EZRÂ 1:6 - Mara Bible RV (BSI)

⁶ Chyhsazy ta lôhthai sôh ama thyupazy hleikhô ta, ama chheipâh liata chyhsa zydua ta tâkâ hmobaoh­zy, ngôhzy, hmozy, sahrohzy nata hmo sôhpazy piepa ta, ama ku tha patlô ei ta.

EZRÂ 1:6 ပူးပေါင်းရင်းမြစ်များ

1 THÂTIHZYRONA 29:9

Âmo khopasana tlai ta ama piepa a châpa vâta zawpizy cha amâ ly ngaita. Pathipalôh tlokhuh ta Khazohpa lâ âmo lôhthai ta ama piepa a châ. Bei Dâvi chhao â ly ngaita.

EZRÂ 1:4

Laibâhpazy cha khataih su liata ama ypa chhao ta, ama yna su liata chyhsazy ta tâkâzy, ngôhzy, hmobaohzy nata sahrohzy ta ama bao chyu awpa a châ. Hezy he Zerusale liata Khazohpa o châta lôhthai sôh ama thyupazy hleikhô ta ama thyu via awpazy a châ,” tah ta.

EZRÂ 8:33

A noh palihna noh ta, tâkâzy, ngôhzy nata hmobaohzy cha eima Khazohpa o liata khopathliah pi ta, Uria sawchapawpa theihthaipa Meremô ku liata eima hlâ. A hnohta Phinehâ sawchapawpa Eliaza chhao y ta. Livai chi Zesua saw­chapawpa Zôzabâ nata Binu sawchapaw­pa Nôdiah zy ama hnohta y hra ei ta.

NEHEMIAH 6:9

Ama zydua ta miah pachhiparypa ta miah pachisa a chhuah ei ta, “Ama bâh pathliah aw ei ta, raihria patlô thei aw veih ei,” tahpa ta ama pachâ. Chavâta Hy Khazohpa, tahmâ ei ku tha na patlô mah y.

HLAZY 106:46

Sei ta âmo a chhituhpazy cha, Âmo a pangiachhiesa ei.

HLAZY 110:3

Hrâ na sie noh ta, Âmo lôhthai ta na phopi châ vaw hlâ aw ei ta; Pathaihna nata rônahna ta a tobipa ta, My diati tlapa hawhta, Na thyutliazy tha thiehpa ta nâ lâ amâ vy aw.

PUASAINA 12:35

Mawsi bie hawhta taopa ta, Izarei sawzy ta Izi mo cha tâkâ atobina nata ngôh atobinazy nata chysiazy hiah ei ta.

PUASAINA 12:36

Abeipa ta Izarei sawzy cha Izi mo ngiachhiena pahlaosa ta, Izi mo ta ama hiapa maih pie lymâ ei ta, cha hawhna chata Izi mo cha hrao ei ta.

ISAI 35:3

Ku chiehleipazy cha thapatlô u la, Pakhu chalyupazy pa-i teh u.

2 KAWRINI 9:7

Chyhsa to pasai leina chôta pie leipa ta, pie lei thei lei awpa hawhta pachâpa ta pie hra leipa ta, ama palôh ta amâ chhuahpa hawhta pie chyu mawh ei sy. Khazohpa ta a ly ngaitapa ta a pietuhpa kyh a pachâ.