EZEKIA 9:4 - Mara Bible RV (BSI)

⁴ Abeipa ta a hnohta, “Zerusale khihpi chahryh la, khihpi chhôh liata hmo pasichhihpa taopazy vâta a hrôpa nata a rôhpazy chyhsazy khi liata ngiana tao mah y,” tah ta.

EZEKIA 9:4 ပူးပေါင်းရင်းမြစ်များ

ÂTHAONA 4:15

Abeipa ta a hnohta, “Châ bao va! Ahy rai Kainâ a thiepa cha a lie sari ta a chô liata phuh lapa a châ aw,” tah ta. Chatanachata a hmôpazy ta ama thie lei nawpa ta, Abeipa ta Kainâ chô liata ngiana tao ta.

2 ABEIZY 22:13

“Vawh u la, he châbu ama hmôpa liata biezy kyh liata, kei nata zawpi nata Zudâh zydua châta Abeipa miah a saohiahpa teh u. He châbu bie zydua he eima tao awpa châ ta, châhrasala miah pathlatuhpazy ta ama zyh leipa vâta, eima chô liata Abeipa pathi thata a ia ha hi,” tah ta.

HLAZY 119:136

Na ryhpa bie ama zyh leipa vâta, Ei mozy tawhta mothlih chavah a loh tyh.

HLAZY 119:53

Na ryhpa a heihsaituhpa moleipazy vâta, Ei hie thata a hâh tyh.

PUASAINA 12:13

Thisaih cha nâmo châta nama yna o ngiana châ aw ta, thisaih ei hmô khiahta cha, ei châ zaw pakhô ha aw ei. Chatanachata Izi râh ei tu tita, nâmo chô lia deikua cha, châ pahleipadia awpa khâpa hri hmah vaw tlô aw vei.

PUASAINA 12:23

Abeipa ta Izi mo thie awpa ta vaw chahryh aw ta, ochhi tlâh nata ochhi tôh miano liata thisaih hniapa a hmô tita, Abeipa ta ochhi cha a zaw pakhô aw ta, pahleipadiatuhpa cha nâmo thie awpa ta nama o liata pangiasa aw vei.

PUASAINA 12:7

“Mietakutaw thisaih cha la aw ei ta, ama nie nawpa o liata ochhi tôh miano liata nata ochhi tlâh zy liata ama hnia aw.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ZEREMIAH 13:17

Nama nathlie vei khiahta deikua cha, Namâ palaina vâta arulâta cha aw na ta; Ei mothlih thata loh aw ta, Ei cha ngâ thlâh ha aw; Abeipa mietaku zaw cha, Seichâna lâ a chhipa ama châpa vâta.

EZEKIA 21:6

“Chavâta chyhsa sawchapawpa y, palôh keichheihpa nata pachâchhie ngaitapa ta a hrô la, ama mohmô lia tlai ta a hrô mah y.

EZEKIA 6:11

Abeipa Zehôvâh ta hetana heta a tah: “Na ku chabaihpa ta, na phei a tlai la, ‘Cha rimâ cha, Izarei pathlazy moleina pasichhihpazy vâta, zaozi ta pao aw ei ta, chakâhna ta paopa ta, potlana ta ama pao aw he zaw,’ tah mah y.

EZEKIA 9:5

Mohropazy hnohta chhao ei nah theina liata, “Ano hnôh lâna hao ta khihpi chahryh u la, thie lymâ muh vy. Nama mo ta pahlôh leipa sala, ngiachhie khuh vy.

EZEKIA 9:6

Machâpazy, satliazy, laihsazy, hawtizy nata nôzy thie khai u la, ngiana a hneipazy deikua cha a hnia khuh vy. Ei supathaihpa tawhta a thao muh vy,” tah ta. Chatanachata Achhyna o hmia liata a ypa machâzy tawhta pathao ei ta.

AMÔSÂ 6:6

Biebuh ta kresawhti doh ei ta, Sathaw pha chaipa a thupazy; Châhrasala Zawsi rao nota a taokhei leipazy cha, Ama hu a po na!

ZEPHANIA 1:12

Cha daihti liata, Meiôh ta Zerusale ei tlua aw; Nyu chaopahrâ liata Kresawhti didâh hawhta Chhôhmohpa ta y ei ta, Ama palôh liata, ‘Abeipa ta hmo phapa tao leipa aw ta, Hmo chhiepa chhao tao hlei aw vei,’ A tahtuhpazy ei hrie aw ei.

ZEPHANIA 3:18

“Kyhchhi a hlao thei lei vâta pachârôhpazy cha, Châ chhi pakhy aw ei na ta, Hmiachhie noza tao khao aw veih ei chi.

MALAKHAI 3:16

Chatawhcha Khazohpa a chipazy cha a chhohia raihrie ei ta, Abeipa ta ama biereipazy nathliepa ta thei ta. Chatanachata Abeipa a chipa nata a moh a pasâhsapazy atheithlâhna châbu cha a mohmô liata ropa a châ.

2 KAWRINI 1:22

Ano eih eima châpa miah ngiatuhpa chhao châ ta, bie ataihna châta a Thlahpa eima palôh liata miah pietuhpa a châ hra.

2 KAWRINI 12:21

Ei vy heih tita, ei Khazohpa ta nama hmiakô liata na panawh aw ta, pualeina, apatlana nata parâna moleinazy liata a vaw tlaih tyhpazy ama ro leipa vâta, ei palôh thata a pasa heih aw tahpa ei ngiaroh ngaita.

KALATIA 6:17

Tahmâ tawhta la ahy hmahta na patypamâ khao khah sy, ei pôhpa liata Zisu eih ei châna ngianazy phaoh tlôh na ta.

EPHESI 4:30

Khazohpa Thlahpa Pathaihpa pachâ parôh khuh vy, chatlaina noh châta ano ta ngiapa nama châ.

2 TIMAWTHY 2:19

Châhrasala, “Abeipa ta ano eihzy a pahno,” tahpa nata “Abeipa moh a padopa maih moleina siesai mawh sy,” tahpa ta chahnao pa-ipa ta, Khazohpa lôbô a ipa cha â duah thlâh haw.

BIEPHUAH 14:1

Chatawhcha kaw moh na ta, Mietakutaw Zaio Tlâh liata a duahpa nata ama khi liata ano moh nata a Paw moh ârohpa, chyhsa 144,000 a hnohta a ypazy hmô na ta.

BIEPHUAH 20:4

Chatawhcha beidyuchhaizy hmô na ta, a chô liata a tyuhpazy cha ryurei awpa ta biehneina piepa châ ei ta. Zisu bie nata Khazohpa bie vâta luh taipazy thlahpa, sahrâhpa nata a nothlahpa a chhy leipa nata ama khi liata tlyma, ama ku liata tlyma, ngiana a hnei leipazy thlahpa chhao hmô na ta. Cha sahlao cha vaw hroh ei ta, kô sâh kha chhôh Krista ryureilâh ei ta.

BIEPHUAH 9:4

Ama khi liata Khazohpa chahnaona a hnei leipa chyhsazy tah leipa ta cha, alei liata sibiepazy, tho hrohpa kheihawhpa rai nata thokô kheihawhpa rai parao lei awpa ta chhopa ama châ.