EZRÂ 10:1 - Mara Bible RV (BSI)

¹ Ezrâ cha Khazohpa o hmiakô liata â khu lâta pao ta, chana chôta thlahchhâ ta, moleinazy palâhâh ta reihpha a chei hai nota, Izarei saw hluhpi, chapawzy, chanôzy nata hawtizy ano lâ a vaw hmaoh ei ta, aoh tlili ta cha ei ta.

EZRÂ 10:1 ပူးပေါင်းရင်းမြစ်များ

1 ABEIZY 8:30

Châ chakaotuhpa nata na phopi Izarei sawzy ta he su lâ a heihpa ta thlah ama chhâ tita, ama hianazy vaw nathlie tyh mah y. Na pahrâna su vârâh tawhta vaw nathlie la, na thei tita, a ngiahthai tyh mah y.

1 ABEIZY 9:3

Abeipa ta a hnohta. “Na thlahchhâna nata na hiana, ei hmiakô liata na tlôkheipazy kha ei vaw thei haw. He Achhyna o na sapa he pathaisa na ta, he liata ei moh chhâzaw ta ei paysa haw. He liana heta ei mo nata ei palôh khâ a y ngâ thlâh ha aw.

2 THÂTIHZYRONA 20:13

Zudâh pathla zydua cha ama hawti chyhpatazy, ama lapinôzy nata ama sawzy chhaota Abeipa hmiakô liata a duah ei ta.

2 THÂTIHZYRONA 20:9

‘Eima chô liata chhiena, zaozi ta pachiana tlyma, potlana tlyma, chakâhna tlyma a vaw tlô khiahta cha, he o he na moh yna o a châpa vâta, he o hmiakô liata nata na hmiakô liata a duah aw pi ta, eima nôpona liata cha pado aw pi ta, miah thei aw chi ta, miah na pachha aw.

EZRÂ 10:6

Ezrâ cha Khazohpa o hmiakô tawhta a pasie ta, Eliasi sawcha­pawpa Zôhanâ chhôhpadâhpa liata a ngia ta. Seichâna tawhta a vaw kuapazy ngâchhih leina kyh liata mâchhie a sapa vâta, viahchhâ nie leipa nata ti chhao do leipa ta, cha liata azozâkhihdei y ta.

NEHEMIAH 1:4

Cha biezy cha ei thei nahta, thlai a tyuh na ta, cha na ta, noh hluhpi mâchhiesa na ta, avâ Khazohpa hmiakô liata kâhvileipa ta thlahchhâ na ta.

NEHEMIAH 1:6

Izarei sawzy moleina, na chô liata eima moleinazy reihpha ei cheina he na nah vaw pachôh la, na mo vaw padeih la, châ chakaotuhpa, na phopi Izarei sawzy châta, châ chakaotuhpa ta chhô nah zâ ta na hmiakô liata ei thlahchhâna he rie vaw nathlie mah y. Kei nata ei chiheihzy ta eima vaw molei haw.

NEHEMIAH 10:28

Mohropa zydua chhao, theihthaipazy, Livai pathlazy, chhikao vaituhpazy, hlasathaipazy, Achhyna o chakaotuhpazy, Khazohpa ryhpa zyh awpa ta phopi hropazy tawhta a pananopa zydua, ama lapinôzy, ama sawchapawzy, ama sawchanôzy nata pahnona nata novâhna a hneipa zydua cha,

NEHEMIAH 8:9

Ryhpa biezy ama thei nahta, zawpi zydua thata cha ei ta. Râhvaotuhpa Nehemiah, theihthaipa nata chârohtuhpa Ezrâ nata zawpi pachutuhpa Livai pathlazy ta zawpi zydua hnohta, “Tanoh he Abeipa nama Khazohpa châta noh pathaihpa a châ hih. Chavâta mâchhiesa leipa u la, cha hra khuh vy,” tah ei ta.

HLAZY 119:136

Na ryhpa bie ama zyh leipa vâta, Ei mozy tawhta mothlih chavah a loh tyh.

HLAZY 32:5

Ei moleina cha chho na ta, Ei paraona nyu leipa na ta; “Abeipa liata ei paraona ei palâhâh aw,” tah na ta, Ei molei paraona cha einâ ngiahthai ha chi. Selah

ZEREMIAH 13:17

Nama nathlie vei khiahta deikua cha, Namâ palaina vâta arulâta cha aw na ta; Ei mothlih thata loh aw ta, Ei cha ngâ thlâh ha aw; Abeipa mietaku zaw cha, Seichâna lâ a chhipa ama châpa vâta.

ZEREMIAH 9:1

Ei luh he ti châ sala, Ei mo he mothlih hnawh châ mawh sala, Ei phopi zuah ama thiepazy châta, Chhô nah zâ ta ei cha awpa tlai!

DÂNIAH 9:20

Keima moleina nata ei phopi Izarei sawzy moleina palâhâhpa ta, reihpha cheipa ta thlahchhâ na ta, Abeipa ei Khazohpa hmiakô liata ei Khazohpa tlâh pathaihpa châta hiana ei tlôkhei ngâ nota,

HÔSIA 14:2

Biezy a cheipa ta, Abeipa lâ kua u la, A hnohta hetana heta tah teh u: “Moleina zydua la khai la, Hmo phapa a pyh mah y; Viahchao tôhpa hlâ vyuhpa ta, Eima hmao bietaizy eima cha vaw hlâ.

ZEKARIA 12:10

“Chatawhcha Dâvi pathlazy chô liata nata Zerusale liata a pahrâpazy chô liata ngiachhiena nata zawngiahna thlahpa ei hry aw. Chatanachata ama hriechheih hapa kei he na moh aw ei ta, sawchapaw matlupa mâchhie sapa hawhta keima châta mâchhiesa aw ei ta, sawchapaw uhtheipa pahleipa hawhta thata ama vâ â sâh aw.

MATHAI 3:6

ama moleinazy palâhâhpa ta Zawdâh chavah liata ano ta bâti pachâsa ei ta.

LUKA 19:41

Zerusale a kei hnia ta, khihpi cha a hmô nahta, chakhei ta,

HMOTAOPAZY 10:30

Kawnilia ta, “Noh palih a khô hapa liana khata, tahmâ daihti hawhpa taih he thlahchhâpa ta y na ta, zâlâ dawh thôhpa ta ei o liata thlah ei chhâ hai nota, chyhsa pakha poh diehpa a bupa ta ei hmiakô liata a vaw duah ta,

HMOTAOPAZY 21:5

Cha liata y nawpa daihti a chhâ nahta, pua pi ta, sie heih pi ta. Unawhzy cha ama zydua ta, ama lapi sawzy chhaota, khih eima khô hlâlei miah vaw pathlie ei ta. Raphyu liata eima pakhu paneihpa ta thlah eima chhâ khai tawhta,

RAWMA 9:2

Ei palôh liata rietheina ru ngaitapa nata pachârôhna lei thei leipa ei vao thlâh haw.

RYHPACHANEINA 31:12

Zawpizy ta Abeipa nama Khazohpa china bie nathliepa ta, a chu ei sala, ryhpa bie zydua he zyhpa ta ama tao thei nawpa ta, chapawzy, chanôzy, hawtizy nata nama yna khihzy liata chihropa a ypazy nama awpakhy khai aw.

ZAWSUA 7:6

Zawsua cha a chysiazy hrie ta, ano nata Izarei machâzy cha, Abeipa Byh hmiakô liata zâlâ taih â khu lâta alei liata pao ei ta, ama luh liata buchâh mia ei ta.

ZAWSUA 8:35

Mawsi biepiepa zydua kha Zawsua ta Izarei zawpi zydua hnohta a rei leipa y vei. Chanôzy nata hawtizy nata ama hry liata chihropa a ypazy hnohta Zawsua ta a rei leipa ryhpa bie miakha hmah y vei.