EZEKIA 8:18 - Mara Bible RV (BSI)

¹⁸ Chavâta kei chhao ta pathi iapa ta hmo ei tao aw. Ei mo ta pahlôh leipa aw ei ta, ngiachhie aw veih ei na. Ao paro ngaitapa ta ei nah liata awh hra ei sala, nathlie aw veih ei na,” tah ta.

EZEKIA 8:18 ပူးပေါင်းရင်းမြစ်များ

BIESOZY 1:28

Cha tina chata na pado aw ei ta, Châhrasala a chhy aw veih ei na; Thata na tlua awh ei ta, Châhrasala na hmô aw veih ei.

ISAI 1:15

Nama ku avâ lâ nama pazawh tita, Ei mo châ chahusai aw ei na ta; Ei hluhpi thlah nama chhâpa chhao ta, Nathlie aw va na; Nama kuzy thisaih ta bie tlôh ta.

ISAI 59:1

Pachâ teh u, Abeipa ku cha, Pachha thei lei awpa ta pachhohsapa châ leipa ta, A nah chhao thei thei lei awpa ta pâ vei.

ISAI 59:2

Châhrasala nama paraonazy ta Nama Khazohpa nata cha pachhaih ei ta; Nama moleinazy ta A hmia a khu haw; Chavâta nama thlahchhâna thei vei.

ZEREMIAH 11:11

Chavâta Abeipa ta hetana heta a tah, moh teh u, chhiena ama chô liata vaw patlôsa na ta, khôkhâh thei aw veih ei. Na aw hra ei sala, a chhy aw veih ei na.

ZEREMIAH 14:12

Kâhvileipa ta y hra ei sala, ama awna ao nathlie leipa aw na ta, raopa hlâna nata niepa hlâna zy hlâ hra ei sala, a pyh aw va na. Zaozi nata chakâhna nata potlana zy ta âmo cha tlao ei pahleipadia aw ei.”

ZEREMIAH 23:39

moh teh u, cha my pathlah aw ei na ta, nâmo chhao, nâmo nata châ pathlatuhpazy hnohta ei cha piepa khihpi chhao heta, ei mohmô tawhta ei cha thy aw ei.

ZEREMIAH 44:3

Âmo chhao, nâmo chhao, châ pathlatuhpazy chhao ta nama pahno beih leipa khazohzy lâta ropahâhpazy rao ei ta, ama chakaopa vâta, chhiena cha ama chô liata ei patlôsapa a châ.

ZEREMIAH 44:6

Chavâta ei pathiiana nata ei hiehâhna cha, Zudâh khihpizy liata nata Zerusale khiliahzy liata lei thlupa châ ta, ia ha ta, tanoh duahmo hawhna heta, khihpi rypa nata roryhrapazy lâta amâ lie hapa a châ.

CHAPHÔHTUNA 1:5

A khakhaipazy ta luhpa châ ha ei ta, A chariahpazy vânoh topa ta ama y; A paraona hluh ngaitapazy vâta, Abeipa ta pasa a pataosa haw; Khakhaipa hmiakô liata, A sawzy seichâna lâ ama sie.

CHAPHÔHTUNA 2:17

Abeipa ta â chhuahpa tao ha ta, A bie a patlô haw; Hlâno tawhta parao awpa ta a vaw rao hapa cha, Ngiachhiena hnei leipa ta a parao haw; Chariahpa a ly awpa ta cha parao ta, Na khakhaipazy ki a pasisa.

EZEKIA 16:42

Cha hawhna chata na chô liata ei pathiiana cha papai aw na ta, ei hiatliana ta a cha puasai ha aw. A chalih ha bâ aw na ta, ei hie hâh khao aw vei.

EZEKIA 23:25

Ei hiatliana na chô liata patlôsa aw na ta, hiehâh ngaitapa ta na chô liata hmo ama tao aw. Na hnapasuzy nata na nakhaohzy chhawh pathlah aw ei ta, a laibâhpazy zaozi ta ama pao aw. Na sawchapawzy nata na sawchanôzy cha lapa aw ei ta, a laibâhpazy cha mei ta a kâsao aw ei.

EZEKIA 24:13

Na pathaih leina cha aohraohna a châ. Cha pathaisa na ta, châhrasala na puana tawhta na pathaih hlei leipa vâta, na chô liata ei hiehâhna a pai hlâlei cha, na pathaih leina tawhta pathaih heih khao aw va chi.

EZEKIA 9:10

Chavâta kei chhao ta pahlôh leipa aw ei na ta, ngiachhie aw veih ei na. Ama hmotaopazy ama luh chô liata ei vaw patlôsa aw,” tah ta.

EZEKIA 9:5

Mohropazy hnohta chhao ei nah theina liata, “Ano hnôh lâna hao ta khihpi chahryh u la, thie lymâ muh vy. Nama mo ta pahlôh leipa sala, ngiachhie khuh vy.

MIKÂ 3:4

Cha tina cha Abeipa pado aw ei ta, Châhrasala âmo chyh-ei aw vei; Ama hmotaopazy cha moleina a châpa vâta, Âmo tawhta a hmia a nyu ha aw.

NÂHU 1:2

Abeipa cha hiatlia a pasapa Khazohpa châ ta, Phuh a lapa Khazohpa a châ; Abeipa cha phuh lana nata pathiiana ta a biepa châ ta, Abeipa cha a khakhaipazy chô liata phuh la ta, A chariahpazy châta pathiiana a pachôtuhpa a châ.

ZEKARIA 1:2

“Châ pathlatuhpazy chô liata Abeipa a hie a hâh ngaita.

ZEKARIA 7:13

“Aw ei na ta châhrasala nathlie khoh veih ei. Chavâta na aw ei ta, kei chhao ta nathlie veih ei na.

LUKA 13:25

O hneituhpa thyu ta ochhi a khaw ha khiahta cha, nâmo ta khôtho liata a duahpa ta, ‘Abeipa, ochhi miah pahypa teh,’ tahpa ta ochhi chakhyh hra u la, ‘Khataih tawhta a vypa ma nama châ, cha pahno veih ei na,’ tahpa ta a châ chhy aw ei.

1 SAMUELA 8:18

Cha noh liata, nâmo tlai ta nama bei châta namâ tlyhpa vâna chata, thata cha aw ei chi ta, châhrasala cha noh liata cha, Abeipa ta châ chhy khao aw veih ei,” tah ta.