EZRÂ 1:4 - Mara Bible RV (BSI)

⁴ Laibâhpazy cha khataih su liata ama ypa chhao ta, ama yna su liata chyhsazy ta tâkâzy, ngôhzy, hmobaohzy nata sahrohzy ta ama bao chyu awpa a châ. Hezy he Zerusale liata Khazohpa o châta lôhthai sôh ama thyupazy hleikhô ta ama thyu via awpazy a châ,” tah ta.

EZRÂ 1:4 ပူးပေါင်းရင်းမြစ်များ

1 THÂTIHZYRONA 29:17

Ei Khazohpa y, nâ cha palôh mohpasia chi ta, adona liata nâ ly tahpa ei pahno. Palôh dopa phaopa ta, he hmozy he keima lôhthai tlai ta ei vaw hlâ. He liata a ypa na chyhsazy chhao heta âmo lôhthai tlai ta, a ly ngaitapa ta ama cha vaw hlâ tahpa ei hmô.

1 THÂTIHZYRONA 29:3

Cha dei châ vei, o pathaihpa châta ei pachhuapanohpazy hleikhô ta, keima ngôh nata tâkâ zy chhao ei pie pâ hra. Ei Khazohpa o he ei pachâ peimawh ngaitapa vâta, ei Khazohpa o châta ei piepa a châ.

1 THÂTIHZYRONA 29:9

Âmo khopasana tlai ta ama piepa a châpa vâta zawpizy cha amâ ly ngaita. Pathipalôh tlokhuh ta Khazohpa lâ âmo lôhthai ta ama piepa a châ. Bei Dâvi chhao â ly ngaita.

2 THÂTIHZYRONA 31:14

Nochhi chhikao vaituhpa, Livai pathla Imnâ sawchapawpa Kôre cha, Khazohpa lâta lôhthai hmohlâpazy mohôhtuhpa châ ta, Abeipa châta panano eihpazy nata hmohlâpa pathaih chaipazy a pahruatuhpa a châ.

EZRÂ 1:3

Nama hry liata ano phopi a châpa maih chô liata a Khazohpa cha a hnohta y sala, Zudâh râh liata Zerusale lâ khy sala, Abeipa, Izarei Khazohpa o cha kaw sa mawh sy. Abeipa cha Zeru­sale liata a ypa Khazohpa a châ.

EZRÂ 1:5

Chatanachata Zudâh nata Benzami pho pawhrâhpazy, theihthaipazy, Livai pathlazy nata Zerusale liata Abeipa o paduapathi awpa ta Khazohpa ta a palôh a pathyupa zydua thyu ei ta.

EZRÂ 9:15

Hy Abeipa, Izarei Khazohpa y, nâ cha adopa châ chi ta, tanoh ta hmo a ypa hawhna heta, keimo cha laibâhpa a râpazy eima châ. Moh tua, eima thaileichâna chhaota na hmiakô liata eima y hih. Eima thaileichâna vâta, na hmiakô liata a duah thei awpa pakha hmah y ma pi,” tah na ta.

PUASAINA 35:29

Chatanachata Izarei saw zydua, a chanô chapaw ta, ama palôh liata pie khohna a hneipa maihta, Abeipa ta tao awpa ta Mawsi ku liata bie a piepa zydua tao nawpa ta lôhthai thyuna vaw cheih ei ta.

ISAI 10:21

Laibâhpazy vaw kua aw ei ta, Zakaw laibâhpazy cha Khazohpa thatlôpa lâ ama kua heih aw.

HMOTAOPAZY 24:17

Kô hluhpi a khô tawhta, ei chiheihzy deichhyna hmo pie awpa nata atheihna hlâ awpa ta a vy na ta.

KALATIA 6:2

Nama phaohrizy a phaokhei raihriepa ta, Krista ryhpa paki teh u.