônahsa la, a hnohta a phuah teh. Khâpa hmo ma na tao tahpa na chho la, na phih khah y,” tah ta.