EZEKIA 8:3 - Mara Bible RV (BSI)

³ A ku a lyupa vaw pazawh ta, ei sâ tô ta na vaw patu ta. Thlahpa ta na chalo ta, alei nata avâ likawh liata na soh ta. Thlahpa chata Khazohpa aluahna ta Zerusale lâ nâ chhi ta. Dôhpachhôh tlyhmia lâ angiana maw thokhy chhikao liata na soh ta. Hia patliasatuhpa, hiatliana khazoh nothlahpa dyuchhai cha, cha su liata a y.

EZEKIA 8:3 ပူးပေါင်းရင်းမြစ်များ

1 ABEIZY 18:12

Ei cha puasaipa nahta, Abeipa Thlahpa ta ei pahno leina lâ châ chhi aw ta, Ahabâ cha kei chho aw na ta, a cha hmô thei tlôh vei khiahta cha, kei châ chakaotuhpa he ei thyutlia no tawhta Abeipa a chipa ei châpa chhao ta, eina thie thlâh ha aw mâh tâh.

2 ABEIZY 16:14

Dawh maisâh Abeipa hmiakô liata a y tyhpa cha ohmia tawhta, ano maisâh nata Abeipa o likawh tawhta pasie ta, ano maisâh maw lâ liata soh ta.

2 ABEIZY 2:16

A hnohta, “Tahmâ pachâ teh, châ chakaotuhpazy hnohna heta chyhsa thatlôpa sypangawh ama y. Na zibeipa tlua awpa ta âmo cha pasiesa ei suh u. Abeipa Thlahpa ta khykhei aw ta, khataih tlâh liata tlyma, khataih saikao liata tlyma, a pathla thei ngyu mâh tâh,” tah ei ta. Elaisâh ta, “Nama pasiesa awpa châ vei,” tah ta.

2 ABEIZY 21:7

Abeipa ta Dâvi nata a sawchapawpa Sawlawmaw hnohta, “He o nata Zerusale khihpi, Izarei chi zydua tawhta ei tlyhpa liana heta ei moh chhâzaw ta ei paysa aw,” a tahna su Achhyna o liata Aseri tôh nothlâhpa a taopa soh ta.

HLAZY 78:58

Ama su sâhpazy vâta a hie pahâh ei ta, Ama khazoh nothlahpazy vâta hiatliapa ta ama paysa.

PUASAINA 20:4

“Na châta nothlahpa khazoh na tao awpa châ vei. Chô lâ avâ liatapa a lyupa tlyma, ry lâ alei liatapa a lyupa tlyma, alei ry lâta ti liatapa a lyupa tlyma, kheihawhpa nothlahpa khazoh hmah na châta na tao awpa châ vei.

PUASAINA 20:5

Chazy cha nâ chhy awpa châ leipa ta, na chakao awpa châ hra vei. Kei Abeipa na Khazohpa he, Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,

PUASAINA 34:14

Khazoh hropa rai namâ chhy awpa châ vei. Abeipa cha a moh Hiatlia châ ta, a hiatlia pasa kawpa Khazohpa a châ.

ZEREMIAH 32:34

Ei moh a phaohpa o liata ama hmo pasichhihpazy soh ei ta, o cha ama papuapalei.

ZEREMIAH 7:30

“Zudâh pathlazy ­ta ei mohmô liata hmo pha leipa taopa ta, ei moh pachyuhpa o liata hmo pasichhihpazy soh ei ta, o cha ama papuapalei haw.

EZEKIA 1:1

Kô sythôhna, thla palihna, noh pangawhna noh liata, seichâna lâ a siepazy hry liata Khebâ chavah kiah liata ei y thlâh ha nota, avâ a vaw pahy ta, Khazohpa aluahnazy hmô na ta.

EZEKIA 10:3

Chyhsa ta Achhyna o chhô lâ â ngia nota, cherubizy cha Achhyna o chho lâ chhâh ta a duah thlâh ha ei ta, Achhyna o chhôh liata tlyhmia zydua cha meihdo ta bie khai ha ta.

EZEKIA 11:1

Chatawhcha Thlahpa ta na chalo ta, nochhi lâ a heihpa Abeipa o chhikao lâ nâ chhi ta. Chhikao angiana kiapâh liata chyhsa pakih nata papangawh hmô ei na ta, ama hry liata phopi beimachâzy, Azu sawchapawpa Zazeniah nata Benai sawchapawpa Pelatiah zy chhao hmô ei na ta.

EZEKIA 11:24

Kei cha Thlahpa ta na chalo ta, Kha­zohpa Thlahpa ta aluahna ta Kaldia râh seichâna liata a ypazy lâ nâ chhi ta. Chatawhcha aluahna ei hmôpa cha na kiasai ha ta.

EZEKIA 2:9

Chatawhcha moh na ta, châbu chatypa a chabapa ku ta eina vaw pazapa hmô na ta.

EZEKIA 3:12

Chatawhcha Thlahpa ta na chalo ta, ei hnôh lâ tawhta losihpa ru ngaitapa pyu thei na ta, “Abeipa rônahna cha a pahrâna su tawhta reithaipa ta y mawh sy!” tahpa ta ao vaw pua ta.

EZEKIA 3:14

Thlahpa ta na chalo ta, na siekhei ha ta. Abeipa ku thatlôpa ei chô liata a y thlâh hana chôta, palôh pasa ngaitapa nata hiehâh ngaitapa ta sie na ta.

EZEKIA 37:1

Abeipa ku ei chô liata y ta, Abeipa Thlahpa ta nâ chhi ta, saikao liah liata na soh ta. Cha saikao cha ru ta bie thlâh ha ta.

EZEKIA 40:2

Khazohpa aluahna ta Izarei râh lâ nâ chhipa ta, tlâh sâh ngaitapa liata na soh ta, tlâhpi chho lâta khihpi a lyupa ozy y ta.

EZEKIA 43:5

Thlahpa ta na chalo ta, dôhpachhôh tlyhmia chhôh lâ nâ chhi ta. Abeipa rônahna ta Achhyna o cha pabie khai ha ta.

EZEKIA 43:8

Ama châkeih cha ei châkeih kiapâh ta taopa ta, ama chhikao tôh chhao ei chhikao tôh kiapâh ta bôpa châ aw ta, âmo nata keima likawh liata pâhchhô deita paysapa ta, ei moh pathaihpa cha papuapalei khao aw veih ei. Ama hmotaopa pasichhihpazy ta ei moh pathaihpa papuapalei ei ta, chavâta ei hiehâhna ta âmo cha ei pahleipadia ha ei.

EZEKIA 5:11

Chavâta Abeipa Zehôvâh ta hetana heta a tah: Ei hrona reipa ta ei reih. Na puana nata na pasichhihnazy ta ei supathaihpa na papuapaleipa vâta, ei cha chhawh pathlah ha aw. Ei mo ta cha pahlôh leipa aw ta, cha ngiachhie aw va na.

EZEKIA 7:20

Tâkâ nata ngôh atobina a ngiapazy cha, apalaina châta hmâh ei ta, tâkâ nata ngôh hmâpa ta, ama nothlahpa pasichhihpazy nata ama hmo pasichhihpazy ama tao. Chavâta chazy cha âmo châta hmo pathaih leipa ta ei tao haw.

EZEKIA 8:5

Chatawhcha Abeipa ta, “Chyhsa sawchapawpa y, maw lâ na mo khaih teh,” na tah ta. Maw lâ cha ei mo khaih na ta, hiatliana khazoh nothlahpa kha, maisâh chhikao maw lâta angiana liata hmô na ta.

EZEKIA 9:2

Maw lâ a heihpa machhua thokhy chhikao lâ tawhta chyhsa pacharu a vypa hmô ei na ta. Adyuhna chaihrai a chaba chyu ei ta. Ama hry liata pala rih dipa chysia a tobipa ta, a chai liata châti ôh a vaopa a hlao ta. A vaw ngia ei ta, dawh maisâh kiapâh liata a vaw duah ei ta.

DÂNIAH 10:10

Chatawhcha moh teh u, ku ta na vaw hria ta, ei ku nata ei pakhuzy thata a chalyu ta, pakhu paneihpa ta na paysa ta.

DÂNIAH 10:18

Chyhsapa a lyupa chata na vaw hria heih ta, tha na patlô heih ta.

DÂNIAH 5:5

Cha nona tlai chata chyhsapa kuparozy a vaw luah ta, meiôh sona dady liata abei o pâhchhô pamihpa liata châ vaw roh ta. Abei ta châ a roh ngâpa ku cha hmô ta.

HMOTAOPAZY 8:39

Ti tawhta ama kaw pua nahta, Abeipa Thlahpa ta Phili cha a chhi ha ta, hrilyupa ta ano cha hmô khao leipa ta, thapha ngaitapa ta sie ha ta.

RYHPACHANEINA 32:16

Chihropa khazohzy ta a hia patliasa ei ta, Pasichhihpazy taopa ta a hie ama pahâh.

RYHPACHANEINA 32:21

Khazoh a châ leipa ta ei hia na patliasa ei ta, Ama nothlahpazy ta ei hie eina pahâh ei. Chavâta phopi ta rei khi a tloh leipa chô liata Ama hia patliasa aw na ta, Râh hrupa hmâpa ta ama hie ei pahâh aw.

RYHPACHANEINA 4:24

Abeipa nama Khazohpa cha a kâ patlô theipa mei châ ta, hiatlia a pasapa Khazohpa châ tlôh ta.

RYHPACHANEINA 5:9

Chazy cha nâ chhy awpa châ leipa ta, na chakao awpa châ vei. Kei Abeipa na Khazohpa he Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,

RYHPACHANEINA 6:15

Nama hnohta a ypa Abeipa nama Khazohpa cha hiatlia pasapa Khazohpa a châ. Nama chô liata Abeipa nama Khazohpa a pathi ia aw ta, alei chô tawhta a cha pahleipadia pathlei aw ei.

ZAWSUA 24:19

Châhrasala Zawsua ta zawpi hnohta, “Abeipa chakao thei aw veih ei chi. Ano cha Khazoh pathaihpa châ ta, hiatlia a pasapa Khazohpa a châ. Nama paraonazy nata nama moleinazy a ngiahthai aw vei.