EZEKIA 9:2 - Mara Bible RV (BSI)

² Maw lâ a heihpa machhua thokhy chhikao lâ tawhta chyhsa pacharu a vypa hmô ei na ta. Adyuhna chaihrai a chaba chyu ei ta. Ama hry liata pala rih dipa chysia a tobipa ta, a chai liata châti ôh a vaopa a hlao ta. A vaw ngia ei ta, dawh maisâh kiapâh liata a vaw duah ei ta.

EZEKIA 9:2 ပူးပေါင်းရင်းမြစ်များ

2 ABEIZY 15:35

Su sâhpazy deikua cha paraopa châ leipa ta, Izarei phopi ta su sâhpazy liata atheihnazy hlâ ei ta, ropahâhpazy ama rao thlâh ha chy. Zôthâ ta Abeipa o chô lâta chhikao taopathi ta.

2 THÂTIHZYRONA 27:3

Abeipa o machhua lâta chhikao tao ta, Ôphe thokhy chô liata chhao o hluhpi sa ta.

2 THÂTIHZYRONA 4:1

Dawh maisâh tao ta, a doh lâ dy kih, a hâ lâ dy kih, â sâhna lâ dy hrawh a châ.

PUASAINA 40:29

Ahmaohna poh o achhyna byureih chhikao hmiakô liata raopa hlâna maisâh patyuh ta, Abeipa ta Mawsi hnohta bie a piepa hawhta, a chô liata raopa hlâna nata niepa hlânazy hlâ ta.

ZEREMIAH 1:15

Pachâ teh, maw lâta abeinarâhzy liata chipho zydua aw ei na ta, a vy aw ei ta, Zerusale thokhy chhikaozy liata ama beidyuchhai patyuh chyu aw ei ta, a thokhy zydua nata Zudâh khihpi to liata ama patyu thlu aw, Abeipa ta a tah.

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

ZEREMIAH 26:10

Zudâh beimachâzy ta cha thâtih cha ama thei nahta, abei o tawhta Abeipa o lâ khy ei ta, Abeipa o lâ angiana Chhikao Thiehpa liata a tyuh ei ta.

ZEREMIAH 4:6

Zaio lâta ngiana poh chaluah u la, Abohna tluapa ta a râ teh u; Nama nainô sô khah sy, Maw lâ tawhta chhiena vaw patlôsa aw na ta, Chhiena rarôh ypa ei vaw patlôsa aw.

EZEKIA 10:2

Abeipa ta pala rih dipa chysia a tobipa hnohna khata, “Cherubizy ry liata tiaki a pahieh ngâpazy likawh liata a kei ngia la, cherubizy likawh ta meihei iapa hao na ku kârano biepa ta kei phâ la, khihpi chô liata hiezâh mah y,” tah ta. Ei mohmô lia tlai ta a ngia ha ta.

EZEKIA 8:3

A ku a lyupa vaw pazawh ta, ei sâ tô ta na vaw patu ta. Thlahpa ta na chalo ta, alei nata avâ likawh liata na soh ta. Thlahpa chata Khazohpa aluahna ta Zerusale lâ nâ chhi ta. Dôhpachhôh tlyhmia lâ angiana maw thokhy chhikao liata na soh ta. Hia patliasatuhpa, hiatliana khazoh nothlahpa dyuchhai cha, cha su liata a y.

EZEKIA 9:11

Chatawhcha moh teh u, pala rih dipa chysia a tobi ta, a chai liata châsôh byh a vaopa khata bie vaw tlôkhei ta, “Bie eina piepa hawh chi ta ei tao khai haw,” tah ta.

EZEKIA 9:3

Izarei Khazohpa rônahna cha, a yna cherubizy tawhta thyupa ta, Achhyna o chhikao thaby lâ khy ta. Pala rih dipa chysia a tobi ta, a chai liata châsôh byh a vaopa kha aw ta.

DÂNIAH 10:5

Avâ kaw ua na ta, kaw moh na ta, pala rih dipa chysia ta a tobi ta, Upha râh ngôh suapa chaisaihna ta a chai â saihpa chyhsa pakha hmô na ta.

DÂNIAH 12:6

Pala rih dipa chysia a tobi ta, chavah ti chô liata â pahai thlâh hapa chyhsa hnohta, chyhsa pakhapa ta, “He hmonoâhpazy chhâna vaw tlô nawpa he khasâ taih a châ aw?” tahpa ta hiahri ta.

THEIHTHAINA 16:4

Pala rih dipa viahkao pathaihpa a ky aw ta, a sapa khu nawpa ta pala rih dipa chaopasy â pasy aw. Pala rih dipa chaisaihna a saih aw ta, pala rih dipa lakhu â khu aw. Chazy cha chysia pathaihpa a châ. Ti liata a ngai a si tua aw ta, cha khai tawhta chysiazy cha â tobi aw.

AMÔSÂ 9:1

Abeipa cha maisâh kiah liata â duah thlâhpa ta hmô na ta, Abeipa ta hetana heta a tah: “Ochhizy â chalyu khaina taihta otôhzy phy la, Chyhsa zydua luh chô liata pacho thlu teh; A laibâhpazy cha zaozi ta thie aw ei na ta, Pakha hmahta a râ aw veih ei; Pakha hmahta pua aw veih ei.

BIEPHUAH 15:6

Vâlyuhchâpa pasari cha potlana miasari chhaota achhyna byureih tawhta vaw pua ei ta. Vâlyuhchâpazy cha poh rih dipa pathaihpa nata diehpazy a bu ei ta, ama chachôhna liata ngôh chairi a zei ei ta.